هلابك ياغالينا ...
أنصحك لو تجعل كامل المدة في ( ماليزيا ) أفضل وأنسب وأريح لك
ماليزيا فيها كل مقومات السياحة اللي تغنيك عن أندونيسيا بصراحة
طبعا هو مجرد رأي ... والأمر لك أولا وأخيرا

يا هلا اخوي ,,
في البداية احب ان اقدم لك نصيحتي , وهي لو جعلت المده كاملة لماليزيا فقط سوف تكون افضل , لانك تستطيع في هذه المده ان تقوم بالتنقل بين المناطق الموجوده داخل ماليزيا وهي تختلف عن بعضها فعندك على سبيل المثال كوالالمبور للتسوق والكافيهات وبعض الانشطة السياحية والذهاب الى جتنق مدينة العاب تقع فوق الجبل , وجزيرة لنكاوي الساحره وبها رحلات سياحية جميل جدا وتعتبر جزيرة رومانسيه انصحك بزيارتها وبقوة , وعلى سبيل المثال مرتفعات الكاميرون مكان جميل جدا للأسترخاء والهدوء والابتعاد عن ضجيج وصخب المدينه في الجبال , ومنطقة سيلانغور القريبه من العاصمة كوالالمبور حوالي ساعه بالسياره والسكن في فندق Sun way Lagoon وبداخل هذا الفندق مدينة العاب مائيه ممتازه وسوق راقي .
وبالنسبة لإجازة العيد في ماليزيا واندونيسيا , فاتوقع انها نفسها في الخليج العربي نظرا لانهما دولتين اسلاميتين , لكن لا اجزم لك ذلك .
رحلة سعيده ,,

تبي العلم تعال خذ
انا سافرت اندونيسيا شهر عسل وبصراحه وقتها ماكنت اعرف شي اسمه ماليزيا.... كنت افكر اروح ماليزيا واندونيسيا نفس تخطيطك اقسم المده بينهم
لكن نصحني ولد عمي راح اندونيسيا قبل رمضان يقول شي يفشل
وخساره تضيع فلوسك فيها ماغير الجبل وماعندك خيار غيره الاماكن السياحيه قليله
ولو بتقول الجبل طبيعه واجواء انا معك شي يسحر العين لكن بلاك ماشفت الكاميرون ماشفت جنتنق لنكاوي
وبعدين بيني وبينك اندونيسيا حقت شباب مره وبونشاك اقسم بالله تقول كانك فالطايف
بزران كثروا ههه
حبيبي وجهة نضري لك تجعل كامل المده اسبوعين في ماليزيا وراح يزبطلك الوافي جدول يحبه قلبك
لا توجد مقارنه بي البلدين
ماليزيا تملك كل مقاومات السياحه وش تبي بس جزر مدن صاخبة مرتفعات وجبال
والخيار الاول والاخير لك انت فقط
وبعدين نصيحتي لك استخير وانا اخوك واطلب ربك والله بيسهلها معك
تحياتي لك واسف ع الاطاله

نصيحه اخ لا مقارنه بين ماليزيا واندونيسيا
ولو ان ماليزيا ليست بذاك الخيال الذي يعتقد الاخرون
رطوبه تغث الواحد توصل نسبتها 90 بالميه
يهونها الامطار
بس الجو حلو تقريبا وخصوصا في الفجر خيال
نصيحه خلك على ماليزيا وحدها افضل لك وفي هذه الدوله فقط
ستجد انك سافرت لاماكن مختلفه وثقافات متعدده وليست في بلد واحد
طبعا اذا معاك زوجتك انصحك وبشده بلنكاوي .. جزيره محافظه ورائعه بكل المقاييس ( بنظري شخصيا )
جزيره ملتزمه ولا يوجد بها من الامور المزعجه لنا كمحافظين ..
حتى الملاهي الليله خارج المدينه اثنين في كل اتجاه وبعيد
اعجبني تنظيمها والتزامها ( مقارنه في باقي ماليزيا وخصوصا جزيره بينانغ )
الله يوفقك في رحلتك وتستانس وتشرح خاطرك .. وترد سالم غانم انت والي معاك

شكرا لكم على ارائكم ونصائحكم لكن انا من الحيرة بين الدولتين قلت اروح لدولتين بس سؤال وين افضل الجو في ماليزيا او اندونيسيا وعل الاسعار ترتفع في اجازة العيد ؟؟اتمنى المزيد من الاراء