أهلآ أختي الكريمة ...
أغلب الفنادق بل ( كلها ) عندهم خدمة الأستقبال من المطار ...
لكن أسعارهم ( غالية وعالية ) ... ويصل للضعف أحيانا ...
أنصحكم تأخذون تاكسي من مكاتب المطار ... وتوفرون نصف المبلغ
وافي بزمن جافي

ااها ثاري الشغله بفلوس وانا على نيتي احسبهم بيوصلونا لله ..لا وشلت هم التاكسي المسكين لايقعد ينتظرنا وحنا ماندري عنه..قلت أسألكم احسن
الله يخلي تاكسي المطار بس ..
وشكررا لك على التوضيح

مافي شيء بلاش أختي الكريمة ...
التوصيل بفلوس ... وبمبلغ يهز الميزانية أحيانآ
وافي بزمن جافي

في لنكاوي فندق ويستن ياخذك ويوصلك مجانا للمطار...
ماعداه حك جيبك ...
ماشاء الله عليك شكلك ناوية على رحلة اقتصادية
بالتوفيق

وشفيك تقولها كذا وشفيها يعني اذا ناويه على اقتصاديه ؟ بعدين مش اقتصاديه مره..يعني مابين وبين..ا انا عارفه ظروف زوجي ويحق لي اراعيه.. خصوصا تونا مأثثين من افخم محلات الاثاث ولله الحمد وكلفنا مبلغ كبير التأثيث... والحمدلله اللي قدرنا نوفر مبلغ للسفر وتغيير الجو..
وشكرا على المرور..

أختي الكريمة ( مشاعر طفل )
أسأل الله أن يوفقكم لكل خير في الدنيا والآخرة ...
بصراحة ( خليلها ) مايقصد إلا الخير ... وكلمة أقتصادية مافيها شيء ...
أنا دائمآ ماأرشح إلا الفنادق الأقتصادية ... وماأسكن إلا في الفنادق الأقتصادية ...
الحمد لله لو ( همنا ) المال ... ماسافرنا وأنبسطنا ... لكن نبغى الأسعار المعقولة والممتازة ...
أسأل الله أن يوفق الجميع ... وأن يجمعنا دومآ على دروب الخير والمحبة ...
وافي بزمن جافي

مشاعر طفل
ربي يوفقكم يا أختي
وعقبال البيت الكبير بإذن الله
حبيبنا خليلها ... ما قصده إلا كل خير ...
وكلامه من باب المداعبة لا أكثر ...
وأبو هلا وضح لك المقصود ...
بس شكلك أخذتي الموضوع بحساسية شوي
محدثك يا أختي ...
في أحد سفراتي ....
كلفتني ... من الباب إلى الباب ... 12 ألف ريال ... لمدّة 14 ليلة ...
ومرّة ... طقت ال 30
والحمد لله على كل حال ...
وربي يرزقكم من واسع فضله ...
بالتوفيق

معليش انا فهمت غلط حسبت يتمهزا فيني
وافي + ماجد .. شكرا على التوضيح
وسوري خليلها..
والله يوفق الجميع،،

مشاعر طفل
أولا أود أشكر خبيرنا المحترم وافي بزمن جافي ومشرفنا القدير ماجد الفهد على تفسيرهم الموقف وفهمهم الأمور ببساطة..
أختنا الكريمة مشاعر طفل..
قبل كل شي أخوك في الله (خليلها) يعشق الرحلات الإقتصادية ... لا لشيء والحمد لله الأمور متيسرة والمال موجود ولكنني دائما ما أحاول أن أستمتع بوقتي بأقل التكاليف مو عشان شي... عشان أوفر باقي المبلغ لسفرة ثانية
وبما إنكم عرسان فأقول لكم مقدما ألف مليون مبروك... وبارك الله لكما وبارك عليكما وجمع بينكما في خير...
وبالعكس أنا أنبسط لما أعرف إنه فيه زوجة تراعي ظروف زوجها في كل حين وحتى في بداية أيام حياتهم..
وبالعموم الله يبارك لكم في مالكم ومنزلكم وحياتكم وسفرتكم...
وإن شاء الله تستمتعون بكل ثانية في رحلتكم القادمة..
فأرجو أن تعذريني أختي الكريمة لعدم توضيحي الجملة المذكورة ... وأكرر أسفي وإعتذاري فلعلها تجد جوابها بداخل قلبك الكبير...