اليوم راح اتكلم عن زيارتي لمطعم فينيسيا الرائع ...
Venezia Restaurant
موقعه ... بشارع دونق فنق سي لو ...(Dong Feng Xi Road )
مقابل مطاعم الباشا ...
كان عندي كرت المطعم بس ضيعته للاسف ...ان مريت عليهم جبت لكم اياه ان شاء الله ..
.
.
المطعم مفتوح 24 ساعه ..ويقدم البوفيه المفتوح من الساعه 6 مساء ...
قيمة البوفيه...
8ايوان للشخص الواحد شامل الشروبات ( ماء + عصير برتقال ) ...
( هالسعر قبل معرض كانتون) ماادري اذا غيرو سعره بهالفتره !!
.
.
ايضا يقدم المطعم المشاوي البرازيليه ..بس للاسف وقت زيارتي له( قبل المعرض) ماكانت موجوده ..
والحيين مثل ماسمعت انها متوفره ...
.
.
مااطول عليكم ...
هذي صورة المطعم من الخارج ..
مثل ماتلاحظون موقعه داخل عماره .. بالدور الثاني ..
اول ماراح يستقبلكم هالجندول ..وهو اهم معالم فينسيا ..
وصلنا المطعم ..
اول ماتدخلون راح تشوفون البوفيه على يمينكم ...
وهذي بوجههكم ...
بصراحه المطعم كان مزدحم عالاخر ..واستحيت اصور ..
فطلبت من الويتر انه ياخذلي كم صوره للمطعم ...عشان أنزلها لكم بالمنتدى ..
وهذي الصور من الداخل ..
بصراحه لهم موقف معاي ماراح انساه ...يوم شافوني متنقبه والمطعم مزدحم ..
دخلوني بقسم ثاني تابع للمطعم ..كان فاضي ..وافتحووه عشاني ...الله يجزاهم خير ..
وكان رائع بالفعل احلى من القسم الاول ...شوفو ...
اخترنا هالطاوله ...
بعدها توجهنا للبوفيه ...وكان متنوع للغايه ..سلطات ومقبلات ..رز ومكرونه ..لحم ودجاج وسمك ..
هنا الويتر صورلي جزء من البوفيه ...صورته منعكسه بالمرايا ..
من داخل فيه تكملة للبوفيه ماصورها ,,,
هنا قسم المقبلات والحلى ..صورها من ورى ..مرره مبدع
وهذي اطباقنا ...نبدأ بالسلطات والمقبلات ..
هنا الشغل الثقيل
اكثر ماعجبني هاللزانيا الي عاليميين كانت بالربيان فضيعه انصحكم فيها ..
.
بعد عندهم شاورما ...كانت باللحم ..مااعجبتني ابد ( الله يكرم النعمه )
هالمشروبات قدموها لنا مجانا ...
وطبعا بعد هالعشوه مانسينا التحليه ...
عندهم لقيمات ...ذكروني برمضان ..
.
.
اللهم دمها نعمه وأحفظها من الزوال ...
.
.
بعدها طلعنا وشفت هالفندق قبال هالمطعم ..وصورته قلت يمكن احد يستفيد منه ..
هذا اسم الفندق عن قرب ..
انطباعي عن المطعم ..بصراحه جدا ممتاز من جميع النواحي ...
الفخامه+جودة الاكل+الخدمه الممتازه+السعر الجيد ...
انصح الكل بزيارته ...ولا تنسوون تدعون لي ...
تحياتي للجميع ..
.
.