اول شى تبى تشتغل اشتر اى شى يخص الحريم من ماليزيا مثل شناط ساعات طبها ماركات مزيفه من السوق الصينى
ولمن ترد تبيعها بس على معارفك يعنى عن طريق اهلك الحريم يبيعون ويشترون من بعض يمكن تطلع نص سفرتك من ورا السالفه هذى اسال مجرب طبعا
تبى تسوى مشروع هناك افتح مطعم عربى
بس فى فتره الصيف

اذا تبي تجاره عندك الصين احسن من ماليزيا لانه اسعارها تقريبا اقل من النص عن ماليزيا وربحها مضمون 90%
انا خصصت راس مال معقول وبغيت اروح الصين اييب بضاعه وعرفت كل صغيره وكبيره عن الصين لكن اجلت الموضوع جم شهر بعد ما ارجع من سفرة السياحه في ماليزيا

أخوي alqreen
تسلم علي النصيحه... بس البضاعه المقلده ... يسكرون لك المحل اذا بعتها عندنا
أخوي بوعيال
ممكن تفيدني بخبرتك ومعلوماتك....؟ انا فاتح محل ملابس جاهزه و كماليات ..يعني عطور و ميك آب و الذي منه.. بس البظاعه اجيبها من دبي ... والصراحه ما تستاهل تعبها..

بوعيال
يعطيك العافية اخوي بو عيال على هالنصيحة القيمة
ممكن يالغالي تفيدنا مما عرفت عن الصين بخصوص التجارة وين ممكن تروح لهذا الغرض وماهي الاشياء اللي تتوقع لها مردود في الخليج وكل ما تتكرم علينا به مما عرفت عن الصين لاني فعلاً افكر بنفس الموضوع
تحياتي لك وللجميع

السلام عليكم
اخوي اذا تجارتك ملابس قطاعي عليك بتركيا افضلك
الصين الاسعار جدا حلوه بس العيب يجبرونك بكميات الكبيره

1. اخواني الاعضاء Ibn_Muscat و Romantic الكرام

اخواني الاعضاء Ibn_Muscat و Romantic الكرام

بالنسبه لموضوع الصين والتجاره فيها شرحها يطول ويبيله قعده بس انا راح اختصر لكم الموضوع على قد ما اقدر
اولا هناك انواع من البضائع في ردئ ومتوسط واهي اللي يجيبونه لنا التجار في الخليج واهم معذورين لانه الناس ما تدور الا الرخيص بغض النظر عن الجوده، وفي الممتاز اللي ما ينوجد عندنا الا نادر وسعره مكلف بالصين لكن جودته احسن من الياباني، طبعا اتكلم عن جميع انواع البضائع من البسه واكسسوارات وقطع غيار الكمبيوتر ولعب الاطفال وغيرها، والمصانع هناك في حكوميه وخاصه ... الحكوميه اهي اللي تصنع البضائع الرديئه لاسباب كثيره والخاصه على العكس.
انا جلست مع اشخاص كثيرين رايحين هناك ويتاجرون على خط الصين وبعضهم عندهم مكاتب هناك وعطوني كل ما يلزم للسفر الى منطقة جوانزو اللي فيها المعارض،، كروت مصانع ومحلات وفنادق واسواق تبيع الجديد واسواق تبيع المستعمل ومكاتب الشحن وعطوني جميع التفاصيل وكيفية التعامل مع اصحاب المحلات لانه في شي يمكن القليل يعرفه اللي هو انه الغش متفشي هناك بشكل مو طبيعي يعني لازم تحرص على كل قطعه تشتريها وتجربها حتى لو انت طالب كميات كبيره بالاف القطع واسعار المحلات هناك جمله ومفرق والجمله ارخص طبعا.
والبضاعه ما تطلع من الصين الا بكونتينر كامل اقل ما يصير حتى لو اخذت كميه اقل من الكونتينر تدفع فلوس شحنه كامله يعني تعبيه على الاخر افضل لك وعندي اسعار الكونتينرات كامله 20 قدم 40 قدم الى اخره طبعا الى الكويت اما غيرها ما ادري عن اسعارهم.
بالنسبه للاسعار مثل ما انتوا عارفين انها ارخص بنسبة 20% تقريبا من الخليج هذا اذا مو اقل يعني ارباحها اضعاف واذا فكرت انك تجيب بضاعه سعرها يفرق ضعف واحد انت خسران لانه وراك مصاريف شحن وجمرك ونقل وغيرها.
انا انصح بتجارة الاثاث للي يقدر عليها لانه ربحها مو اقل من 10 اضعاف والجمارك ما يسوون لك مشكله لانه الاجهزه مثلا او المواد الغذائيه تلقى له وكيل في البلد ومن تطلبها وتوصل البلد الجمارك يسوون لك مشكله انت في غنى عنها الا اذا سمح لك الوكيل بالاتجار فيها وهذا الموضوع انساه الى الابد.
بعض الامثله على الاسعار اللي موجوده هناك:
لاب توب مستعمل 15 دينار كويتي تقريبا 170 ريال سعودي
ماوس كمبيوتر جديد يباع بالكويت 1.250 د.ك يباع هناك 150 فلس كويتي
انواع مشكله وماركات عالميه من فلاش ميموري سعة 1 قيقا جديد للكمبيوتر يباع هناك 5 دنانير كويتي وتقريبا 70 ريال سعودي
في ماركات عالميه تقليد درجه اولى رخيصه جدا ارخص من بانكوك بكثير لكن تصديرها صعب وبيعها اصعب
بالنسبه للسكن في فندق مستواه خمس نجوم بالنسبه لفنادقنا بالخليج تاخذ سويت غرفه وصاله وانترنت وجميع الخدمات بسعر 5 دنانير كويتي بالليله فقط لا غير ومستواه عندهم 3 نجوم.
والمعيشه والتكسي والمترجم وغيرها لا تشيل هم حياه بلاش ارخص من التراب لكن لا تفسق كاسرهم عشان لا يطمعون.
لا تتعامل مع العرب هناك طبعا السبب معروف واللي يقول لك انه الحياه صعبه هناك ويبيلك مترجم وما يفهمون انجليزي وراح تتوهق معاهم هذا ما يعرف شي وحط في بالك انه سواق التكسي والمحلات وغيرهم من الناس اللي راح تتعامل معاهم يعرفون كل شي ، ولا تحاتي.
ارد واقول حق كل واحد يروح احرص من الغش مع كل واحد تتعامل معاه لانهم كفار ما يحكمهم لا دين ولا مذهب تحكمهم الفلوس بس.
واسف اني طولت عليكم مع العلم اللي قلته جزء بسيط من اللي عرفته.
واللي يبي معلومات اكثر في شي معين يسال وانا اجاوبه على حد معرفتي.
والسلام............

أخوي بوعيال
ما شاء الله عليك كفيت ووفيت.. معلومات حلوه بارك الله فيك.. أكيد في اشياء كثيره بعد نعرفها منك.. لكن خليها لوقتها أحسن..يعني يوم نشوف الفرصه مناسبه... وبعدين اخوي بوعيال انت تكلمت عن تجارة الأثاث وعن ربحيتها..ممكن توضح لو تكرمت. و لك جزيل الشكر وللكويت الحلوه وأهلها الطيبين
أخوي / أختي فليفله
شكرا علي النصيحه... ممكن نعرف معلومات زياده عن الملابس في تركيا؟ و من وين بالضبط؟ و لكم ألف عافيه

الاخ Ibn_Muscat
حاضر وانا بالخدمه للطيبين ، الاثاث في الصين في اشكال لها العجب لازم تروح بنفسك وتختار الاشكال اللي تناسب ذوق المجتمع اللى انت عايش فيه وكما اسلفت الاسعار رخيصه جدا ومشكلتها تخزينها ونقلها مكلف نوعا ما في الخليج
لكن ربحها اضعاف.
وفي تجاره ثانيه انصح فيها اللى هي التحف وهذا يرجع على مدى اهتمام المجتمع بالتحف.
اما التجاره من تركيا مثل ما قالت او قال فليفله جيده نوعا ما وانا رحت تركيا وشفت الاسعار لكن ما توصل مستوى رخص الاسعار في الصين وفي بالصين تجار اتراك ومندوبين عن تجار يستوردون من الصين الى تركيا.
مع تمنياتي لكم بالتوفيق في تجارتكم ان شاء الله.

اخواني السلام عليكم
بانسبة لتجارة الملابس في تركيا تحصلها في سوق الجملة عصام بيك
وافضل وقت لشراء قبل موسم الشتاء باسابيع لانهم يصرفون الملابس
الصيفيه بنصف سعرها عن وقت الصيف وهذا الشي انا مجربة لما كنت
اشتغل في الملابس قبل لا اغير نشاطي ،اما الصين فتنفعلك اذا كنت تاجر
جمله في الملابس لانة يجبرونك بسحب500 قطعة من الموديل الواحد ولون الواحد
هذي اقل كميه يوافقون عليها اذا عملت طلبيه، اما السواق الجمله فمقاستهم
تختلف عن مقساتنا بكثير .
وشكرا