مقتنع بكل ماكتبته
الا سفرك الى ملاكا
السياح يروحون مالاكا من كوالالمبور اثناء اقامتهم في كوالا في اي يوم مشوار بالسيارة ساعه ونص من الصباح
الى منتج افاموزا واهم مافيها عروض الطيور والفيلة الخ
لكن اللي ضروري انك تعدله بالبرنامج انك تزور جنتنغ بصراحه احلى مافي ماليزيا هالمنطقة
تاخذلك يومين هناك في فندق الفيرست وورلد غرفة اسمها وورلد كلوب بالطابق الاخير ال 24 فوق السحاب
ضباب غير طبيعي مدينة العاب على مستوى اسيا ممكن تكون من الاروع
نفس الفندق فيه مدينة العاب داخلية وخارجية جافة ومائية وفيه مول كبير جدا بنفس الفندق اسواق ومطاعم كبير جدا
الفندق والالعاب والاسواق والمطاعم كلها بمكان واحد
ولاتفوتك الايسيلاند بنفس الفندق كأنك بالقطب الجنوبي خ
توي راجع من هالمنطقة قبل امس وافكر ارجع لها
مبروك مقدما وان شاء الله تستمتع بشهر العسل مثلي ولاعزاء للعزابية

اخي العزيز بالنسبه لرأي هو انك تكنسل ملقا وتضيف الايام إلى لنكاوي وكوالالمبور والفنادق ممتازه كلها وبالتوفيق

ملقا في اسبانيا ههه
قصدك ملاكا

مشكورين اخواني على ردودكم بس اللي ابي اعرفه وش فيكم على ملكا ما قلت ملقا يا بعد حيي :> ولا تزعل ملكا لكن جنتنق كنت افكر ازورها من كوالا لمبور بس لا تلموني والله شي مو طبيعي شي ماينوصف الفندق اللي اخذته في ملكا احس ان ملكا رايقه فيها عزله وروقان ماينوصف وباخذ رايكم بعين الاعتبار انتظر كثير من الارا :>

هلا يا أخوي.. الله يهنيكم ويسعدكم ويجمعكم على خير..
أنا مقتنع أنك ما اخترت هذا البرنامج إلا بعد تعب وتفكير ... ولكني أعتقد أن برنامجك يشبه برنامج مثالي لسائح يكتشف البلد.. لو كان لي رأي في الموضوع لأشرت عليك أن تقتصر على ثلاث أماكن لا غير.. فأنتم في شهر العسل وراحة البال والاستقرار مهمة جدا.. فمن غير المحبذ أن تعيشوا جوّ السفر والتاكسي و Check in and Check out .. فجو السفر وكونكم تنامون وانتو تفكرون انه وراكم مشاوير وحزم الحقائب متعبة في حد ذاتها؛؛ فضلا عن تعب السفر نفسه... وأعتقد أن لنكاوي تستاهل أكثر من يومين..
تحياتي

اخي الامير المسالم
مشكور على رايك الرائع اللي احس انك صدتني فيه اني كني استكشف طيب ممكن تساعدني ويساعدوني الاخوان
وتعنون لي المدن اللي اخترتها بعناوين فقط كرؤس اقلام
مثلا :
كوالا لمبور = التسوق والنهضه العمرانيه
جنتنق = التسليه .................................. وهكذا عشان اعرف وش احساسكم لكل مدينه من هذا بما انكم جربتوها
ولكم مني الشكر

لا شكر على واجب يا أخوي.. إذن هذا اللي حطيته مجرد أفكار لسه ما حجزت!!! كويس.. الحين يا أخوي ركز على الأجواء الرومانسية + إذا كان سفرك بعد الزواج مباشرة أنصحك تختار مكان (لنكاوي أو كوالالمبور مثلا) وتطول فيه أربعة أيام مثلا.. فالأيام الأولى من الزواج تحتاج إقامة واستقرار لأكثر من 3 أيام..
أنا رحت كوالالمبور ولنكاوي وجنتنغ هايلاند.. وخل الزملاء اللي يعرفون كل الأماكن اللي انت كتبتها؛ يختاروا لك وين الأحسن والأهدأ والأجمل ..
تحياتي...

طيب محد قيم لي الخطوط الكويتيه وش رايكم فيها لاني حجزت عن طريقها وما فيه الا هي بس ابي تمهيد عشان ما انصدم فيها او تطمنوني عنها
ثاني شي انا بالنسبه للسكن لسى ما حجزت لكن حطيت الجدول هذا بعد ما جدولت نفسي عليه وقلت اخذ رايكم اذا يحتاج تعديل او لا او ترونه مناسب