- انقل لكم تجربتي الخاصة فيما يخص السكن في مناطق ماليزيا التي زرتها
السلام عليكم ورحمه الله وبركاته
من تجربتي للسياحه في ماليزيا 2013
انقل لكم تجربتي الخاصة فيما يخص السكن في مناطق ماليزيا التي زرتها
1- كوالالمبور..فندق دورسيت رائع ومنظم وقريب من شارع العرب خطوتين وعلى شارع هادئ والافطار منوع ورخيص بالنسبة لخدماته علما بان معي طفلتين
2- لانكاوي ويستن.. فوق الروعه هدوء وجمال ومسطحات خضراء ومافي ازعاج او صخب او موسيقى هادي بكل معنى الكلمة المسابح كبيرة ومنوعه وانبسطوا فيه بناتي كثير والافطار منوع وكنا نطلب عشاء برضه للغرف خدمتهم جميلة وبدلت المفارش كم مرة بدون أي تذمر اعطيهم 10-10
3-هوليداي ان بينانغ..تجربتي ظالمة شوي لاننا سكنا في برج مو عالبحر وكنت امشي في جسر للفطور وللتكاسي والعودة لغرفتي تعبت اطفالي كثير وماحبيتها بتاتا وبعد ماتعاونوا معاي وبدلوا الغرفه لثانيه بالبرج اللي عالبحر مانقدر ننام من صوت الموج او الهواء مدري كيف افسرلكم بس كان مزعج اقرب ماله هدير الحمامة حتى بناتي قلقوا والحمدلله عدت على خير بس كان عليه مدح شديد باالمنتدى وقته خلاني اختاره..وللعلم في خاطري عليهم انهم مارجعوا التامين للفيزا ولو ان المبلغ قليل حق 4 ليالي بس احس المصداقية تنزل من مستوى الفندق والموظفة رفضت تاخذ التامين كاش فزعلني زيادة عليهم هالموقف
4- سيلانجور.. كان السكن لليلتين في فندق امباير سوبانج وكان ميزته الروعه مرتبط بمول صغير فيه مطاعم كان مريح جدا والمكان فاخر فوق 4 نجوم واخذنا سيارة من المكان توصلنا لكل معلم سياحي والسعر كان جدا معقول صراحه مقابل رفاهيه الخدمات..
كثير ناس تسكن في الصنواي بس احس ماينفع مزحوم بسبب ارتباطه بالصن واي لاقوون
عن الفنادق التى اقمتوا فيها
لك تقديرى و احترامى