اهلا اخي العزيز ابجاوبك عن بعض الاسئله والاخوان ان شاء الله ما بيقصرون معاك
بالنسبه للتأمين فمن المفترض ان كنت مبتعث من خلال الدوله يكون متأمن عليك فما تحتاج اي تأمين من اي شركه يعني اذا لا سمح الله احتجت شي في المانيا يخص العلاج عليك مراجعة الجهه اللي ابتعثتك اما الملحق الثقافي اذا مبتعث من التعليم العالي واذا من وزارة الصحه الملحق الصحي واذا من المستشفيات العسكريه فمن الملحق العسكري .
والتامين اخوي المطلوب من السفاره يغني عنه خطاب الدوره او الابتعاث اللي ترفقه للحصول على التأشيره .
نقطه مهمه بخصوص التامين كل شركات التأمين الموجوده في المملكه تأمن فقط تأمين اسمه ترافلنج انشورانس وترا غير مسؤولين عنك ابدا خلال السفره وكثير قدموا فواتير وما دفعولهم شي يعني تقدر تسميه تأمين صوري فقط لانهاء اجراءات السفاره .
بالنسبه لايجار سياره من المانيا انا ارشحلك شركة سكست وهذا موقعهم على النت http://www.sixt.com ولازم تجيب معاك رخصتك السعوديه ومعاها الرخصه الدوليه علشان تتمكن من الايجار اضافة الى الكردت كارد .
شرايح الجوال افضل شي انك تطلع من المانيا وممكن تاخذ عرض من ال o2 تتصل على مشتركي ال o2 بدون فلوس والمكالمات الثانيه طبعا تحسب عليك وتقدر طبعا تعبيها زي بطايق سوا بالضبط فيه كروت عندهم ب 15 و ب 30 يورو.
بالنسبه للاتصال بالسعوديه او باي دوله من دول الخليج ارشحلك طريقه وهي انك تشتري بطاقه اسمها trix ومن خلالها تتصل بالسعوديه طبعا تستخدم تلفون ثابت وبتلقا كباين اتصال كثيره ومن الافضل انك تشتري البطايق وتتصل من الكبينه ارخصلك سعر البطاقه 5 يورو ومتوفره لدى كبائن الاتصال .
بالنسبه طريقة البحث عن سكن انا ارشحلك شركه اسمها home company شركة جدا ممتازه وهم يلقولك السكن ويعرضولك كذا وحده سكنيه وانت تختار منها .
بالنسبه للحساب انا ما فهمت بالضبط ايش المطلوب وسامحني اخوي لكن ممكن انك تفتح حساب ارشحلك بنك اسمه الدوتش بانك
وبالتوفيق في سفرتك .

airtoair
مشكور اخوي على تفاعلك تم حل بعض المشاكل الي رديت عليها وفي انتظار الباقين اللي عندهم خبرة