قد سكنت فيه
غرفتين ب 2300 الليله اشوفه غالي شوي مقارنه بغيره ويبعد عن الخبر
فيه منطقة دبابات خاصه فيه
المسبح عام
انا اشوف غيره افضل

السلام عليكم ورحمة الله وبركاته
عفوا ردك ماهو واضح
انت اي شاليه تقصد؟؟!!
وشكرا ،،،،،،،،،،،،،،،،،،،،،،،،،،،

اخي الغالي
شاليه الخليج وهيولدان قريبين من بعض ... يعني 10 دقايق ليه ما تروح وتشوف اللي يعجبك ..
ومنها تمر على شاليه النخيل يكون بينهم .. على نظرتك افضل من نظره اي احد ..

السلام عليكم ورحمة الله وبركاته
الليث / عفوا ياخوي انا مو من الشرقيه انا من سكان الرياض
ياليت اللي جرب الشاليهات او يعرف عنها اي شي يخبرني لان سفرتي قربت
وشكرا للجميع

قرية الخليج مكارم انا مجربة وابروح اليوم لم الشرقية ابسكن في قرية الخليج وانا من اهل الرياض
ترى البحر نوعما قريب والبحر نضيف والله يفتح النفس ويوسع الصدر

الهوليدي ان غالي جدا واحيانا يطلبون حجوزات مسبقة

شاطئ الغروب(صن سيت) شاليهات تسلب الالباب درجة الامن عالية فيه،،جلسات ومقاهي رايقة،،كفاية انك تجلس لتتفرج على مرسى السفن،،ولا البركة الكبيرة اليي تتوسط الشاليهات للاطفال،،حتى تلاقي فيها طيور مهاجرة لنظافة البيتش،،يعني الي بيخسر هنا ولا ينصب له خيمة بقطعة عشرة

جربت الاثنين :
قرية الخليج مكارم / مستواها 4 نجوم فئة ب ، ممتازة فيها نادي خاص للرجال وآخر للنساء ، الشاطئ حلو جدا ، خاص للسكان ، العيب إنه ماحولك سوبرماركت ، حتى المطعم حقهم يجيب العافية ، أسعارهم غويليه مقارنة بالخدمات .
هواليداي إن / ممتاز ، لكن المسبح عام وأغلبه أطفال ، لا تشعر بخصوصية نهائيا ، مستواه 4 نجوم ، أسعارهم طبعا تصنيفي هذا ( حراميه وجشعين وطماعين والله لا يربحهم ولا يزيدهم ) اتصل عليهم وبتكمل على تصنيفي من الحرة ألي بتلقاها .
فيه قرية النخيل / ما سكنت فيها لكنها للي جربوا انها افضل من الخليج واغلى حبتين وعلى ما اعتقد ان هالاسبوع فل .
رأي فيه فنادق واجد بالخبر جديدة ، هوليداي ان ، موفمبيك ، أنتركونتيننتال ، ميريديان - القديم المعروف - ، ولا ترى كلهن أرخص من هوليدي ان الهاف مون ،،
اذا انت تبي الأهل يسبحون ، فترى فندق شيراتون بالدمام مرمم وفيه افضل نادي صحي بالمملكة على كلامهم ، وفيه نادي للرجال واخر للنساء ،
فيه الانتركونتيننتال الجديد عندهم سويتات حلوة واسعاها معقولة والفندق راقي جدا .
فيه طبعا شقق عادية ، لكن انا اتكلم مع واحد يسأل عن اشياء بحدود أل 1000 ريال لليلة .
تحياتي