حارث بن كنده
28-08-2022 - 11:22 am
كانت بداية رحلتي
من مطار الملك عبدالعزيز الدولى بمدينه جده وكان موعد الاقلاع هو الحاديه عشر صباحا وعندما اقعلت طائرتنا اللتي كانت قليلة الركاب كانت بعكس المره الاولى ..
المره الاولى كانت طائره مستاجره على السعوديه وكان طاقمها من الجنسيه التركيه ...(اكلهم احسن ..معاملتهم راقيه )
هذي المره كان الكابتن والملاحين سعوديين ..(مايحتاج ياعيسى):112:
المهم مالك بالطويله ..والهذره ..
وصلنا لمطار الملكه علياء حوالى الساعه الواحده على ما اذكر وباعتبار فارق التوقيت كان هناك فرق ساعه حسب التوقيت الشتوى للاردن
نزلت المطار وهو مطار هادئ جدا جدا جدا ..
بمجرد دخولك للصاله تلاحظ مكاتب صغيره للصرافه و اعتقد حسب وجهة نظري انهم احسن من غيرهم تخلص اوراقك بكل سهوله ويسر وبابتسامه عريضه تشعرك بطمأنينه
نويت استاجر لى سياره صغيره قلت اتمشى واطوف واشوف واكتشف بنفسي
لقيت مكتب اسمه افيس رحت اساله قال السياره تبها جير عادي ولا اتوماتيك
قلت اتوماتيك احسن قال عندي لك سياره بها المواصفات وجديده وحقها 25 دينار باليوم سالته عن الكليو كم لى في اليوم قال بدون 25 دينار مقطوعه (ذكرني بالعداد في مكاتب التاجير عندنا وكيف الشباب يفصلون العداد )
خلصت اموري وطلعونا بسياره خاصه بالمكتب خارج المطار وعلى بعد تقريبا 2 ك كان هناك مقر استلام السيارات وسلموني سيارتي وطلعت على بركة الله
لقيت لى اول محطه وتعرفون اكيد السياره فاضيه من البانزين .. قال لى 95 ولا 90 قلت بعد عندكم مثلنا .. عبيت سيارتي بمقدار 20 دينار ممكن تعبيها في السعوديه ب 20 ريال بالكثير (اللهم لك الحمد )
كلكم بتقولون الحين دور السكن واللف والدوران عليه …
انا عكست التيار ..
لقيت الاجواء رائعه جدا قلت بروح واتمشى هنا وهناك
وقررت فجاه بدون سابق انذار انزل الى الاغوار لاني سمعت عنها الكثير ..
بعد السؤال والاستفسار .. لقيت ان في الاغوار الشماليه والاغوار الجنوبيه .. والاغوار والوسطى ..
ولكل واحد طريق مختصر وهي طبعا مرتبطه ببعض ..
اخترت النزول للاغوار الشماليه فكان اتجاهي الى صويلح وبدات بالنزول ولا استطيع ان اصف لكم كم كانت المناظر خلابه وجميله وتسر الاعين
.. وفي طريق نزولك تنتابك حاله من الروحانيه والاحساس بعبق من تاريخ الاسلام والصحابه الكرام وتاريخ الانبياء عليهم السلام:36_1_44:
فتجد على جنبات الطريق لوحات ترشدك الى مقامات واضرحه مثل مقام النبي شعيب عليه السلام
وعده مقامات لايحضرني اسمها وعند نزولك الى الغور ترى المزارع الممتده على بعد النظر وترى الخضره اللي تبهج العين وللمعلوميه انا نزلت للغور من طريق يسمى طريق وادي شعيب وعند النزول تلاقي مفترق طرق .. الشونه الجنوبيه والشونه الشماليه .سلكت طريق الشونه الشماليه
ومررت بقريه الكرامه اللتي وقعت فيها المعركه الشهيره عام 67 . ولاحظت بمروري بها بعض النصب التذكاريه لاابطالها .واستمريت بالمسير والتجول ومما شاهدت مقامات للصحابة الاجلاء رضوان الله عليهم
ومن اكبرها مقام ابوعبيده رضى الله عنه وارضاه
ولم يؤلمني ولم يحز بخاطري في تلك الجوله
سوى رؤية الاراضى الفلسطينه المحتله والتي ارها بعيني رؤية واضحه :36_1_44:
.. نكمل لاحقا :36_1_37:
دمتم بود
بعض ماتسنى لكاميرتي تصوريه لكم في طريقى للنزول على السريع
لفته تستحق الذكر :
تهت من الشارع الرئيسى
ولقيت نفسي فجأه داخل قريه جميله جدا
سألت قلت ياخواني وين الطريق ؟
قالوا ولانرد عليك ولا كلمه لحد ماتنزل عندنا وتاخذ واجبك وبعدين بنوصلك مطرح ماتحب
قالوا لى بهذي اللهجه (جيره عليك يابن الحلال الانازل )
وما فكوني الا بعد حب الخشوم
وارسلوا معى سياره لين اخذت مسارى الصحيح
والله والنعم فيهم
عندي كم سؤال ياليت تجاوبني قدر المستطاع ..
أنا رحلتي يوم السبت القادم 17/5
أولاً : متى كانت رحلتك بالضبط ؟
هل هي قريبة الأيام الي راحت ولا من فترة ..؟
ثانياً : ياليت تعطيني تفاصيل أكثر عن السيارة نوعها موديلها نظافتها شكلها يعني تفاصيل أكثر ..
لأني اتصلت على أحد المكاتب بالمطار وقال أرخص سيارة ب 30 دينار باليوم بأقل المواصفات ..
ياليت تفصل أكثر وتخبرنا عن السكن أيضاً ..
ولك جزيل الشكر والإمتنان ..