انا مسافرة ان شاء الله إلى الصين وابغاكم تساعدوني لاني والله ماعرف شي ياليت اي احد منكم يساعدني؟؟
المهم انا ابغى اجيب من الصين ملابس سهرة وملابس نسائية غيرها وشنط.....بس ماهي للتجارة يعني تجارة بسيطة يعني اشتريها لي ولصديقاتي..ابيعها لهم وابيعها لاقاربي.....يعني تعتقدون اني ابستفيد واربح...وإذا ربحت واستفدت وسعت نشاطي وتدرجت لين افتح محل.....وش رايكم...طيب الكمية البسيطة اللي ابجيبها معاي شلون اشحنها؟؟؟معاي في الطيارة اخاف يكون وزن زايد وتقريبا ممكن يكون وزن الملابس اللي انا ابشتريها 50 كيلو...ولا اروح عند مكتب زي ماتقولون بس احس انة مايسوى اروح لمكتب...ولا اشحنها في مكاتب شحن....وش الارخص والافضل....ساعدوني والله ماعندي دبرة

ما فهمت شي............؟ تبغينها من وين اذا كان من الصين فهو من جوانزو وجوجيان وشانتو

انا كاتبة رد طويل وعريض بس مدري وين اختفى؟؟المهم
الله يعطيك العافية انت الوحيد اللي عبرتني...انا ابسافر للصين ان شاء الله الايام الجاية برو ح اشوف معرض كانتون .وغيرة....المهم انا جديدة على التجارة ولاافهم فيها اصلا بس ودي اشوف اسواقهم هناك كان عندهم فساتين سهرة حلوة ورخيصة شريت لي ولصديقاتي واقاربي هم موصيني وطبعا اببيعها عليهم؟؟؟بداية تجارة يعني تقريبا اجيب 30 فستان واجيب شنط نسائية وملابس نسائية منوعة...هل ممكن هذا المشروع ينجح واتطور واصير سيدة اعمال .....حلم يراودني....ولا بس خساير واجي بدون نتيجة...وطيب كي اشحنها اركبها معاي في الطيارة بيجي زيادة وزن وياخذون علي....ولا اروح للمكتب اللي انتو تقولون عليها؟؟؟بس مايسوى مكتب احس الكتب كثير عليها....ولا اشحنها في الباخرة؟؟؟علموني والله ماعرف شي..........................وتحملوني شوي لان اهلي بيروحون للصين وحبيت استفيد من الروحة معهم....وسلامتكم

الاخت ريم
السلام
حتى انا اسغربت من سؤالك و بعدين ظهر مشاركتك التى كانت مختفية
على العموم ... افضل شئ انك تشترين الملابس و تشحنيها معك في الطيارة اذا ارسالتي بضاعتك في الشحن الجوي ... بعدين سوف يأخذون منك قيمة الجمارك و التخليص و مصاربف مالها داعي.
بعدين انتي رايحة مع اهلك .... يعني ممكن تستفيدي من اوزانهم الزائدة ............

اشكرك اخوي....ملابس السهرة هناك رخيصة وزينة ؟؟ولا غالية...ووين الاقيها؟؟؟وايش نصايحكم لي؟؟وهل موديلاتها على آخر موضة.....وكيف الجو هناك...اجيب ملابس شتوية معاي ولا معتدل....وطيران الكاثي باسيفك احنا حاجزين كم يسمح بالوزن المجاني لكل فرد....والمشكلة اغراض اهلي كثيرة......ومعليش تحملوني

اختي...الجو الان حر..
انصحك بشحن 50 كيلو او مائة كيلو..
انصحك تشحنيها..عبر الجو
بيطلع على الكيلو تقريبا 17 ريال سعودي!!
وبتوصل خلال اسبوع!!
مسموح لك 30 كيلو فقط ..مجانا في الكاتي باسفيك!!
طلبك ...موجود في جوانزو...
فكرتك طيبة...
وخطوة...خطوة...وربنا يكتب لك الخير

مشكوراخوي وشكورين كل اللي ردو علي................
وشكرا لك على تشجيعك لي والله رفعت معنوياتي
واهلي كانو محطميني
يقولون مستحيل وفكرتك فاشلة:112:
الله يجبر بخاطرك اللي شجعتني:x1:
وشكرا لك مجددا

nabil alshaikh
لو سمحت اخوي شلون اشحنها عبر الجو :112: فهمني اكثر الله يعافيك يعني مكتب شحن عادي...ولا شلون
وهل تعرف مكاتب تقدر تساعدني فيها
والله يوفقك وشكرا لك

ريما 2007
معليش ابغى استفسر يعني لو جبتها بالشحن بالطيارة على قولتك مايجي عليها جمارك او يطلبون مستندات او اوراق؟؟؟وايش افضل مكتب للشحن باطائرة...........وشكرا