قمر بنت راشد
04-02-2022 - 08:47 am
السلام عليكم
وايد استفدت من هالموقع جزاكم الله خير
حبيت اكسر الروتين
بدل ما اخذ حق زوجي هديه قلت بفاجئه برحله لمده يومين لدبي دار الحي
بتاريخ 9/4/2009
وان شاءالله بعد ما اروح وارجع بهديكم تقرير مصور
بس يالييت تساعدوني
اولأ
الطيران
اخترت طيران البحرين لان الطيران الوحيد من البحرين لمطار دبي
و سعره حلوو 50دينار و100فلس للشخص شامل الضرايب على عكس طيران الخليج اللي اسعارهم فوق 100 دينار
اما طيران العربيه والجزيره من مطار البحرين مافي غير لمطار الشارقه
ثانياً :
رشحولي فندق يكون حلوو وسعره معقول في حدود 400 اللى 500 درهم ويالييت تطل على البحر او تطل على منظر حلو
شفت عده فنادق وشقق منها جيلاني هوتيل 400 درهم لليه وحده بدون افطار والغريب ان التاريخ اللي اخترته طلع لي من الحجز عن طريق الموقع ان باقي غرفتين بس !! هل معقول من اللحين خلصت الغرف حق شهر 4/2009
فندق ارجاان سعره تقريبا 550 درهم بدون افطار
ثالثاً
اي احسن اقوم بتأجير سياره او الاعتماد على التكاسي؟؟؟ من حيث السعر والراحه؟؟
رابعاً
اقترحوو علي اماكن حلوه
انا فكرت في سكيتي دبي(مدينه الثلج ) او مقهى الثلج حبيت اعرف اماكنهم واسعارهم
واقترحوو علي مطاعم حلوه ومجمعات قريبه من الفنادق
مش بس طيران البحرين اللي يروح مابين البحرين ودبي .. في بعد طيران الخليج وطيران الإمارات وطيران كاثي باسيفيك
وطيران الجزيرة يروح لمطار دبي مش مطار الشارقة
والعربية بس اللي لها رحلات بين البحرين ومطار الشارقة
وبالنسبة للفندق .. انا ارشح فندق أرجان .. جديد وحلو ويطل على البحر
وبالنسبة للمواصلات .. ايجار السيارة ارخص واريح .. بس اذا اول مرة تروحون دبي .. الافضل تاخذون جهاز gps .. لأن شوارع دبي صعبة شوي
والتكاسي اغلى من ايجار السيارة .. وعيبها انكم لو كنتوا في مركز تجاري .. لازم تنتظرون في طابور طويل لين مايجي دوركم عشان تاخذون تاكسي
وبالنسبة للأماكن .. شوفي تقارير الاعضاء .. فيها اغلب الاماكن الحلوة في دبي