السلام عليكم
اول شي حبيت اشكر كل الاخوان اللى ساعدونى في استفساراتى السابقه اللى استفدت منها وايد
والحين بعد دراستى لرحلتى الاوروبيه + آرائكم الطيبه حطيت خطة مبدئيه واللى اهي :
السفر بكون انشالله اخر 6 وبنقعد 25 يوم تقريبا انا وزوجى وعيالى وعيالى اسمله عليهم شايلين نفسهم يعنى بتحملون الحركه او اللويه شوي وبنأجر سياره وراح يكون الوصول لمطار فرانكفورت اقعد يوم 1 وبعدين اروح كولون واقعد فيها 4 ايام ثم بروكسل 3ايام وبعدها بادن بادن او اي منطقه قريبه منها نريح لانه المسافه بعيده شوي ومنها نشوف البلاك فورست وبعدها لليورب بارك 2يوم وبعدين انترلاكن 4 ايام ومنها ازور المناطق اللى حولها مثل لوزان وزرمات وبعدها لغارمش 3 ايام وبعدها لميونخ 3 ايام وبعدين فرانكفورت 2 يوم ومنها نرجع للديره والحين بعد هالخطه العجيبة وادرى انها لويه بس شسوي متحمسه ودى اشوف اوروبا كلها بهالجم يوم واخوانى الحين حبيت اسألكم جم سؤال ميخالف تحملونى لانى مالى غنات عنكم وعن آراكم الطيبه
احنا وصولنا بكون لفرانكفورت وراح نلف باوروبا ونرجع مره ثانيه فمادرى نبدى بكولون وله بميونيخ احسن خاصه انهم اثنينهم فيهم اسوقه حلوه وعلى اساسها بتكون الفره ؟
انا مفكره بالعاب للعيال شنو احلى اليوروب بارك وله ديزنى احلى وانا وابوهم خوافين واظن اغلب الالعاب ماراح نلعبها فشنو انسب واوفر واونس؟؟ ادرى طرار وتشرط
وشرايكم بالخطه بشكل عام وبالمناطق زينه؟؟ خاصه انه ودى اقعد باغلب المناطق بشقق لانه عيالى ما يتحملون اليوع وما يحبون فش ماك او اي اكل غريب ومو مشكله اسكن باي مكان يم هالمناطق اهم شي ارتاح بشقق بين فتره وفتره وعادى اغير لانى مرنه اصلا انا حطيت عشرين خطه على ما رسيت على هذى والسبب انتو بصراحه تقاريركم الروعه والصور اللى اشوفها تغير رايى فالله يعطيكم العافيه وماتقصرون اخوانى وعشمى فيكم كبير تساعدونى
وشكرا