استفسارك من رائع
وانا بعد محتاره بالسفر .. خاصه وان العدد شخصين مع طفلين ورضيع
الله يسهل يارب
اذا السفره مخصوصه للأطفال مافيه احلى من دبي لهم
بس دامك ماتبي دول الخليج
روح لبيروت او تركيا
بالنسبة للحجز .. غرفتين وصاله اوكي ..
وبالتوفيق يارب

دنيتي فيصل
سمعت عن سرلانكا بس ماتصلح للاطفال لقلة الأماكن المناسبة لهم وافكر اني اروح لها وبالعودة ثلاث ايام في دبي..وان شاء الله الاقي اقتراح افضل من هذا

مرحبا عزيزي بنسبة لي انا اقولك انت نسيت اهم شي وهي الميزانية عطني ميزانيتك وحدك الاقصى لانه هو الي يحددلك
بنسبة لحجز غرفه فمستحيل لان انتو عددكم 5 اشخاص والحد الاعلى 3 اشخاص في غرفه بس ممكن تاخذون غرفتين كونكت مع بعض يعني غرفتين مفتوحات على بعض وتكتبون هشي بلحجز و90% من الفنادق اتسوي هشي
او ممكن تاخذون سويت غرفتين بس انا اشوف ان ممكن السويت يكلفكم اكثر
بنسبة لسيرلانكا انا اكيد ضدك لانها تفتقر لمقومات السياحه وانت عندك اطفال واذا بتروح شرق اسيا فافضلهم ماليزيا
او اذا ميزانيتك حلوة فروح استراليا وراح تستمتع لان جوهم بارد وحلو ومب غالية وايد مقارنه باوربا بس يعيبها بعدها وتذاكرها اشوي اغلى ولاكنها تستاهل ومناسبه للاطفال جدا جدا وعائلية
واذا ماتبي او الميزانية ماتسمح فممكن اتروح الاردن او مصر يعني هم الي ممكن يناسبون اكثر لان فيهم مدن ملاهي والعاب للاطفال او تركيا
واذا الميزانية مفتوحه فممكن اتروح باريس وجنيف او ميونخ وزلامسي وفينا

حلو ومدلع
حياك الله اخوي وفعلا نسيت اهم شي وهو الرقم الصعب..الميزانية بحدود عشرين الف .
بالنسبة للغرف ان شالله القى كونكتد روم ..وما ادري عن امكانية السكن في سويت هل يقبلون ذلك هل فيه نظام محدد لهذا الشيء؟
اقتراحك جميل بالنسبة لماليزيا بس سبق زرتها ومااحب التكرار..وافكر بكوتشين بالهند ياليت عندك فكرة عنها وهل هي مناسبة لوضعنا؟
بالنسبة لأستراليا اعتقد انها لاتناسب من لديهم اطفال بنتعب معاهم في البرد اضافة الى الغلاء.
شكرا لك على اجابتك المنظمة ولو اني مع إدارة المنتدى كان على طول حطيتك مشرف لمساعدتك الأخرين من متابعتي لما تكتب فجزاك الله خير.

اندونيسيا الخيار الافضل والاكمل والاروع

1. او مثل ماقلت لك ممكن تاخذ غرف كونكت واتحصلهم بكل الفنادق اهناك


2. بنسبة لاستراليا فهي فعلا غالية بنسبة لميزانيتك

مرحبا عزيزي ويعطيك العافية على كلامك
بنسبة للميزانية هي اشوي قليله بس انت اوردي مدتك اسبوع وان شاءالله تكفي
بنسبة للسويت فتحصل وممكن تاخذ سويت غرفتين او حتى سويت غرفة وتطلب سراير اضافيه

او مثل ماقلت لك ممكن تاخذ غرف كونكت واتحصلهم بكل الفنادق اهناك

بنسبة لاستراليا فهي فعلا غالية بنسبة لميزانيتك

طيب عزيزي عندي لك اقتراح ليش ماتروح سنغافورة هي حلوة وايد وتستاهل وفي فنادق هناك بسنغافورة اتكون فيها الغرفه كبيره وبدال مافيها سريرين يكون فيها 4 اسرة وفي فندق اسمه اورشيد بري وهو سعهر معقول وعلى اشهر شارع بسنغافورة الي هو شارع اورشيد وسنغافورة حلوة واسعارهم حلوة وسوقهم بعد
بنسبة للهند للامانه انا مارحت لها لهشي ماحب افتي بمكان انا مارحت له او ماقريت عنه بس ما افضلها يعني لو تبي نصيحتي افضل شرق اسيا هم ماليزيا وسنغافورة وعن تجربة
وممكن عزيزي لو ماتبي تلغي شرق اسيا مره وحده واتروح لبنان لا في شي انت ناسي وهو ان تذاكر السفر بتاخذ اكثر من نص ميزانيتك وانت 5 اشخاص
بس ممكن اتروح على لبنان او القاهره وعن طريق الطيران لااقتصادي سما او ناس وبهشكل بتوفر وياد من افلوس التكت ولا تنسى ان مدتك قصيره وشرق اسيا بياخذ منك يوم بروحه ونفس الشي برجعه وبتحس نفسك ماستمتع وايد
وعلى العموم انت فكر واستشير الاهل وان شاءالله اتلاقي الخيار المناسب
ومشكور على كلامك وهذي شهادة اعتز فيها

ابعد عن الهند وسيرلانكا دام معك اطفال
لانظافه ولاشي عندهم
وخوفك ان اطفالك يتعبون هناك عليك لاسمح الله
روح دوله راقيه ونظيفه
روح لجزيرة بوكيت
او سنغافورا .. بس عيبها انها غاليه .. لكنها روعه واسبوع بيكفيك فيها
انا جلست فيها 4 ايام واحس اني اكتفيت منها
لكن اتعب وانا اقولك انها نظيفه وفنادقها راقيه
وتصلح للي معه اطفال
خاصه حديقة الطيور عندهم روعه ومنطقة النهر

ولاتنسانا من دعواتك الطيبه