السلام عليكم ورحمة الله وبركاته..
حمدالله على االسلامة ..
اخوي ياريت بس تعطيني بعض المعلومات عن المصروف اليومي ..
المواصلات ..
الأكل ..
تقريبا كم باوند من غير تسوق ؟؟
وجزاك الله خير ..

عزيزي كوفي
المصروف اليومي يختلف من شخص لاخر
لكن خذ بعض الامثله
يكلف كوب عصير او فنجال قهوه في احد المقاهي المنتشره او لوبي احد الفنادق ما يقارب 50 ريال سعودي
الاكل بالشارع العربي غالي شاورما واحده مع بيبسي يكلفك 35 ريال
المواصلات المشاوير القريبه بالتكسي الاسود 50 ريال المتوسطة 100 البعيده اكثر من 200 ريال
لكن تقدر توفر حق المطاعم بالفاست فود ماكدونلدز كنتاكي برجر كنج تكلفك وجبه مشبعه فيهم 35 ريال
تذكرة قطار الانفاق للمناطق القريبه 14 ريال واذا اخذت تذكره يومي كل اليوم تركب في اي وقت ب 30 ريال واذا اسبوعي ارخص
ولاتنسى اخي الكريم ان الباوند= 7 ريال سعودي وليس قطري

يعطيك العافية اخوي ..
بس شوي لعوزتني الله يهديك .. كان ذكرت لي الاسعار بالباوند اسهل ..
حولت من سعودي الى قطري الى باوند ..
مشكور مرة ثانية ..
س : ما ادري شفت شي جديد هناك والاعضاء ما اذكروه في المنتدى ..
وشنهي اكثر الاماكن الي عجبتك ...؟
.. لو تكرم ..
جزاك الله خير ...

الحمد لله على السلامة اخوي هامش السيرة . وعساك انبسطت في الرحلة .
وعندي بعض الأسئلة .. كيف لقيت تعامل البريطانيين في المطار والفندق وغيرها بعد الأحداث وهل الخليجيين بكثرة في لندن . وبالنسبة لتختيم الجواز عند العودة انا سافرت 1417ه ما كان فيه تختيم عند مغادرة لندن فهل تغير الوضع . وآخر شي كم سعر المرطبات مثل البيبسي ..... في السوبر ماركت لأني الصراحة نسيت ;)
ولك الف تحيه,,,

الاخ كوفي لندن مافيهاجديد عن اللي ذكروه الاخوان
واللي اعجبني اكثر الريف البريطاني خصوصا مع حدود اسكتلندا

الاخ بن عباد وين مربط النعامه ههه ترى امزح معك
التعامل راقي جدا لاتهتم من كلام الناس البريطانيين محترمين بس لا تغلط
في الخروج ما يختمون على الجوازات على حطت يدك
وتراني بعد الاحداث ثلاث مرات رحت لبريطانيا والله مادروا عنك هم هم ما فيه اي تغير
والخليج عبو لندن يعني مالين السهل والوعر كل مكان في لندن مليان خليج بس موسم السياحة عندهم في اخره الحين
يعني كل يوم يمر يقلون الخليجيين بنسبه كبيره
بالنسبة للبيبسي ب 7 ريال عند السوبر ماركت بلد غالي جدا
وعشان تسعر اي شي عندنا بريال اضرب في سبعه عندهم
الجرايد بريالين عندنا عندهم ب 14 ريال
الدخان 5 ريال عندنا عندهم 35 ريال
البيبسي بريال عندهم 7 ريال
الشاورما 4 ريال عندهم 28 ريال
وعليك الحساب

هلا والله بأخوي هامش السيرة.. حلو انك عرفت قصدي من تسميةابن عباد اللي هو نسبة للحارث بن عباد
وشكلي ابسافر بالنعامه لبريطانيا:d
وزي ماقلت اخوي انا خابر الديرة نار , بس نسيت بعض الأسعار.
الف شكر اخوي على ردك اللي يبرد القلب.
تحياتي,,,

السلام عليكم إخواني ... أريد أن استفسر عن شيء ... أريد أن أسافر إلى بريطانيا زياره ... جنسيتي صومالي وعايش في السعودية ... طلبات السفاره كلها سويتها ... وتفاجأت بطلب كشف الحساب لا يقل عن سته شهور ... فتحت حساب في البنك ... طلعت كشف حساب مر عليه أيام بس ... وليس شهور ... أبغى أستفسر إذا يقبلون هذا الكشف.
الرجاء الرد علي بسرعه لأني أريد أن أقدم الأوراق كلها خلال الأسبوع الجاي.
أخوكم
عادل

السلام اخوي هامش السيره. بقيت اتنشدك عن الجامعات في بريطانيا اذا عندك خلفيه عنهم, واللي فيها طلاب خليجين. ان كان عندك خبره فيهم ابشر بكثرة الاسئله ههه