abo awad
18-12-2022 - 10:33 am
اولا احلا تحية لافضل اعضاء منتدى عربي
صراحة منتدى سياحي ثقافي.
تصورو ابسافر اول مرة لبلد جديد ومع ذلك اعرف 70% من
مواقعة وطريقة المواصلات. ومحدد الميزانية باتقان. اللة يوفقكم.
اللي اول مرة يصير معي وما استوعبتة هو طريقة الحجز بالنت.
طبعا كل موقع فندق يعطيك book بحيث تسجل بيناتك وايميلك.
بعدين يعطيك نوع الغرفة اللي تبي بعدين السعر.
كل هذا معروف بس المشكلة لما اكتب رقم الماستر كارد او الفيزا
هل هذا معناة انهم يقدرون يسحبون من رصيدي مباشرة.
وهل يلزم مني ان رقم البطاقة يكون سري .يعني لو صار معروف يمكن
يستخدمة اي واحد ويحجز على رقمك وبالتالي يسحب من رصيدك!!
بعدين اذا الفندق سحبو مبلغ مني وانكرو مثلا ؟ ايش السوات؟
والفاوتشر راح يتم ارسالة على البريد ولا اقدر اطلبة بالفاكس.
باللة اللي لة سابق تجربة يعطينا بالتفصيل اللة يرحم والديكم
ولكم خالص تحياتي
حياك الله اخوي ابوعواد
بالنسبه للحجز عن طريق الفندق سواء اتصال هاتفي او بالنت عن طريق البطاقه الائتمانيهفي الغالب الفندق ياخذ بينات البطاقه للتاكد من صلاحيتها وجديه الطلب( علما بانه يمكنهم سحب اي مبلغ بمجرد وجود رقم بطاقتك عندهم ) ولكن في العاده لايتم سحب اي مبلغ الا عند الوصول للفندق ويكون كتامين عن قيمه الاقامه وعند الخروج من الفندق لك الخيار في الدفع كاش او عن طريق البطاقه الائتمانيه ، ويتم اعادة مبلغ التامين اللذي تم حجزه عند الوصول بعد 15 الى 20 يوم من تاريخ مغادرة الفندق ويجب ملاحظه ان بعض الفنادق تضع شروط جزائيه عند الغاء الحجز كخصم قيمه ليله اواكثر لذا من المهم قراءة شروط الحجز ومعرفتها بشكل جيد
فيه بعض الفنادق بمجرد حجزك لديهم يخصمون عدد محدد من الليالي وهذا في حاله ان الفندق مليان ووجود ضغط على الفندق.. اذكر حجزت قبل فتره بفندق لمده خمس ليالي وخصموا علي قيمة ليلتين عند الحجز علما باني حجزت قبل وصولي لهم بشهر تقريبا
وفي كل الاحوال الفندق يطلب ايميلك عشان يرسل عليه رقم وبيانات الحجز واذا ماطلب انت اطلب منهم
بالنسبه للسحب من البطاقه دون علمك فهذا من الصعب حصوله لانه ياثر على سمعه الفندق وماظن الفندق بيضحي بسمعته عشان الف ولا الفين ولاعشره ... ولو حصل هالشي من قبل احد موظفين الفندق بصفه شخصيه في هذي الحاله ترفع خطاب اعتراض للبنك اللي تتعامل معاه وهو يقوم باجراء اللازم واعادة المبلغ لك في مده قد تصل الى 3 شهور او تزيد
اتمنى اكون وفقت بالشرح مع اعتذاري على الاطاله