السلام عليكم
أول شئ يافهد تروح وترجع بالسلامة وأتمني لك رحلة موفقة
والله يافهد كان بودي إني أفيدك كثير لأني سافرت ماليزيا مرتين وفي المرتين لم أحجز الفنادق من مكاتب السفريات ولكن كنت أحجزها إما عن طريق النت أو في ماليزيا
ولكن عندي لك بعض الملاحظات أتمني أن تفيدك وهي :-
لإنك مثل ماتفضلت إنك قليل الخبرة في السفر فأنا أفضلك أنك تحجز الفنادق من مكاتب السفريات وهم كثرة ومكانهم في مدينة الكويت خلف مبني الخطوط الجوية الكويتية وهو مجمع كامل خاص بمكاتب السفريات إذهب وقارن الأسعار
بس قبل أن تذهب يجب أن تكون حاط خطة لرحلتك من حيث المناطق وإسم الفنادق وتاريخ السكن والمغادرة من كل فندق ونوع الغرفة(Deluxe - Superior - studio - Suite) الي راح تسكن فيها
وبعد الإتفاق مع مكتب السفريات يجب عليك أخذ وصل للحجز مفصل عن المناطق وإسم الفنادق وتاريخ السكن والمغادرة من كل فندق ونوع الغرفة الي راح تسكن فيها ويجب عليك قراءة الوصل بنفسك
ملاحظة مهمه جدا
يجب عليك الحجز مبكرا حتي لاتتفاجئ بأن بعض الفنادق لايوجد بها حجز وهذا شئ وارد
وياريت تحط موعد السفر ووصولك الي ماليزيا ومدة السفره علشان يفيدونك الأخوان أكثر
وتقبل تحياتي

السلام عليكم ورحمة الله وبركاته
بارك الله فيك اخوي netq8 وماقصرت والله على هالنصائح الثمينه
وبالنسبه للبرنامج والفنادق اللي راح انزل فيها انا انتهيت منه تقريباً بارك الله فيك واستشرت كثير من الأخوان بالمنتدى وجزاهم الله خير ماقصروا ابداً ابداً مثلك وشرواك لكن ناقصني رؤوس الأقلام مثل مايقولون
اماكن الحجز والمكاتب .. الخ
وبالنسبه لطريقة الإتفاق مع المكتب .. استفدت من ملاحظتك كثيراً ياعزيزي فجزاك الله كل الخير
وان شاءالله سيتم الحجز بفتره طويله جداً عشان اضمن الأماكن في الفنادق المطلوبه ولايتخربط علي الجدول
شكراً شكراً ياعزيزي وماقصرت والله
اخوك فهد

السلام عليكم ورحمة الله وبركاته
أول شي حياك الله أخوي فهد وإنشاء الله تروح وترجع بالسلامه
أحسن شي تروح عمارة الدوليه داخل الديره لأن معظم شركات السياحه
من كبيره وصغيره موجوده فيها واحجز منهم التذاكر والسكن وريح بالك

بسم الله الرحمن الرحيم
السلام عليكم ورحمة الله وبركاته بالنسبة لسؤالك أخي الكريم عن مكاتب السفريات فقد جاوبوك عنه الأخوان أما بالنسبة لكونك تبي تقضي شهر العسل هناك فالبلد جميل من عدة نواحي :
1- الأمان فيه موجود بمستوى جيد.
2- البلد إسلامي يعني تشم فيه رائحة الإسلام ولو مخربينه الصينيين اللي فيه .
3- طبعاً العاصمة كوالالمبور التمشية فيها حلوة والمجمعات التجارية كثيرة وكبيرة والحدائق و.....
4-لاتنسى هضبة فريزر ففيها منتجع جميل وهادئ جداً لدرجة أنك تتخيل إنك لوحدك فيها فمناظرها خلابة وترد الروح ( خاصة في شهر العسل ) ومبروك .

اخونا الفهد
بصراحه في مكاتب وايد زينه بس خلك حريص على توقيع العقد معاهم لانه بعضهم يذكر لك منطقه ويسكنك في فندق في منطقه ثانيه ويذكر اسم الفندق بالعقد عشان لا تشتكي عليه عند الطيران المدني.
قبل لا توقع على العقد اخذ نسخه منه واسال احد رايح من قبل عشان لا تتوهق، طبعا هذا بالنسبه حق القروبات بس اذا بتروح بدون قروب اخذ اسماء الفنادق ودور عنهم في المنتدى وان شاء الله راح تلقي الراي المناسب لهم.
والبرنامج امره هين عندك المنتدى ومكتب السفريات اللي راح تحجز عنده.

السلام عليكم ورحمة الله وبركاته
اخواني الأعزاء
بلاتيني
دهميد
بوعيال
جزاكم الله كل خير على هذه النصائح
بلاتيني ...
شكراً لك على هالمعلومه عرفت المكان خلاص وبروح له انشالله عن قريب
دهميد..
صحيح عزيزي كل النقاط اللي ذكرتها انا حاطها في بالي وهذا اللي حمسني اروح لماليزيا وافكر فيها
لكن بالنسبة لهضبة فريزر الصراحه خوفوني منها بعض الأخوان ونصحوني بعدم الذهاب
لوعورة الطريق وخطورته .. صحيح انه مناسب جداً لشهر العسل لطبيعته الخلابه ..
لكن الطريق يخوف الصراحه ههه
بوعيال ..
مشكور يالغالي على هالنصيحه .. لايمكن ابداً اروح بقروبات .. شهر عسل واروح بقروب؟ مايصلح طبعاً
ماراح يكون فيها خصوصيه كبيره انا باخذ حريتي الكامله .. عشان جذي انشالله مافي خوف من خداع المكاتب السياحيه بإذن انشالله
بارك الله فيكم جميعاً وماقصرتم اخواني يعلم الله انكم اسعدتوني بردودكم ومشاركاتكم .. شكراً للجميع شكراً
اخوكم فهد