وبعد ابي استفسر عن شي ... احنا متعودين نأجر سياره كل مانروح مكان .. بالنسبه لاستراليا .. هل من الافضل ان نأجر سياره واحنا نسوقها ويكون فيها النفيجيتور ؟؟ او نتعامل مع التاكسي افضل او سواق مع سياره ؟؟؟ياليت تقولونلي خبراتكم

هلا فيك بالعرب المسافرون
والله لو تاخذ لك لفة على البوابة راح تستفيد وتعلم اهم الاماكن والمنتزهات بس مايمنع اني ارد عليك
الطيران دبي او ابو ظبي الى سدني ولمدة 6 ايام
سدني الجولد كوست 10 ايام
ملبورن 3 ايام والعودة الى سدني ومن ثم الى ارض الوطن
وياليت تعطني تفاصيال اكثير عشان ممكن نساعدك

1. بس من راي ان سنغافورة غالية واستراليا غالية فما انصحهم مع بعض

السلام عليكم اخواني خبراء استراليا
ان شاء الله ناويين نصيف في استراليا السنه .. انا وزوجي وبنتي. للعلم عمرها سنه ونص.. والمده بين 25 الى 30 يوم...
صراحه انا ماعرف شي عن استراليا ولا احد قريب لي راح لها من قبل عشان اسأله ..
مرحبا أختي tntntntn
يسرني أجاوبك على استفساراتك
ممكن تأخذين لفة على المواضيع الموجودة في المنتدى لأنهاتفصل كل مكان بالصور
فممكن المكان يعجبني ما يعجب غيري بس الصور توضح إذا المكان بنظرك يستاهل أولا
ياليت تفيدوني وتقولونلي شنو الاماكن والمناطق اللي لازم مانفوتها ..وابي اماكن حلوه حق بنتي عشان تستانس وابي اسواق حلوه وراقيه وماركات عالميه ..
المدن الي ممكن تروحين لها هي سدني مدينة راقية فيها صخب المدينة والجلسة والتمشية في شوارعها له جوه
وجولد كوست مدينة ساحلية صغيرة ممتعة للكبار والصغار وفيها اماكن كثيرة ممكن تزورينها
مالبورن حلوة بس مدام طفلتك الله يخليها لك عمرها سنة ونصف ما أنصح تروحين لها لأن
طابع المدينة طابع انجليزي في البنايات والاسواق
تسكر الاماكن بدري الساعة 6 مساء
أغلب الرحلات تبعد من ساعة فاكثر عن وسط المدينة
اشهر رحلة لها تروحين لجبال يوجد فيها الثلج :11ld:
للأستمتاع بالتزلج واللعب بالثلج:36_15_17: وهذا راح يتعب بنتك :36_1_31:وماراح تقدرون تستمتعون فيها
والطريق من ساعتين ونص إلى ثلاث ساعات
تتحرك الرحلة من الفجر وترجعون المغرب
أتمنى اني وضحت الصورة عن مالبورن والحرية لك
اما سدني وجولد كوست فمليانه اماكن تستمتع فيها العائلة
واسواق سدني أرقى في نظري من أسواق جولد كوست
وإذا قررتي المدن الي بتروحين لها
أنا على اتم على الاستعداد أوضح لك الاماكن الموجودة بالتفصيل الممل
ونبي منطقه هاديه ورومانسيه بعد .. يعني مانحب نقعد بمكان واحد حابين ننتقل من منطقه لمنطقه ..
استراليا مليانة جزر تنفع للاستجمام والجو الرومانسي بس غالية شوي :36_1_36:
واشهر جزيرة هاميلتون هذه صورة لها

وهذا رابط موضوع لأخوي هشام عن الجزيرة
https://artravelers.com/p/re/39628
وجزيرة تانغالوما قريبة من برزبن هذه بعض الصور منها

وممكن تدخلين على موسوعتي حاط بعض المعلومات عنها
https://artravelers.com/p/re/62945
وياليت تفيدوني بخصوص الطيران راح يكون ترانزيت اكيد بس على وين ؟؟وكم يوم راح يكون الترانزيت وبأي دوله ...
انا ماني عارف من وين الاخت
بس على العموم امامك أربع خيارات للترانزيت
هونج كونج على الكاثي باسيفيك تقريباً تقسم لك الرحلة بالتساوي بين الخليج إلى هونج كونج وهونج كونج واستراليا
الخطوط الكاثي جيدة بس ما نصحك تقيمين في هونج كونج
الخيار الثاني
الخطوط الماليزية خطوط جيدة جدا وتلاقين عندهم عرض للاقامة في كوالالمبور في الذهاب والعودة من يوم إلى ثلاث ايام
الخيار الثالث
ترانزيزت على تايلند وممكن تأخذين الخطوط التايلندية أو الامارتية أو الاتحاد
وممكن تقيمين فيها يومين في الذهلاب وثلاث ايام في العودة وتتركين التسوق لتايلند ارخص
الخيار الرابع
سنغافورة
على الخطوط السنغافورية خطوط جيدة جداً

بس من راي ان سنغافورة غالية واستراليا غالية فما انصحهم مع بعض

وممكن تروحين لها اربع ايام ماراح تؤثر كثير وتكسبين زيارة لسنغافور خاصة انها صغيرة وممكن تغطينها في ها المدة
وبعد ابي استفسر عن شي ... احنا متعودين نأجر سياره كل مانروح مكان .. بالنسبه لاستراليا .. هل من الافضل ان نأجر سياره واحنا نسوقها ويكون فيها النفيجيتور ؟؟ او نتعامل مع التاكسي افضل او سواق مع سياره ؟؟؟ياليت تقولونلي خبراتكم
المواصلات في استراليا تعتمدين فيها على الباصات اسعارها معقولة ونظيفة
التاكسي غالي
اما بالنسبة لتاجير السيارة
اذا متعودين على السواقة على النظام الانجليزي
السائق على اليمين
فانصح تاخذونها في جولد كوست انا العام الماضي فكرت اخذها بس ماكان معي الرخصة الدولية
جولد كوست صغيرة ومافيها زحمة المدن الكبار وممكن تستخدمون النفيجيشن
خاصة للي ما يحب ينتظر الباصات
اتمنى وضحت الصورة لك واتمنى لكم رحلة ممتعة
تحياتي
أخوك الرحالة

مشكور اخوي الرحاله صراحه كفيت ووفيت وانا متابعه مواضيع المنتدى ..
انا من قطر اخوي...
م والرحله ان شاء الله ناويين على سدني اكيد وقولدن كوست ... ووين تنصح ثالث منطقه نروحها؟؟ في جزر خاصه؟؟
وشنهي احلى واهدى جزيره الواحد يقدر ياخذ راحته فيها؟؟؟
مشكور اخوي والله ماقصرت

اختي tntntntn ...
اعتقد ان الاخوان بوينج وخبير البوابة الاسترالية الرحالة ماقصروا معاك ... على العموم لي اضافة وهي نصيحتي لاستبدال زيارتكم لاحد الجزر الاسترالية بمدينة كوينزتاون النيوزلاندية ... فلن تندموا على ذلك ...
تحياتي ...

هلا فيكم مرة اخرة
اخي المهاجر اعتقد ان نيوزيلندا تكون ابرد من استراليا فالبتالي ماراح يستمتعوا لانه الجو راح يكون بارد وراح يتعبوا مع البنت
على فكرة ممكن تروحوا سدني والجولد كوست وكيرنز في شمال استراليا حيث الاجواء المعتدلة وفرصة لرؤية الشعب المرجانية والاستمتاع بالغابات الموجودة هناك
لكن راح تكون سفر 6 ساعات من سدني لهالمدينة
لكن افضل خيار انكم تروحوا على احدى الجزر اللي تكلم عنها الرحالة ..فيه جزيرة اسمه لند مان (( على مااعتقد)) وجابوها في برنامج عيش سفاري على الام بي سي 3
على العموم احنا في خدمتكم هنا واسف على الاطالة
اخوي المهاجر : كتبت لك رسالة خاصة هل وصلت لك ام لا وما رايك في الرسالة لاني كنت منتظر ردك ولم ترد علي
تحياتي

بيض الله وجه من رد على الاستفسارات و نفع غيره
تقبلوا تحياتي

اخي بوينج ...
اتفق تماما معاك ... اذا كان لايحبون الثلوج فلايذهبوا الى كوينزتاون ... اما اذا كانوا من عشاق الثلوج والتزلج فهي المكان المناسب ...
وبالنسبة لرسالتك وصلتني لكن مافهمت وش المطلوب بالظبط ... ياليت تعيد ترسلها بتفصيل اكثر وابشر بسعدك حبيبي ...
اخي مهندس البوابة الاسترالية ...
وجهك الابيض ... وعلى الرغم من ان شهادتي فيك مجروحة ... فانت واحد من اهم اعمدة البوابة الاسترالية وبشهادة الجميع ...
تحياتي ...

صراحه ماقصرتوا ابدا اشكر كل عضو رد على استفساراتي واستحملوني شوي اسئلتي وايده
بس عندي سؤال اخوي المهاجر... كوينز تاون هي مكان مرتفع على جبال؟؟ولا منطقه بارده .؟؟؟
م وشلون راح يكون الجو في شهر 7 في سدني وقولد كوست.. وهل من رايك نكنسل الجزر ولا نحط مدينه رابعه فالحسبان؟؟؟
والله بصراحه منتداكم روعه كل ما اقرا موضوع عن مكان ودي اروحه ...
تسلمون والى الامام دائماً