أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
اهلين اخوي .. ولا تزعل .. ترى لسا ما حمي الوطيس عند المسافرين , والظاهر انه قرب يحمى .. اما انا يا حسرة السنة هذه صحراوي .. ابن بلد من جد .. اخذنا نصيبنا من ماليزيا العاام .. واشوف يدي تحكني على السنة هذه .. لكن تعرف وانا اخوك ودنا نطول القعدة شوي عشان السفرة الجاية تحلو اكثر . عموما .. بالنسبة لسؤالك .. ما راح اجاوبك .. والا اقول تعال لا تزعل انا باعلمك وخذ العلم الاكيد ولا تسأل غيري .. تدري ليش ؟؟ لأني أناني ما احب كلمتي تنكسر .. خذ العلم يعني خذ العلم . شوف حبيبي .. الكاميرون هاي لاند تقع في المنتصف بين كوالالمبور وبينانق .. وهي اقرب لكوالالمبور .. يعني المسافه من كوالالمبور للكاميرون تقريبا 180 كيلو .. ومن بينانق للكاميرون تقريبا 200 كيلو اما بخصوص انك تزورها يوم وترجع في نفس اليوم فهذه الفكرة شلها من راسك وانا اخوك .. ترى الكاميرون عبارة عن سلسلة من المرتفعات .. يعني عشان تطلع يبغى لك اقل شيئ نصف ساعة .. هذا اذا كان بالسيارة .. اما بالباص فساعة واحدة لازم تاخذها . خلني اوضح لك اكثر .. وانت مسافر من كوالالمبور عبر الخط السريع .. تلاقي لفه على يمينك تدخل منها وشوي يجيك مرتفعات كأنك في عقبة الطائف .. بس يختلف ان عقبة الطائف صغيرة وكلها قروود .. اما الكاميرون فمرتفعاتها كبيرة وكلها خضرة .. والنظر في الخط بحد ذاته متعه . اما بخصوص المبيت فيها فهو امر ضروري .. وصدقني اخوي لازم تجلس في الكاميرون يومين لا تزيد ولا تنقص .. يوم واحد تعب عليكم .. واكثر من يومين بتملون . اما بخصوص الفنادق .. فيوجد في الكاميرون فنادق وتقدر تحجز للفندق الذي تريده عن طريق المكاتب السياحية من بلدك . ولكني انصحك وخذ العلم وانا اخوك ولا تستشير .. لا تسكن في فندق اكواتريال . ترى هذا الفندق الله يكرمك ويكرم الجميع معفن وزباله ( ولا يضحكون عليك ويقولون اربع نجوم ) ترى والله انا سكنت فيه واقسم بالله انه ما يستاهل حتى نجمة واحده .. واذا سألت الاخوان ابيدلونك على الفنادق الجميلة في الكاميرون .. اما انا فياخوك من كرهي في فندق اكواتريال نست اسأل عن افضل الفنادق في الكاميرون .. لكني شفت فندق موقعه قريب من الاكواتريال وشكله فخم بس ما اعرف اسمه . ( وانا اسمح لك انك تسأل عن الفندق ) بس الفندق لا تسأل عن غيره ترى ازعل . اما بخصوص الكاميرون .. فهي جنة .. خيال .. ابداع .. مزارع الشاي .. مزارع النحل .. مزارع الفراولة . اقول .. خلني اروح اشوف مناظر من بلادي في التلفزيون ابرك لي .. اه يا ماليزيا تحياتي .. ولا تزعل مني اخوك الماهري
افضل شي من واقع تجربة انك تروح لها وبعدين تروح لجنتج لانها اقرب لها من كوالامبور ثم ترجع لكولامبور فندق اكويرتال تم تجديده بالكامل واصبح الان يستحق ان يكون 5 نجوم
طرق الوصول
بالامكان الوصول لمرتفعات الكاميرون بواسطة التاكسي أو الباص ..
بواسطة التاكسي :
تبلغ قيمة التاكسي تقريبا في حدود 350 رنجيت من المطار .. أما من وسط البلد فحوالي 300 رنجيت ..
بواسطة الباص :
سعر التذكرة :
العادي تقريبا 18 رنجيت للشخص للإتجاه الواحد - الأطفال 8 رنجيت ..
تنطلق رحلات الباص الى الكاميرون من محطة بودورايا(pudaraya bus station)
اما بالنسبة للفنادق
انا انصحك بعدم السكن في فندق اكواتريال لان قديم وانا ما اسكنت فية
انا سكنت في فندق اسمة سنتري باينز وهذا موقع الفندقhttp://www.cameronhighlands.com/century_pines_resort
ويوجد فندق وهواحدث فندق في الكاميرون اسمة كاميرون هاي لاند cameron highlands resort
جديد جدا وهذا موقع الفندق http://www.cameronhighlandsresort.com
السلام عليكم ...........
الكاميرون روعة والجو فيها خيال ولكن نصيحة لا تسكن في اكواتوريال ، سيئ بكل معنى الكلمة والريحة فيه شي مو طبيعي وانا ما ادري كيف صنف على انه اربعة نجوم هذا نجمتين وكثيرة عليه ومن وجهة نظري الكاميرون حقها يومين لا اكثر ولا اقل وشكرا .
شكلها حلوة وماتبونا نروح لها ...