وش محرج منه بالعكس انت فكرت في اهم الاشياء وبصراحه احييك واتمنى لك ولعائلتك سفرة سعيدة
اي استفسار على الرابط
http://216.120.228.124/vb/showthread.php?t=12050

السلام عليكم ...
حياك الله اخوي خايف من السفر ...وبأذن ربي لا فيها خوف ولا غيره .
ما قصر اخونا جنح الظلام ...الله يعطيه العافية .
الخبز او العيش تلقاه في السوبر ماركت وما منها خوف وفي بعض
المراكز الكبيرة عندهم مثل المخابز الغربية ويبيعون بها معجنات
صحيح انه الرز هو وجبتهم الرئيسية الا انك تلقى العيش وبكثرة
في السوبر ماركتات ....بقالات انسى ترى ما فيها .
اغلب الفنادق حاطين لصقة او سهم على السقف يحدد لك
اتجاه القبلة ..وان دخلت غرفة وما لقيت فيها السهم اتصل
عليهم او الحمال اللي معاك اطلب منه يحدد لك القبلة .
وانا دائماً اسوي هذه الحركة واسئل حتى لو في سهم
عشان ادقهم وافكرهم انه في شيء اسمه صلاة
الحجاب ...ترى هذه الايام ماليزيا صارت مستعمرة عربية .
تمشي كأنك في مدينة عربية من كثر العرب وخاصة الخليجين
اصلاً هم الماليزيات محجبات لكن ما يغطون وجوههن لكن شعرها
لو تقتلها ما تفكه لك ..وعندك في كلنتان الماليزية بناتهم يغطون
مثل بناتنا وشفت منهن مبرقعات ...وترى الماليزيات والماليزيين
الملايو يحترمن المحجبات ونصهم وصلوا بلادنا للعمرة والحج
وترانا ما احنا غرباء عنهم وبيننا وبينهم الكثير ...لا تشيل هم
الحجاب ولا احد راح يضايقك وحيمر عليك ونتقابل بنات عندهم
لابسين حشم اكثر من بعض بناتنا الله يهديهم هناك ...ان شفت
هالمنظر افتكرني
موفق اخوي بأذن الله والله يجعلها رحلة خير وسعادة
وترجعون لنا بالسلامة والسلام عليكم

اخوي الغزيز الشعيبي العين ما تعلى على الحاجب وشكرا على اطراءك