ابو خديجة الخير
28-09-2022 - 07:56 am
الاخوة الاعضاء الكرام
السلام عليكم ورحمة الله وبركاته
بعد ان صدر قرار اجازة المعلمين انها تبدأ في تاريخ 26 رجب
جتني رغبة في اني اخذ العائلة الكريمة واسافر الى اندونيسيا
صح الوقت متاخر في الترتيب لكن حسبي الله ونعم الوكيل على الوزارة حقتنا
اللي ماتقرر الاجازات الا في الوقت الضائع
عموما عشان مااطول عليكم
سؤال سريع وارجو من اصحاب الخبرة الرد
احنا عددنا ستة وطفلة عمرها 4 سنوات
انا واخوي
وامي وزوجتي واثنين من خواتي وطفلة
نبغى نروح اندونيسيا مدة اسبوعين تقريبا
وماعندي خبرة في اي شي نهائي
ابغى احد يعطيني التكلفة التفريبية للمصاريف هناك من اكل وشرب وسكن وتنقل وتذاكر داخلية
بالاضافة الى الاسعار التقريبية لتذاكر السفر من الدمام
عشان اشوف ميزانيتي تسمح ونبدا نرتب والا اكنسل الفكرة
ادري انه استطيع ان احصل على المعلومات من خلال تصفح التقارير بس وربي ابي قرار سريع الحين
عشان اشوف الميزانية تكفي او لا
طبعا مستوى السكن ابيه يكون من متوسط الى فخم
ما ابي اي شي مشي الحال
وشكرا لكم جميعا
