- ابروح مع المدام لحالنا ...عاد انا مجهز لها الموضوع مفاجأه :222:
سلام عليكم يالربع ورحمة الله وبركاته
كيفنكم ؟
عندي سفريه من اول العيد ان شاء الله لمدة خمس ايام وذلك عبر الذهاب اولا الى البحرين ......
الشاهد اخوكم صارله عقدة من شي اسمه بطاقات ائتمانيه مثل الفيزا.... فأمتنع شهريار عن عن كل مايتعلق للبطاقات من اصدار.....
الشاهد يالربع افكر اني اطلع للبحرين اول يوم العيد ان شاء الله بالمساء واليوم التالي اطلع من البحرين على المساء الى دبي بالطيارة ....ما ادري وش اخذ من خطوط طيران رخيصه السعر يعني اقتصادية للي ماهيب عاجبته كلمه رخيصه لايكون اسم قريبة له ولا شي نبحل فيه !!! :whistling
فكرت اخذ العربيه للشارقه واطلع من الشارقه لدبي بعد بالسيارة لاكن الشغله بتطول واخوكم الفقير الى الله وقته قصير مثل قصر كم الثوب اللي سواه لي الخياط للعيد وتحول بقدرة قادر من ثوب رجالي لفستان لبنتي الصغيره.... :icon_smur
ابروح مع المدام لحالنا ...عاد انا مجهز لها الموضوع مفاجأه :222:
محتاج نصيحه او مشورة لرحله مثل المده هذي مع العلم سبق لي الروحه لدبي كثير لدرجه ان اللي بالمطار كل ماشافوني قالوا لي وين الجمعيه حقت الشهر هذا !!! :baaa2:
بس كل روحه كانت ايام العزوبيه وايام ماكنت اروح لجبل علي مع التجار والشباب و كنت ازور لعوائل اماراتيه تربطني بهم صداقه جميله و لاكن للاسف ما شفت من دبي الكثير الا بالسياره وانا راكب جنب الدريول (دريول يعني سائق....ان بغيت شرح اوفر حول معنى سائق ارسل لي على الخاص وبرسل لك صورة اقامة واحد عندي عال كبدي وجايب لي القولون)
المره هذي ما ابي اجامل احد ولا اكلف على احد يعني ابي اروح لحالي مع زوجتي( للي ماتعجبه كلمة عيالي) وبوسع الصدر ومنيب متصل على احد من المعارف لا ينشبون لي تقل صمغ ابو نص ريال (الخواجات يسمون النوع هذا من الصمغ بسوبرقلو...الضاهر لانه شيخ بقبيلته :icon_scra )
هدفي هو التمشي ورؤيه كل مايستحق الرؤيه لعائله تقليديه محافظه
على العموم أنا رديت بس علشان ما أعطيك الرخصة والإستماره ،
ذكرتني على طاري الرخصه الله يخليك خذها ترى يبغى لها تجديد ينوبك ثواب ،،
المهم
بالنسبه للسكن في دبي والله أعلم أن أيام 450 درهم ولت وما ندري ترجع والا لا خبرك قديم 450 يوم أن جميره وسطوه الأماكن هذي كلها كانت بر وأنت في ديره ما تشوف إلا مركز دبي التجاري والسكني بس ،، أما الحين ما فيه إلا شغل آلاف وعساك تلقى ،،
وعلشانك ما تحبط أنا أنصحك تتصل على شقق البستان ريزدنس إللي جنب الملا بلازا أعتقد أن أسعارهم في الحدود هذي وفيه أيضا شقق حلوه مره أسمها ديزرت روز وهي شقق عائليه نظيفه مره بمواقف خاصه بجانب شارع منخول وهي قريبه مره من فندق رامادا ،، وملاصق لها سبينس يعني كل المقاضي جنبك وقريب منك بعد مركز برجمان وهي في منطقة بر دبي ،،،
إن شاء الله قدرت أفيدك ،،،
ودمتم سالمين
على فكره ترى سالمين هذا البنشري اللي في حارتنا ،،،
وفيه شقق أمبسي سويتس في الشارقه شقق عائليه روعه