The Wolf1001
20-09-2022 - 06:13 pm
تحياتي لكم اخواني الكرام
ارغب في تأجير سيارة لرحلتي الى النمسا وميونخ ومحتار بين الشركتين سكست ويورب كار،، ودي اعرف من تجاربكم ايهم افضل؟؟
بالذات من ناحية تطبيق المواصفات المطلوبة والسيارة المطلوبة وعدم تغيير اي شيء
وعندي استفسار ثاني بالنسبة لبطاقة الفيزا الشحن اللي حروفها وارقامها بارزه هل هي مقبولة لدى شركات التأجير؟؟
كنت بفتح موضوع استفسر عن شي مهم يخص إيجار السياره, لكن بما انك فتحت موضوع التأجير اسمح لي اطرح استفساري هنا حتى يفيدونا الخبراء,
أول شي بجاوب على سؤالك,
أنا في نوفمبر 2011 أستأجرت سياره من يورب كار في اسبانيا,
حجزتها عن طريق النت, من موقع يبحث بوكالات السيارات العالميه..
فكان من ضمن نتائج البحث, يورب كار وسكيست,
اخترت يورب كار لان كان السعر اقل من سكيست بحاولي 200 ريال..
ولما وصلت مدريد علشان استلم السياره, كنت طالب قولف فلوكس واجن
ماكنت متوفره لكن وفروا لي سياره افضل منها
أودي 3 , ويراعون تكون قريبه من طلبك الاصلي وافضل, يعني ماينزل لسياره اقل, وطبعا ما تدفع ولاشي زياده..
انا استفسار لأهل الخبره,
الأن لو اخذت السياره ودفعت المبلغ,
طبيعي انهم راح يحجزون مبلغ معين من الماستركارد, يرجعون المبلغ لما نرجع السياره سليمه..
لكن كم مقدار المبلغ؟
لاني والله ناسي كم حجزوا مني مبلغ لما رحت اسبانيا, بس اغلب الظن انهم حجزوا نصف مبلغ الايجار
يعني السياره مثلا ب 2000 ريال,
هم حجزوا مني حول 1000 ريال ورجعوا لي المبلغ لما سلمت السياره .
لكن في نقطه قرأتها بموقع يورب كار, ربما اني مافهمتها عدل,
اليوم كنت بسوي حجز بموقع يورب كار..
لما سويت حجز سياره مرسيدس بمبلغ 2080 ريال لمدة اسبوع
كان مكتوب ان بيحجزون مبلغ 1050 يورو !! ويرجع طبعا لما ارجع السياره
هل هذه صحيح, او ممكن انا كنت فاهم خطأ (ربما يقصدون هذا المبلغ ادفعه في حال الحوادث لو سمح الله او السرقه), على الرغم اني اتصلت بيورب كار فرع بالسعوديه
قال لي يجحزون فقط نصف مبلغ ايجار السياره, لكن ودنا نتأكد من اللي جرب استأجر افضل
علشان نعمل حساب كم نخلي مبلغ بالماستر كارد..
مع خالص تحياتي مقدما, واشكر عزيزي صاحب الموضوع