وعليكم السلام ورحمة الله وبركاته
هلا وغلا الغالي
تقدر تحجز من المطار لأن الأماكن متوفره ولاأتحاتي
واي خدمه احنا تحت امرك الغالي

القطري
ماقصرت ولد عمي وبيض الله وجهك فديت خشمك
انا مجرب القطار اكسبرس من قبل بس قلت خلني احجز من النت
عشان سيده انزل من الطياره على القطار اختصر يعني
مادري شرايك وماتدري يمكن يكون في زحمه بعد
بس لو قطعت التذكره عن طريق النت اقدر اطبعها وخلص ولا استلمها من شباك التذاكر
ياريت لو تفيدني في هاذا الشي
وسمحلي على ازعاجك

يازينك ويازين ازعاجك
احنا تحت امرك 26 ساعه مش 24 ساعه
تقدر تطبعها من عندك وماعندك مشكله
ومره شفت واحد في القطار بعد طابعها من النت

القطري
الله يوفقك دنيا واخره قول امين
يعني خلاص باشتري التذاكر من النت وطبعها وخلص وريح بالي
وتسلم فديت خشمك ماقصرت

qatar3333
نصيحة اخوي وانت في الخيار
لا تحجز عن طريق النت لانك ممكن تتاخر او يصير لك اي ظرف
وللعلم اول ما توصل المطار راح تحصل كاونتر يبيعون التذاكر ولا فيه زحمة وفيه يمكن 7 مكائن لبيع التذاكر سواء كاش او بالبطاقة الائتمانية.
وابزودك من الشعر بيت :فيه قطار اخر وارخص اللي هو هيثرو كونكت اقل ب10 باوند بس الفرق ان الوقت يزيد عليك 10 دقائق بسبب التوقفات في اكثر من محطة.
وزي ما قلت لك في البداية انت في الخيار
ورحلة سعيدة

zezoo1
يعطيك العافيه اخوي zezoo1 وماقصرت
انا اخوي مجرب القطار من قبل وعندي فكره انه في قطار اقل سعر بس بيوقف
في كم محطه بس انا كن اسأل عن موقعهم في النت يعني كنت ابي اختصر المسافه
مثل ماقلت حق اخوي القطري اني ابي انزل من الطياره على القطار على طول مابي اروح واقطع التذكره
مدام عندهم موقع على النت قلت خلني احجز منه وافتك بدل من اروح شباك التذاكر يعني قلت بتفادا
الشباك وعلى القطار على طول
بس يذا عندك فكره عن موقعهم في النت وياريت تقولي يذا انت مجربه ولا لا
ويعطيك الف عافيه

qatar3333
لا والله ما جربت موقعهم للأسف
تحياتي