سارة سلطان
08-09-2022 - 01:34 am
السلام عليكم ورحمة الله وبركاته
مساء الخير للجميع
هذي أول مرة أنوي السفر للصين ولغرض التجارة، وإن شاء الله بسافر مع العائلة (لغرض التجارة) بس عندي بعض الاستفسارات أتمنى منكم مساعدتي فيها:
وش الأوراق المطلوبة للإستيراد.
أنا عندي سجل تجاري من 3 أشهر وما استفدت منه شيء، السجل عبارة عن مؤسسة تجارية، هل تكفي لغرض الاستيراد ولا لازم ترجمة وأوراق ثانية أو تكفى. والسجل لازم يكون الأصلي ولا صورة منه تفي بالغرض.
كم الكمية إذا حبيت أشتري من المصنع، يعني لازم كونتينر أو مثلاً 100 درزن مشكل.
أقدر أشتري كونتينر منوع ولا لازم صنف موحد.
كم نسبة الجمارك.
مبلغ 50 ألف ريال يكفي للتجارة. وإذا ما يكفي كم المبلغ اللي من المفترض أبدأ به. وإذا مضطرين فأكيد راح نبيع السيارة عشان هالتجارة.
تجارتي راح تكون إكسسوارات، شنط، لاب توب، آي باد، ملابس مختلفة مثل ملابس الأطفال والملابس الداخلية والنسائية وغيرها.
وش الأفضل إني أفتح محل وأصرف بضاعتي فيها ولا أتفق مع شركات تسويق وتوزيع عشان أصرف البضاعة.
هل الأفضل إني أتفق مع مكتب بالصين وهو يقوم بكل شيء.
اليوم دخلت موقع الخطوط السعودية عشان الحجز وما لقيت مطار لكوانزو، ما لقيت إلا هونج كونج، وش السالفة يعني أروح لهونج كونج وبعدها نروح لكوانزو ولا كيف؟
سؤال أخير هل يشترط المكتب اللي يطلع لنا الفيز وجود تذاكر سفر ولا عادي ممكن يطلع الفيز بدون التذاكر وكم سعر الفيزا، و وش أفضل فيزة سياحية أو تجارية وكم أسعارها وكم تجلس وتخلص الفيزا و وش المطلوب.
معليش أشغلتكم بالأسئلة بس ما أدري وش أسوي، ما ودي أتورط بشغلة ما حسبت حسابها.
تكفون أي شيء ممكن يفيد عادي قولوه.
ولكم مني أجمل تحية
