أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم ورحمة الله وبركاته
يأ أجمل أعضاء ومشرفين
هذه أول سفره لي أنا والمدام الى ماليزيا ولا عمرنا رحناها من قبل
طبعاً حاجز على طيران الاتحاد ب6800
رحلتكم اللي فهمته انها يوم 2 يونيو والعوده 12 يونيو يعني صافي الايام 10 صح
وش حاب تزور جزر يعني تبي بينانغ ولنكاري والا بما انها عشره ايام تستبعد بينانغ عشره ايام قليله انك تزورها كلها حتتعب لان الجزر احس يبغالها 3،4 ايام
وكوالا4 او 5
وحجزت الفنادق والا باقي ماقررت
يعني قلنا ايش سويت غير حجز الفنادق والاماكن حددها اللي بتزورها
وان شاء الله مانقصر معاك
أنا أول مره بسافر لكن قريت كثير لي سنه تقارير الأخوان فأقولك اليوم الأول تحجز بسلانجور فندق العالم الأول اقتصادي ومن فئة خمس نجوم وفيه تقرير هنا بالمنتدى عنها لوافي بصراحه كنت باحجز بصن لاقون وصن برميد بس لقيت هذا اقتصادي وبنفس مستواهم لكنه بعيد عن الملاهي بتظطر تاخذ تاكسي بس مايهم بتوفر كثير شوف أنت وقارن بينهم وسلانجور مثل من الدمام الى شاطيء نصف القمر يعني مسافة 45 أفضل أول ما تنزل المطار تروح لها وهي اصلا منتجعات فيها تجلس يوم ترتاح من السفر وهي هاديه وفيها مجمع حلو بالليل وتمشيات بالنهار هذا اقتراح بعدين تحجز من أير أسيا موقع طياراتهم وهو مره موقع سهل وتلاقي شروحات كثيره كيف تحجز منهم بس لازم يكون عندك بالفيزا فلوس لأنهم بيسحبوها مباشره يعني لو جيت 2 يونيو تخلي 3 يونيو راحه بسلانجور و4 يونيو تحجز على الساعه 12 الظهر رحله للنكاوي عشان الصباح تستانس شوي بسلانجور ويمديك تلحق بلنكاوي تجلس بلنكاوي 4،5،6،7 وتنتبه أن مطار أير اسيا للرحلات الداخليه غير المطار الدولي فتقول لراعي التاكسي ابغى مطار اير اسيا ويوم 7 العصر تروح لبيننج تجلس فيها 7،8،9 وتحجز طيران لكوالا يوم 9،10،11،12 تقضيها بكوالا وتقدر بيوم تروح مرتفعات جنتنق عن طريق التلفريك وحدد أنت ايش حاب من رحلتك أنا تقريبا كوالا حاطه ايامها قليله جدا لأنها العاصمه وزحمه وما أحس أننا كسعوديين نحتاج منها الا شراء هدايا واشياء لنا لكن في الحقيقه أحنا محتاجين الطبيعه والجزر والبحر والمرتفعات البارده والمناظر الطبيعيه فلما تحدد هدفك تعرف بالظبط وين تروح وكيف تقسم جدولك وبالتوفيق لك
البرنامج الذي فوق ممتازإذا رحت لنكاوي استأجر سيارة من المطار وخذ معها رحلة المانغروف....
وإذهب الى:
الشلاات
القرية الشرقيه
الجسر المعلق
روح الشاطي واطلع الباراشوت مع المدام وقت القروب
حديقة الفواكه
الساعه 8.10 صباحاً من كوالال الى ابو ظبي