انا ما رحت استرالي بس زملائي بالعمل درسوا سنة فيها طبعاً كانو مع عوائلهم ويقولو الوضع عادي ولا احد يضايقهم الغرب عندهم ميزة احترام لعوايد الناس وتقاليدهم ويعتبروها حريه شخصية اما امكانية الروحة لها من ماليزيا اعتقد لازم تستخرجي التاشيرة من بلدك الاساسي عن طريق دبي او بيروت اذا كنت من السعودية واذا كن معك تاشيرة ممكن متسافري لها من اي مكان بس يمكن يسئلوكي في المطار ..
وعلى فكرة تاشيرتهم معقده وتحتاج 21 يوم والابلكيشن حوالي 10 صفحات (هذه تاشيرة الدراسة اكثر من ست اشهر )

تاشيرة ......
الشعب الاسترالي اكثر شعب يكرة العرب والمسلمون ......
انا شفت منهم في جزيرة بالي بأندونيسيا .....يضحكون علينا .....

والله شوفي التاشيرة ماتاخذ اكثر من 16 يوم لاكن التاشيرة اللي تاخذ وقت هي حقت الدراسة ، اما عن الشعب فهو حبوب يحب جميع الشعوب ويحترم جميع الديانات وانتي قلتي انك لاحظتي انهم يكرهوننا بالعكس ممكن اللي شفتية بسبب اللي صار لهم في بالي لاكن هم العكس ........وهي اكيد مناسبة لكل شخص وشعب ودين ،لاكن عندي اقتراح لك اذا كان طفلك صغير ومايمشي وانتي رايحة لاستراليا للسياحة خلية عند اهلك اللين ترجعون بالسلامة عشان تاخذي راحتك .......
والسفر لاستراليا من السعودية مايكون لها مباشرة لابد من التوقف باي بلد انتو تختاروا طيرانها لان الخطوط السعودية ماتوصل استراليا وبعدين مشوار لو ماحد بيوقف ، احنا زرناها على الخطوط الماليزية من ماليزيا ولااحلى ....
السعودية الى ماليزيا على الخطوط السعودية ومن ماليزيا الى استراليا بالخطوط الماليزية .....

السلام عليكم ورحمة الله....
استراليا بلد جمييل جدا كنت فيها الصيف الماضي وكانت افضل سفره لي بصراحه وبلد لازم ينزار مره بالعمر ...
بالنسبه للشعب فهو افضل شعب اجنبي اخلاقا وتعامل وفعلا بعيدين عن السياسه ولايحس الشخص باي ضغوط او حقد من جانبهم ابدا بالعكس شعب صديق لاقصى درجه
واستراليا افضل بلد في رائي للعوائل والشباب في نفس الوقت والمدن اللي انصح فيها هي: سيدني وجولد كوست للشباب والعوائل ومدينة كيرنز للشباب لان فعالياتها كلها مائيه من غوص في الحيد البحري العظيم( سابع عجائب العالم) والتجديف على النهر السريع وغرها كثير..
باختصار بلد يستحق المشوار وكان خط سيري يوم سافرت
الرياض--> دبي -->هونج كونج(خطوط كاثي باسيفك ممتازه جدا)--> سيدني(الخطوط الاستراليه طيرات جديده وخدمه ممتاازه ايضا)
طبعا مع الاسف السعوديه ماتوصل وفوق كذا غاليه وفي خيارات افضل بصراحهزز
ونصيحه اخويه الحجز عن طريق مكتب الخطوط الاستراليه لانهم يقدمون عروض(بكيج) يشمل التذاكر والفنادق باسعار جدا مغريه وفنادق فخمه فلا تفوتين الفرصه
تحياتي...

أنا رحت لها بس من سنتين عن طريق الخطوط السعودية لإندونيسيا ريحنا فيها كم يوم وطلعنا من هناك على (الكوانتاس) الأسترالية ، وكان أغلب جلوسي في ( ملبورن ) الرائعة في نظري .

والحقيقة كان تعامل أهلها رائع جدا معنا يمكن بحكم اننا في ملبورن فيه جالية مسلمة وعربية كبيرة ( أتراك ، لبنانيين ، عراقيين ... ) وفيها شباب سعوديين كثير يدرسون هناك، بس طبعا هالكلام قبل 11 سبتمبر فما أدري عن تعاملهم بعدها وهل فيه تغير ؟؟؟ وبالنسبة للعباة أنا أشوف كثير يلبسون بدالها في الخارج ( كاب ) .