AbuHala
15-05-2022 - 12:39 pm
السلام عليكم ورحمة الله وبركاته
ومساء الخير عليكم جميعا ً
واسمحو لي أدخل في الموضوع علطول ومن دون مقدمات
بإذن الله ناوي اروح ماليزيا لشهر العسل
وحجزي على السعودية بتاريخ 14-7 من الرياض .. والعودة إنتظار 29 أو 30 أو 31 >> الرحلة التي تتأكد قبل باخذها
المهم إن جدولي المبدئي .. يومين سلانجور ويومين أو ثلاثة لنكاوي وثلاثة أيام أو أربعة بينانغ والباقي لكوالا
بس مشكلتي في ترتيب المدن والأولوية
أنا بعد متابعتي للمنتدى كنت مرتبها سلانجور - لنكاوي - بينانغ - كوالا
بس اخوي ابوهلا (صاحب النك نيم الأصلي) >> عادي .. فيه غيرنا عوايل متقاطين في النيك نيم >> ترى مايقصد أحد
المهم .. يقول إن سلانجور ماتصلح في البداية .. خلها آخر يومين
يعني خلها يومين في كوالا وبعدين لنكاوي وبينانغ وترجع لكوالا وبعدين سلانجور وعالمطار
وبعدين فكرت اخلى سلانجور يومين في البداية ويومين في النهاية بس قالو انها ماتستاهل 4 ايام
فأنا قلت مالي بعد الله غيركم ... أنقذوني .. ولا تورطوني
أبي أحجز فنادق بس ماني عارف التورايخ لاني ماحددت ترتيب الرحلة
الا على طاري الفنادق .. على حسب متابعتي لكم قررت مبدئيا ً على هالفنادق
في كوالا .. استانا .. أو .. برجايا تايم سكوير
بينانغ .. بارك رويال
لنكاوي .. بيلانجي بيتش
بس ياليت تذكرون لي فنادق مميزة في كل منطقة .. وتعطوني رايكم في الفنادق الي ذكرتها؟
وبعدين لنكاوي تنفع يومين بس ولا اخذ ثلاثة أيام
لأن على حسب ماقرأت أنها رومانسية وهذا شئ إيجابي
بس السلبي فيها إن أكثر نشاطاتها وفعالياتها ومطاعمها بحرية >> مع انه شرقاوي بس مايحب المأكولات البحرية
وإذا فيه أي معلومات إضافية .. مانقول لا
والله يعينكم علي وعلى أسئلتي
شاكر لكم تعاونكم .. مقدما ً