امريكا US المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
tmutairi
14-11-2022 - 10:29 am
السلام عليكم
اخواني انا بسافر ان شاء الله شهر 2 لمدة 34 يوم( 33 ليله)
السفرة بتكون مع زوجتي لذكرى زواجنا
روحتي راح تكون الى نيويورك ورجعتي من لاس فيغاس ( تم حجز التذكرة من الان بسعر 880 دولار)
يعني اول محطه واخر محطه معروفه
لكن محتار بين ترتيب المحطات اللي بالنص
للعلم هذي اول مره اروح فيها امريكا
وبخطاري اروح هذه الاماكن بالذات (نيويورك, اولاندو, لوس انجيلوس, سان فرانسسكو, سان دييغو, لاس فيغاس)
ياليت تضبطوني بجدول حلو ولامانع من اختيار فنادق بشرط الليله ماتتعدا ال140$ ( ماعدا نيويورك لان فنادقها غاليه جدا)
ارائكم لو سمحتوا


التعليقات (9)
Abdulaziz Al Ahmari
Abdulaziz Al Ahmari
انا مثلك بس بشهر 1 كنت حاط نيويورك من ضمن الخطه بس اتوقع ما تناسب لانها برد مره
فإذا لابد من نيويورك فالخطه مايلي :
4 ليالي نيويورك + 5 ليالي اورلاندو + 5 ليالي ميامي + 4 ليالي سان فرانسيسكو + 11 ليله لوس انجلوس + 4 ليالي لاس فيقاس
طبعاً سان دييقو وانتو في لوس انجلوس يوم واحد لانها بالسيارة ساعه ونص ويكفيها يوم
طبعاً السكن على حسب الأرخص في الشقق المفروشة بس تحذير اهم شي مكان السكن لان البعض يفضل الأماكن القريبه من الاسواق والأماكن السياحية
واي مساعده في الخدمه

aziz20012001
aziz20012001
انا اشوف 4 ليالي نيويورك + 8 ليالي اورلاندو + 4 ليالي ميامي + 3 ليالي سان فرانسيسكو + 7 ليله لوس انجلوس +3 سان دييغو + 4 ليالي لاس فيقاس
شنو التذكرة اللى ب 880 $؟
حجزت طيران داخلى؟ شنو خط السير؟
السفر والعودة من نيويورك؟
متوسط سعر فنادق الاربع نجوم فى نيويورك 300 $ سان فرانسيكو 200$ ....
صعب 140 دولار يمكن بس باورلاندو تحصل هذا السعر
الا اذا اخترت فنادق 3 نجوم او نجمتين

khalid now
khalid now
انا برأي تشيل اورلاندو من الخطة لوس انجلس احلى واونس

tmutairi
tmutairi
Abdulaziz Al Ahmari
الله يعطيك العافيه اخوي
الجدول جميل لكن اشوف كانه ميامي مالها داعي بما ان الجو شتاء؟ وهل فعلا تستاهل ؟
ولوس انجيلوس وين اخليها باي مكان بالضبط؟
ياليت تفيدني بافضل مكان للسكن بالنسبه للشارع والحركه اهم شي يكون امان وفي حركه بالليل ماحب الهدوء

tmutairi
tmutairi
aziz20012001
يعطيك الف عافيه ماقصرت مشرفناالطيران american airlines كويت-لندن- نيويورك/ لاس فيغاس-لندن-كويت
والداخلي للحين ماحجزته لان للحين موثابته عندي الخطه
بالنسبه للفنادق انا اهم شي يكون3 نجوم وفوق
اللي اهم منه يكون تقييم عالي واراء الناس اكثر من 7.5 من 10
نيويورك حجزت فندق The Milford NYC
خذيت فيه 3 ليالي وقابله للزياده حسب ارائكم
بس ياليت توضحولي ليش تنصحوني بميامي بما ان الجو شتاء
ووين تنصحوني بلوس انجيلوس لان لقيت كلام الناس كثير عن west hollywood, westwood, brevely hills , anahiem, irvine, santa monica
ويعطيك الف عافيه

tmutairi
tmutairi
khalid now
والله اخوي انا هذي اول مره اروح فيها امريكا ومحدد لها 34 يوم قلت لازم امر كل مكان فيها دام عندي وقت :d وانت عارف الجو شتاء بالاماكن الدافيه زينه لي كسائح

Abdulaziz Al Ahmari
Abdulaziz Al Ahmari
بخصوص السكن في لوس انجلوس فالشمال أغلى من الجنوب ولكن من وجهة نظري أحلى مكان في الجنوب هو ايرفاين وانا حاجز في فندق هيلتون دبل تري المقابل للاسبكتروم مول
وفي عندك فندق ماريوت قريب من الاسبكتروم بس أغلى بشوي من الفندق الي حجزت فيه وترا لوس انجلوس ما يكفيها أسبوعين
فأنا اقترح عليك ي تخليها غربيه وتحصرها في لوس انجلوس وسان فرانسيسكو وسان دييقو ولآس فيقاس
او انك تخليها شرقيه ما بين نييويورك وفلوريدا
وانا أفضل الساحل الغربي
والاختيار يرجع لك

aziz20012001
aziz20012001
الجو في
نيويورك : ثلج
ميامي واورلاندو : روعه
باقي المدن: حلو مائل للبروده
ادفي مدينتين بهذه الفتره راح يكونون ميامي واورلاندو
عشان چذي قتلك ميامي ، تراها حلوه للتمشي والقهاوي والمجمعات ، وبالسيارة من اورلاندو ، شوف تقريري عنها تحت بالتوقيع
اذا ودك تخفف من المدن ، ممكن تلغي سان فرانسيسكو لانها بعيده شوي عن باقي مدن الغرب
السكن بلوس انجلس ، الشمال اغلي واغلب الأماكن السياحيه بالشمال
لاتحاتي السكن الحين
اول شي لازم تقرر قرار نهائي بالمدن وتحدد تواريخ كل مدينه وتحجز طيران داخلي
لازم خلال اسبوع من الحين تخلص وبعدها نبتدئ ندور عن افضل الفنادق بالأسعار اللي تبيها

aziz20012001
aziz20012001
ممكن تحجز طيران داخلي نيويورك / اورلاندوومنها بالسياره الي ميامي وبعدينميامي / سان فرانسيسكو اذا ناوي تروحلها ومنها بالسياره الي لوس انجلس وبعدين سان دييغو وبعدين لاس فيقاس
اذا بتكنسل سان فرانسيسكو احجز طيران ميامي/ سان دييغو
بالنسبة للفنادق مبدئيا
بسان دييغوهذا 3 نجوم لاكن موقعه ممتازEmpress Hotel of La Jolla $170.........نجمتين ونص موقعه ممتاز يم الثاني لاكن هذا علي البحر مباشرهLa Jolla Cove Suites $140 ........هذا بالداون تاونGas lamp plaza suite150$


خصم يصل إلى 25%