اقترح عليك اخوي تراسل الخطوط اللي انت مسافر عليها، حصل لي نفس الموقف وكنت مغيره اللقب كامل وراسلتهم ( فلاي دبي) وردوا علي انهم عدلو الاسم في السيستم وسافرت ولاحصل شي الحمدلله ،،

الحجز على الخطوط السعودية على مقاعد مخفضة ولو طنشت الموضوع ممكن يعدي من هنا وهناك ؟لأن اشوف المسألة خطأ مطبعي بسيط مافيه تغيير كثير مجرد حرفين عكستهم ...

مدام الخطوط السعوديه ماعندك مشكله ابدا، اطبع البوردينق من البيت او من الخدمات الذاتيه ومااحد سائل فيك ....
الله يسهل امرك

خوفي من هناك
أما هنا مطمئن أن الامور بتمشي
وبصراحه انا اللي حجزت عن طريق موقعهم من النت، واتحمل هذا الجزء من المسؤولية، لكن لما جيت بطبع التذاكر رفض موظف الخطوط الا بإحضار الجوازات واضطريت للذهاب للمنزل واحضارها له "يعنني بدقق بياناتك من الجواز" طيب ليه ما يدقق في الاسم ويعلمني بأن الاسم مختلف؟

+
ادخل موقع الخطوط السعودية
وادخل على حجزك .. ويمديك تعدل الي تبي ..
انا توي معدل رقم الجواز ..
+

حلو يعطيك العافيه ي عسل طيب بعد التعديل كيف العمل.. اسحب برنت من الخطوط بالحجز بعد التعديل والا مو لازم مدام موجود بالسست عندهم؟

رجعت لموقع الخطوط ودخلت على الحجز ولم استطع التعديل ولم اجد خانة لهذا الأمرربما لأن الحجز "عرض تشجيعي" ؟؟
أفيدوني جزاكم الله الجنة..

حياك الله اخوي مشكلتك بسيطة جدا جدا
معاك موظف خطوط سعودية المنطقة الدولية مطار الملك عبدالعزيز
لا يمكن تعديل الاسم لا عن طريق الحجز ولا مكتب السعودية
ويجب احضار الجوازات للمطار عند الرغبة في طباعة البوردينق للتأكد من كافة البيانات والشروط المطلوبة لدخول الدولة المراد السفر إليها
حتى لو تمت طباعتها الكترونيا يتم التأكد عند بوابة الدخول والمغادرة .. دوليا
على العموم الاسم المطابق يكون لأمريكا فقط واوروبا احيانا
عشان كذا الموظف ما دقق في الاحرف لأنك رايح ماليزيا
واذا كنت تريد التعديل لحجز العودة يجب ترقية درجة السفر للعودة والقيام بعمل حجز جديد واضافة التذكرة عليه بعد التعديل
تبيها من قاصرها ما عندك احد يا رجال سافر وانت متطمن واغلب السعوديين يجوون كاتبين اسماء والقاب غلط
لكن انا كموظف اعرف انه هذا هو الشخص
يمكنك الذهاب للمطار والتأكد من الجوازات ومكتب الرعاية الخاصة للخطوط السعودية وارسال برقية لمحطة كوالالمبور اذا لزم الامر
بالتوفيق

تحياتي لكل من تفاعل معي .. لاعدمتكم
عملت كذا اتصال اليوم حتى وصلت لموظف بالخطوط السعودية وقال الموضوع بسيط جدا
تروح لإدارة الخطوط السعودية بالبلد وعن طريق الموظف يتم تعديل الاسم في السستم
ويادار ما دخلك شر
باكر بإذن الله بروح ولما تنحل المشكلة ببلغكم باللي يصير