جاتني فكره هل تنصحوني أغير خط سيري وأستبدل الخمس ايام في التايم سكوير بفندق شنغريلا بولاية صباح !!
علما أني شايف لنكاوي وبيننق من قبل .

ترى والله تتعب كثر ماتعبت انا من التغيير نظرات الناس تختلف اللي يمدح فندق واللي يذمه واللي يمدح ديره والثاني يذمها بس اعقلها وتوكل يارجال وزي ماتصير تصير انا يامحاكيك اول برنامج سويته في المكتب كان اخر شي في كوالا ثلاثه ايام تايم سكوير ثم غيرت اربع ايام واخرها استقريت على ستة ايام نهاية الرحلة واسال الله ان يوفق الجميع ويستمتعون برحلاتهم والسلام عليكم.

انا توني راجع من هناك
ماسكنت التايمز سكوير لكن دخلت السوق وطلبت اشوف الشقق
الشقق رائعه خصوصا اذا معك اطفال
بالنسبة للسوق انا تمشيت هناك في 3 أدوار واحتمال فيه اكثر
والملاهي كانت زحمه

عليك بالمندرين أورينتال..
ممتاز جدا ولن تندم ابدا
وأنتا وضميرك ..

المندرين يقولون مره روعه وافخم شي
لكن..........
احسه بصراحه بعيد موبعيد مره بس لازم لازم تكسي لو بتروحون لاي مكان
لكن الويستن رائع رائع يعني بتكونون ترفهتوا فيه وموقعه اروع
والتايم سكوير بصراحه نظيف لكن بعيد الويستن محد بيشوف شي احنا رحنا الماريوت وماعجبنا بعد الويستن والراحه اللي فيه
بس ميزه التايم سكوير محد يطفش فيه ابد لو رجعنا بدري من اي مشوار نجلس نتمشى بالتايم سكوير والمحلات اللي فيه روعه وتجنن وهو اكثر سوق اشتريت منه من دون اي مبالغه وفيه ملاهي وكافي وميني ماركت وسينما وفيه محل اسكريم جنب مكدونالدز مره حلو
وكل كل شي مرريح مره
اما لو تحبون الفخامه والرفاهيه خليكم عالمندرين

مرحباء
الاخت anooha بصراحه مافيه مقارنه (حرام عليك) بين المندرين والتايم سكوير
المندرين افضل وافخم واجمل والخدمه رائعه جداً وموقع الفندق مره حلو
توكلى على الله وخذى فى المندرين والله حلو
تحياتى لك

أنوها
أبوي إذا انتي سايرةويا الاهل عليكي بالتايم سكوير جميل وروعة بس عيبه المصعد عليه زحمه والإفطار ما يسوى فيه
إذا حابه تسكنين في فندق روعة وجميل وقريب من الأسواق عليكي بالريجنت صدق فندق روعة
وإذا ما يهمك البعد وحابه تجربين التكاسي انا أنصحك تسكنين في فندق صحيح فندق وأنا اعتبره من أفضل الفنادق في ماليزيا روعة واكله حلو وغرفه روعة والمعاملة فيه ملكيه فندق الهيلتون بعيد صح بس روعة
والله يسلمك

خلاص قسمت الخمس ايام تبع التايم سكوير الى ثلاث ليال في التايم سكوير وليلتين بالمندرين وباقي الجدول نفسه
أشكركم جميعا على ردردكم وآرائكم أنا ماشي بعد ساعه للمطار ... دعواتكم .

بالتوفيق أن شاء الله
أختيار موفق..
ورحله سعيده ان شاء الله
بس ادا وصلت كوالا لا تضيع كرت الدخول..
والله الله بالتقرير الحلو مثلك..
واي خدمه حاضرين للغالين..