مادري والله
لكن ليش ما تشترين خط من هناك؟ اوفر لج !!
والله يسمح دربكم

غزال الخليج
اسواق ميونخ
خذي عندك :
1- المركز التجاري " Neuperlach Zentrum " .
2- شارع " Marienplatz " وهناك توجد مراكز تجارية مثل " Kaufhof - Karstadt - H&M - C&A " .
3- المحيط القابع عند محطة القطارات الرئيسية " Hauptbahnhof " .
4- زيارة مركز " Olympia Zentrum " .
5- السوق المفتوح " Viktualienmarkt " يعرض فيه كل المنتجات والمصنوعات اليدوية لسكان القرى وكذلك الفواكه وخضار وأعشاب .. الخ ، وبعض الأيام يكون هناك استعراضات وكرنفالات لذا ينصح به وبشده وهو مفتوح كل الأيام إلا الأحد من الصباح إلى الساعه الثامنة مساءً .
تمنياتي لك برحله سعيدة

صباح الورد
مشكورين على الردود بس نسيت اذكر لكم اني سأقيم بألمانيا تحديدا في منطقة دزردولف ومنطقة هامبورج
وفي هولندا سأقيم في لاهي
وشكرا جزيلا لكم

http://www.germany-tourism.de/index_ENG.htm
الموقع الرسمي لألمانيا ومفيدة جدا بس دخلي على المدن اللي تبينها وراح تلقين فيها كل شي.
في دزلدوف هناك منطقة قريبة إسمها أوبرهاوزن لا تطوفينها كلش فيها سوق وايد حلو (إختي راحت له ومدحته ) وفي يمه مكان ترفيهي نسيت إسمه وخلو تجولاتكم بألمانيا كله بالقطارات إذا ما عندكم سيارة .
وهامبورج عندي لج وايد أماكن بس أنا بروح لها شهر 8 بس أقدر أعطيج معلومات ممكن تستفيدين منها:
فوق هامبورج :
مدينة ألعاب hansa park فوقlubeck في منطقة sierksdorf
مدينة timmendorfer strand فيها Sea.life
داخل هامبورج:
Alster lake and Park بحيرة وحديقة أليستر
miniature wunderland hamburg مجسمات صغيرة للمدينة والقطارات(مثل المتحف)
panoptikum (wax museum) متحف الشمع
حديقة الزهور Planten un Blomen وفيها تقام أيضاً عروض الليزر والنافورة الموسيقية (موجودة في شارع st.pauli
speicherstadt مدينة البضائع والمخازن
الميناء the port city
جنوب هامبورج :
مدن الألعاب في
Heid park (soltau)
vogel park (walsrode)حديقة الطيور
Serengeti-park -Hodenhagen مدينة ألعاب وسفاري
Magic-park مدينة ألعاب وحديقة حيوانات وعروض سحرية
وممكن زيارة مدينة luneburg
وهذا اللي يحضرني الحين.

بالنسبة للاتصال ............... أنصحك تشترى خط من هناك ........... فودافون
أرخص وأوفر
وبالنسبة لدسلدوف .............. لا تطوف كولون ............ و فنتاسيا لاند
واذا تبي نصيحتي .............. خلك في كولون لان دسلدوف ما فيها شي
والسوق ترى بكولون
وفي قريه للتسوق على الطريق إلى بروكسل (ساعة من كولون) فيها خصومات خاصة
أما لا هاي أو هولندا بالعموم ترى أسواقها موشي
وفي بلاهاي ............. منطفة لايشندام ........... فيها مجمع كبير ورخيص ......... ومحلات Hema لا تطوفها

صباح الورد عليكم جميعا
اشكركم على هذا التواصل الجميل والروح الاخوية
الله لايحرمنا منكم