نشر في ماليزيا

ساعدوا اخوكم اول مرة اسافر والميزانية قليله شهر عسل تكفون المساعده

يارب ياكريم

22-03-2022 - 12:05 pm

السلام عليكم ورحمة الله وبركاته
مثل ماذكرت الزواج باقي عليه حدود اسبوعين والله ماني عارف كيف ارتب قارنت بعض المواضيع ببعض المكاتب فاتضح لي ان المكاتب غالية جدا من يساعدني وله دعوة بالغيب .
الميزانية تقريبا 15 الف تنقص ماتزيد .
وابغى اسافر لماليزيا حدود اسبوع ونص .
المواقع اللي ذكرها احد الاعضاء انها اقل تكلفة لو حجزت بالانجليزي وانا شوي ضعيف باللغة .
(( ان كان باقي فيه شهامة ساعدوني ))
والسلام عليكم ورحمة الله وبركاته

التعليقات (6)

وافي بزمن جافي

22-03-2022 - 03:14 pm

يارب ياكريم
هلا بالغالي ...
أبشرك ... والله ماجابنا هنا في المنتدى إلا ( الشهامة )
والله نقدم على حساب وقتنا وأهلنا وراحتنا ... فقط من أجل سعادة أخواننا
عموما ياغالينا ...
أنت أحجز الأن الطيران الدولي ... وكل اللي بعده سهل ...
إذا حجزت الطيران الدولي ... نعطيك أجمل جدول وأجمل ترتيب بأذن الله
راح نقسم لك الأيام ... ونرشح لك الفنادق ... ونعطيك طريقة الحجز خطوة بخطوة
وصدقني 90% من الأخوان والأخوات هنا ( يرتبون ) حجوزاتهم من النت ... بمساعدة المنتدى
وماشاء الله نجحت رحلاتهم ... ووفروا مبالغ كبيرة ... بصراحة ...
فكما ذكرت لك
أحجز الطيران الدولي لأنه أهم خطوة ... وكل اللي بعده سهل بأذن الله

يارب ياكريم

22-03-2022 - 04:15 pm

طيب اخوي اقل اسعار الطيران متواجده لدى اي مكتب

عبدالهادي المنصور

22-03-2022 - 05:16 pm

هلابك أخوي
افا يالغالي الشهامه موجوده وكل اللي هنا فيهم الخير والبركه وأبشر بنخدمك باللي نقدر عليه
بخصوص الميزانيه فأبشرك الحمدلله راح تكفيك حجوزات وفنادق ورحلات وتنقلات داخليه ماعدا الهدايا والمشتريات الخاصهاول خطوه تسويها الحين تضبط لك حجوزات طيران دولي من وإلى ماليزيا واذا تبي تعرف اسعار التذاكر
شوف مواقع الخطوط التاليه
السعوديه
الماليزيه
السيرلانيكه
طيران الاتحاد
طيران القطريه
طيران الاماراتيه
وقارن بين اسعارهمالشي الثاني المهم وهو وجود فيزا او ماستر كارد معك على شأن نكمل باقي حجوزاتك بإذن الله وانت على الجهاز

بو حسن 83

22-03-2022 - 06:17 pm

ياليت تذكر لنا تاريخ الذهاب والعوده مع الشهر
وتذكر لنا من اي مطار بيكون الاقلاع وانا ان شاء الله اشوفلك ارخص طيران

N.H.N

22-03-2022 - 07:18 pm

بخصوص الطيران جرب هذا الموقع
http://www.kayak.com/flights
يبحث لك في جميع مواقع خطوط الطيران التي تطير من مدينتك الى الوجهة المقصودة
موقع جميل ورائع
واذا بغيت المساعدة وطريقة الحجز فحنا جاهزين ..
بالتوفيق

سما العز

22-03-2022 - 08:19 pm

اولا مبارك عليك العرس مقدما...
وهنا انت بين اخوانك واحبابك صدجني الاخوان هنا في المنتدى في قمة الاحترام والرقي وما يقصرون...
اول سفرتي كانت شهر العسل لسويسرا وخلال اسبوع وما كان في وجت للعرس والاخوان اشكرهم ما قصرو معاي...
والحين ثاني سفره نرتب لها وإن شاء الله تكمل باجي الاجراءات...
ومثل ما قال لنا الاخ وافي اهم خطوه الطيران الدولي بعدها كل شي س ه ا ل ه ههه
انا حجزت ع العماني سعر التذكره 147 للشخص

ماليزيا المسافرون العرب

ساعدوا اخوكم اول مرة اسافر والميزانية قليله شهر عسل تكفون المساعده