بداية" أحب أشكر كل القائمين على هالمنتدى الرائع وكل المشرفين والأعضاء ال ماقصروا بكل معلومه
ممكن تفيد المسافر العربي...فأرتقوا بتفكرينا أتجاه السفر وأهدافه وكيفية السفر بطريقه مخططه ومدروسه
وأسعار معقوله..بدون اللجوء لمكاتب السياحه وأستغلالها الكبير .....وماأقول غير جزاكم الله ألف خير عنا .
سميت موضوع سفرتي لماليزيا بسوالف ظبيه في ماليزيا 2009 لأنها مجرد سوالف عن سفرتي المتواضعه
الي أماكن سبق وكتب عنها الكثير من رواد هالبوابه ويمكن مايكون فيها أية معلومات جديده مع أني أتمنى
العكس..بس قلت بما أني أستفدت من هالبوابه فلازم أكتب لو موضوع بسيط لعل وعسى فيه
الأفاده...وعلشانها سوالف فكتابتي بتكون شوي باللغه العربيه الفصحى والأكثر بلهجتي المحليه لهجة أهل
دبي (لاتدققون ) ومن البدايه أقولكم أسمحولي على القصور لأنها أول مره أكتب عن سفره من
سفراتي..وطبعا" راح أحاول أنزلكم بعض الصور
هذي مو أول سفره لنا الي ماليزيا بل السادسه تقريبا" (لاتستغربون) لكنها المره الأولى ال يكون فيها الهدف السياحه في ماليزيا....سفراتنا السابقه الي ماليزيا ظلمناها فيها لأنه خلينها
محطه للراحه أثناء الذهاب الى أستراليا ومحطه للتسوق أثناء الرجعه من أستراليا..لكن بعد دخولي الي بوابتكم الرائعه تغيرت نظرتي الي ماليزبا ..قريت عن أماكن ماسمعت عنها وماشفتها
مما شوقني الي القراءه أكثر وأكثر من تقارير الأخوه والأخوات ال ماقصروا بكل صغيره وكبيره ذكروها عن رحلتهم......فبمجرد ماقالي زوجي شو رايج نغير جو في عطلة نص السنه فكان
الجواب جاهز ...أنا جاهزه....ضحك زوجي : طيب وين تبغينا نسافر...طبعا" جاوبت بدون تردد ماليزيا........أستغرب زوجي : ماليزيا !! مامليتي منها ؟؟..فقلت بنروح أماكن ماسبق
رحنالها ...رد عليه زوجي: حد قالج عن أماكن جديده في ماليزيا ؟ قلت له بكل ثقه : العرب المسافرون..خير من تسأل عن أي مكان في خاطرك....خلني أرتب أماكن الرحله وبعدين قولي رايك.........قالي : تم
وفعلا" بديت أجمع المعلومات عن الأماكن ال قررت أنروحلها ..فكان كالتالي:
المده 10 ليالي من 16/1 الى 27 / 1 /2009 موزعه كالتالي:
5 ليالي لنكاوي فندق البرجايا
2 ليلتين الكاميرون فندق أكاتوريال
3 ليالي كوالمبور فندق تريدرز
وبالنسبه للطيران الدولي...تمت مقارنة الأسعار والخدمه بين الطيران الماليزي والأمارات
والسنغافوري........وتم أختيار السنغافوري
المسافرين هم عايلتي الصغيره..أنا ظبية وزوجي وأولادي الأثنين (14 سنه و3 سنوات
ونص :11ight الله يباركم فيهم ....
الحلو في الموضوع أنه أختي كانت حابه تسفر مع زوجها وأولادها (ولد 8 سنوات وبنت 5 سنوات ) على
عطلة ( اليوم الوطني + عيد الأضحي ) 9 ليالي ..فأقترحت عليها تخطيط رحلتي...فأستانست عليه
وأختارت نفس الفندقين في لنكاوي والكاميرون بس مالقت في تريدز كوالمبور...فأقترحت عليها
أمبيانا ....وفعلا" تمت الحجوزات وعلى الطيران السنغافوري..وكنت معاها أول بأول على التلفون والمسجات
ولما رجعوا من السفر بالسلامه كانوا وايد مستانسين ...وحتى زوجها يقولها كأنها أول مره نروح ماليزيا (
هم مثلنا هذي المره السادسه يروحن لماليزيا ) بس ماليزيا هالمره غير
طبعا" كلكم تنتظرون الأسعار....بالنسبه للتذاكر على الطيران السنغافوري :
البالغ : 3030 درهم (أحنا 3 بالغين وطفل ) الطفل : 2530 درهم
الرحله دبي لنكاوي ( لنكاوي كوالمبور على أسيا أير )ثم كوالمبور دبي
من دبي الي سنغافوره ترانزيت ساعه وربع ثم بطيران السيلك أير الي لنكاوي والعوده تكون من كوالمبور
أيضا" بالسلك أير وترانزيت ساعه وربع في مطار سنغافوره ثم العوده الي دبي
هذي كلها ضمن الثذكره الدوليه...........أما من لنكاوي الي كوالمبور فحجزنا على أسيا أير بالنت...وكانت
تذكره لأتجاه واحد لنكاوي ..كوالمبور 4 تذاكر =362.50 رينجت
بالنسبه للفنادق......البرجايا لنكاوي حجزنا عن طريق أسيا ترافيل ولقينا عندهم عرض على شاليهات
البريميم كل 4 ليالي الخامسه فري (مجانيه ) وكنت طالبه من أختي تسألهم أذا عندهم شاليهات كونكت
فقالوا لها أنه بعض شاليهات السبريور والديلوكس والبريميم يجوا كونكت بس حسب الطلب
والمتوفر ..........فكتبت في الحجز أنه نبغي كونكت وقريب من الوبي..لانه أختي شاليهم الديلوكس كان
أقرب للغابه ...فقالت مو كافين القرود ال عندي بالشاليه (عيالها) بعد يايني من البلكونه ..............سعر
الشاليه البريميم مقابل البحر= 602 درهم * 2 = 1204 *4 ليالي (لانه الخامسه فري) = 4816 درهم
بدون أفطار
بالنسبه للكاميرون فندق أكتوريال طلبنا شقه بغرفتين نوم من موقع أسيا روم مع الأفطار =719.32 *2 =
8-64 درهمأما كوالمبور فحجزنا في فندق تريدرز وهذي أول مره نغير فندقنا ال متعودين عليه (الأورينتل)
الحجز كان عن طريق أسيا روم غرفتين ديلوكس بارك فيو مع الأفطار
الغرفه الوحده =451 درهم * 2 =902 * 3 ليالي = 2708 درهم
هذا بالنسبه لأسعار الغرف ........حبيت أعطيكم أسعار التذاكر والفنادق قبل لا أسولف لكم عن أحداث
رحلتنا...للأفاده قبل لا أيلس أسولف لكم عن الرحله وأنس نفسي وما أكتب الأسعار
وتابعوني في السوالف اليايه ومع الصور طبعا"