عريس طازة
10-08-2022 - 02:45 am
السلام عليكم
سؤال بسيط ( ويمكن يحتاج اجابة طويلة )
بس مو صعب على أعضاء هذا المنتدى
أريد باختصار ؟ ( تكفون لا تخيبوا ظني )
ماذا تتميز به كل مدينة من مدن ماليزيا ؟
أقصد الشواطئ الخضرة الملاهي المرتفعات المنتجعات و غيرها تكفون
لأني أريد أحدد المناطق
وسفرتي ان شاء الله في نهاية ديسمبر وبداية يناير
و إذا فيه أي نصائح أخرى لبرنامج معين أو مناطق معينة
لاتبخلون علينا
انتظر ردودكم الغالية
:d:d
تتميز بانها مدينه حضاريه مليانه اسواق وخضرتها ترد الروح بس انا ما احب اطول فيها لاني احب جو الشاطيء اكثر من المدينه ,,,
بيننق ::
هذي المدينه هي السبب اللي يخليني اروح لماليزيا لثالث مره وما ابي غيرها ,, لانها تجمع بين المدينه و الشاطيء ,, ولازم تاخذ لك فيها فندق على الشاطيء علشان اذا صحيت الصبح و نزلت تفطر تلقى قدامك الشاطيء اللي يرد الروح و يخليك تاكل البوفيه كله خ
لنكاوي :: جزيره هادئه وشاطئها هاادي بعد اذا تبي استقلاليه لك انت وزوجتك طول فيها بس صراحه ما راح تجي احلى من بيننق ,,,
في كوالا لازم تروح لمرتفع جنتنق لانه بارد و حلو وهو عباره عن ملاهي داخلي و خارجي ,, اذكر يوم بغينا نطلع للملاهي الخارجي واو اول ما طلعنا الا وتهف علينا ذاك الرذاذ اللي مصدره من الغيوم ,, يعني انت داخل الغيوم تصير شي خيال ,,,
عاد باقي الاشياء الترفيهيه تلقاها في ملفات الاخوان ما قصروا كتبوا كل شي انت ما عليك الا تسوي بحث ب اسم ( ملف الماهري) وتلقى كل معلومه صغيره و كبيره ,,,
بالتوفيق