وجوووود
18-09-2022 - 03:21 am
السلام عليكم ورحمه الله وبركاته
انا عروسه وزواجي عطاني اختيار الدوله واخترت ماليزيا بناء على مدحكم والصور الي حاطينه وطبعا كلام الناس
انا اول مره اطلع برى السعوديه يعني زي الاطرش بالزفه
حجزت من مكتب سياحي 16 يوم ب 15500
اول ثلاث ليالي بفندق منتجع صنواي لاجون
بعدها اروح بينانج
واسكن في منتجع شاطي باي قيو
وبعده اروح لانكاوي ثلاث ايام واسكن في منتجع بيرجايا لانكاوي
وبعدها ليلتين اسكن في جنتنج اقعد في الفندق الملون يويمن
بعدها اروح ثلاث الايام الاخير في فندق سري باسفيك
رحت للمنظم الرحله وعلى كلامك انه جنتج تكفي يوم
قال كل شي محجوز مانقدر نغير
المهم ابي رايكم بالفنادق وكيف اتصرف معم لازم اجيب معي متجرم ولا بلاش
اشيل كل فلوسي معاي واترك الصرفات
هل يطلب مني شي اسويها ولا بس التذاكر والجوازت وقت السفر
هل اكلهم زينا ولا اخذ معي اكلي من اجبان معلبه وخبز حق كم يوم ولا مايحتاج
هل احمل جواز سفر ي حتى بلاسواق معاي ماخليها بالفندق
هل يستحق التسوق والشراء ولا بضاعتهم زي الي عندنا
اذا رحت الفندق كيف اعرف معالم السيحيه عندهم عندهم وكيف اروح مين يعلمني
ولا امشي مع الاخيل ياشقرا
والله عجزت القى احد يفهمني ويساعدني
والله ورطانه
وكيف اعرف التلفريك وين يودي
بالعربي ماعرف شي حجزت ابي شهر عسل بماليزيا وبس
ابي تفزعون لي ولا تخيبوني موعد رحلتي 15 ابريل وعلى الخطوط السعوديه
والي يساعدني راح ادعي له بظهر الغيب
وادعي لها في الروضه الشريفه بالمسجد النبوي
وارسل لها بقاقة ورد المدينه ونعناع المدينه
والله يجواكم الف خير
هلا وغلا بالغالية والف مبروك الزواج
انا توني جاية من ماليزيا وراح ارد لك على حسب معلوماتي والي اعرف
بس ها لاتنسينا من دعواتك..
حبيبتي ماشاء الله الفنادق كلها كويسة واغلبها مريت عليها وبعضها مدحتها مكتب سياحي بماليزيا
اما عن سالفة المترجم فان شاء الله ماتحتاجين انتي بس اعطيهم الورق حق الحجز وهم يتصرفون واذا كانت انجليزتك بسيطة راح تفهمين عليهم وبعض الفنادق عندهم مترجمين عرب
..
اما الفلوس لاتخذيها كلها معاك خوذي حق الصرف واذا معااك فيزا احسن واحسن هناك حتى البقالات تتعامل بالفيزا واذا ماعندك فيزا خوذي معاك مبلغحق نصف المدة وكل ماتلعين حى الفلوس بخزنة الفندق ومعاها جوازاتك يعني لاتشيلي شيئ معاك خوفا من السرقة واذا خلصت الفلوس الي معك روحي اصرفي من البنك هناك عندهم اجهزة الراجحي لكن حطي ببالك كل عملية تسويها يخذون عليها 35 ريال..
وطبعا الشيئ الوحيد الي تسويه هو الحجز فنادق وتذاكر وبس وانتي رتبي لك جدول سياحي لكل منطقة تبغيها والتاكاسي والباصات هنك مليانة ماشاء الله انتي لو تدرين ماحجزنا الا قبل يوم من السفرة وسافرنا حتى فنادق ماحجزنا ولما جينا هناك حجزنا من مكتب سياحي بالمطار وبعدها صرنا ناخذ تكاسي ونتمشي بالاماكن السياحية او نتقف مع مكتب سياحي يوفرون لنا سيارة تتمشى فينابالاماكن المهمة..
اما عن الاكل فلا تكلفي نفسك كل شي عندهم واسعارهم مثلنا يعني وفري لنفسك مكان بالشنطة..
معضم الفنادق فيها فطور مجاني وانا زرت حوالي 5 فنادق اكلهم كله موحد تلاقين بالبوفيهات الخبز اشكال والوان والبيض تطلبينه على حسب رغبتك والاجبان والمربيات والسلاطات وعصيرات طازجة كلها متوفرة يعني ماراح تستغربين شي
وهناك ايضا فيه مطاعم سريعة مثل متكدونادر كناكي برجر كنج ايضا مطاعهم حلوة فيها ايدامات ورز ودجاج ايضا يوجد هناك مطاعم عربية طبخها عربي...
اما عن الجواز مثل ماقلت لك لاتاخذينه خليه بخزنة الفندق اضمن لك واذا ماعرفتي تستخدميها خلي احد يجي يعلمك كيفية الاستخدام.... والله يحفظكم
التسوق والشراء مافي فرق كبير حتى اسعارهم زينا وماركاتهم مثلنا لكن هذا لايمنعك من التسوق وواخذ فكرة عن اسواقهم والتبضع منها.
اما عن نمناطق السياحة روحي للملفات الي محمليها الاعضاء وفيها جميع الاماكن السياحية في ماليزيا ومناطقها انصحك تطبيعها ولما تروحي هناك قومي كل يوم بدري وافطري واطلعي وخوذي لك تاكسي يامن الفندق او من الشارع وقولي له عن المكان الي تبينه لان الاعضاء كاتبين اسماء المناطق بالانجليزي وبعض التكاسي يعرفونها بالعربي مثلا قولي لهم حديقة الفراشات وهم يودنك اذا ماعرفوها علميهم بالانجليزي وهم يودنك على طول...
زطبعا شوفي انتي الاماكن الي ودك ترزوريها ورتبي لها جدول لك وطبعا تقدري تروحي كذا مكان بيوم واحد..
ايضا لنكاوي تقدر تاخذي جولة على معضم الناطق السايحية بيوم واحد انتي بس روحي لمكتب سياحي بلنكاوي تلاقينهم في المطار لما توصلون وطلبوا منهم رحلة المانجروف الي بالقارب راح تكلفك قرابة 400 ريال وتستغرق 4 ساعات ايضا جولة على لنككاوي والمناطق السايحية فيها ممكن تستغرق 6 ساعات طبعا كلهم خيلهم بيوم
ولاتخافين امورك كلها راح تتيسر بس انتي خوذي لك فكرة عن المناطق السياحية ومواعيد فتحها واقفالها واانش اء الله تتيسر امورك
واصلا التكاسي لما يشوفونك سياح هم من نفسهم راح يعرضون عليكم الاماكن السياحية ومواعيد فتحها واغلاقها والله يسرها لكم هالسفرة وتكون احلى سفرة بحياتك كلها ويسعدك في الدنيا والاخرة
اختك المحبة..براءة