حياك
كاميرون تبعد عن بيننغ ست ساعات ونص بالباص
وتقريباً 4 ساعات بالتاكسي
وما فيه طريق سر لها الا بالبر يعني مافيه مطار لانها منطقة جبلية
طبعا انا مانصح ابدا ان احد يروح كاميرون ويرجع بنفس اليوم
فضلا على اني اعتقد انها متعبة جدا وبالنسبة لي مستحيلة
اقل شيء الواحد يجلس في كاميرون يومين
بالنسبة للفنادق هناك زمان كان ممكن الواحد يروح من غير حجز ويلاقي
لان ما كان كثير ناس يروحون لها ولا يعرفون عنها شيء
لكن اتوقع الحين ان الواحد من الافضل يحجز من ديرته على فنادق كاميرون
وهي متوفرة في جميع وكالات السياحة
اتمنى اكون افدتك

طيب لو رحت لها من كوالالامبور ورجعت في نفس اليوم من الصبح الى الليل هل هذا صعب جدا وكم تبعد عن كوالالامبور بالسيارة

والله اخوي انا اشوف انها صعبة
انت تبي توصل كاميرون من طريق كله منحنيات وتحتاج للراحة
ولا تنسى ان كاميرون حدها المغرب وكل شيء ينتهي
فانت شوف متى راح توصل ومتى تتمشى ومتى تاكل ومتى ترجع
الافضل انك تجلس فيها يوم او يومين وترى فنادقها ماهي غالية
يعني من مصلحتك انك تسكن فيها يوم او يومين راح تخفض لك التكلفة الاجمالية للفنادق

اخواني بسألكم الكميرون هاي لاند اهي نفسها جنتنغ هاي لاند و الا غير!!!!!!!
و إذا غير وش تفرق عنها؟؟؟؟؟؟؟؟؟؟

حسب معلوماتي من العرب المسافرون
ان جنتنق منطقة مرتفعة بس تتميز بالملاهي والألعاب والضباب
اما الكاميرون تتميز بطبيعتها ومرتفعاتها
(معليش هذا اللي فهمته )

اخواني نبراس و ابو البراء
جنتنغ مدينة ملاهي و فيه فنادق و صالات قمار بالعربي ما تصلح للعوائل
و هي قريبه من كوالالمبور تقريبا 75 كم. و جوه رائع براد يحبه قلبك
اما الكميرون زي ما قالو الاخوان تبعد بالسيارة اربع ساعات و خطه متعب يعني لازم تأخذ لك يومين فيها يوم للذهاب اليها و يوم تتمشى فيها طول النهار و الثالث تعود
و ان شاء الله افدتك