- نقطه الانطلاق الرياض
- نقطه الوصول : المنطقه الشرقيه ( الدمام + الخبر )
السلام عليكم ورحمه الله وبركاته
صباحكم / مسائكم خير
مدري من وين ابدأ صراحه لأني أكتب وأنا متضايق من اللي صار لي في زيارة كنت اتمنى من أن تكون على أقل تقدير ممتعه
مده الرحله المقرر : 6 أيام
عدد الأشخاص : 6 + 2 أطفال
نقطه الانطلاق الرياض
نقطه الوصول : المنطقه الشرقيه ( الدمام + الخبر )
قررت الذهاب إلى المنطقه الشرقيه لقضاء إجازة العيد بتاريخ 26 رمضان رتبت نفسي وسويت كل شي لان الرحله راح تكون يوم الخميس ال 30 رمضان ما عدا حجز السكن والسبب راح اذكره في الموضوع هي المره الاولى اللي أمشي من البيت وانا متطمن من وضعي في المكان المقصود , دخلت منتداكم الجميل لأني من متابعيه فقط للقراءه وهذي أول مشاركاتي وأخذت أسماء وعنواين وأماكن واخر يوم تصفحت فيه الموقع كان موضوع عن منتجع بودل الجديد حطيته في بالي وتوكلت على الله وصلت الخبر الساعه 10 في الليل ومريت على رمادا اللي جنب البنك العربي ولقيت عندهم وحجزت مبدئ قلت تكون خط رجعه وليتني قررت نهائي بس قلت ليش ما أمر بودل اللي قريت عنه يمكن أغير رأيي مشيت واتصلت على رقمهم ووصف لي الموقع قال انت جاي من ناحيه البحر تجيك اشاره المطاعم خذها يمين 4 اشارات تلقانا على يسارك عند الاشاره الرابعه رحت وشفت الوضع وصراحه طلعني لشقه تتكون من 2 + صاله والله يكرمكم 2 دوره مياه وحده خاصه بالغرفه بغرفه النوم الرئيسيه والثانيه تفتح على الصاله اعجبني نظافة الشقه والهدوء طبعا طلبت منه غرفه زياده منفصله عن الشقه هذي وقال فيه غرفه + صاله اعجبتني الفكره قلت اوكي وقبل يسجل البيانات قال فيه عرض أحلى وبيكون السعر أقل اللي هو 3 غرف نوم وحده رئيسيه بدوره مياه وغرفتين وصاله ومطبخ ودورة مياه فقررت اخذ هذي وانا ما شفتها كان السعر 880 ليله العيد وباقي ايام العيد الى حسب ما قالي 15 شوال راح يتغير السعر حجزت 6 أيام وعطيته المبلغ كاش نزلت نزلنا ودخلنا للشقه وصراحه مثل ما قلت بودل في النظافه يحتلون مراكز متقدمه نزلنا أغراضنا وكان الوضع من أبدع ما يكون سيارتنا في داخل السكن الغرف نظيفه الصاله وسيعه ومريحه استغربت من اخوي يقول لي ان الشباك لاحد غرف النوم ما يتقفل وهو مطل على الخارج اتصلت على الاستقبال وكان سرعه استجابه وهنا كلمه حق لازم اقولها جاء الهندي وهز راسه وقال لي بالحرف الواحد هذا كويس اليوم العصر انت او نفر ثاني كسر انا كنت اظنه يمزح قلت طيب اوكي متى راح تصلح قال كلم استقبال عشان كلام صيانه عشان تصليح وانت ادفع غرامه اتصلت على الاستقبال وقلت له قال ولايهمك الحين يجيك واحد ثاني وجاني واحد ثاني حسبته يبي يصلحها قال يلا شيلوا كل شي اغراضكم ننقلكم شقه جديده والمنتجع يعتذر لكم صراحه استحيت لاني كنت مكلم الاستقبال وانا معصب دخلنا الشقه الجديده ولقينا مو بس شباك واحد كل الشبابيك ما تتقفل اتصلت عليه قال بكره الصباح الساعه 9 كلها تتصلح سافرت وهي على حالها . هذي اول مشاكلهم المشكله الثانيه الله يكرمكم دوره المياه اللي مسدوده كلش يعني اذا احد سبح او استخدم الحمام يصير كانه بركه ويبدا يطلع على الصاله اتصلت عليهم وما قصروا صلحوها اخر يوم وانا مسافر للي بعدي من كثر ما ازعجتهم . سالته سؤال صريح قبل اسكن انتو تاجرون عزاب رفض وقال حشى وكلا واي عازب تلقاه لا تبلغني بلغ الاداره قلت والله واثق من كلامه يوم الاحد في الليل الساعه 1 كان المسبح مزحوم عن اخره وكل اللي في المويه اعمارهم ما بين 6 الى 12 سنه بنات واولاد وكان فيه 5 عوائل رجال وزوجته قاعدين على طرف المسبح وانا كنت منهم مع الوالده والاطفال في المسبح استغربت بدخول 5 شباب + طفلتين وحده عمرها 8 سنوات والاخرى 5 الى 6 سنوات راحوا وسحبوا الكراسي بطريقه مزعجه وكلهم جايين يتفرجون ما عدا الطفله الثانيه تسبح كل الشباب ماسكين جوالتهم في ايديهم وضحك وملابس استحي البسها وانا في سريري للنوم وهم طالعين فيها واستعراض بشعر طويل والادهي والامر انا توقعتهم مسوين حفل شواء من كثر الدخان اللي كان فوقهم شراهه في التدخين غير طبيعيه واحد من الاشخاص قام وزوجته واخذوا بنتهم عمرها 11 سنه واظن كأن أحد ضايقها من الشباب الجالسين ومشيوا داخل في الكوفي شوب انا كنت مراقب الرجال لاني استغربت من طريقه مغادرته شوي جاء السيكيورتي الله يجزاه غير تمنيت اني اخذت اسمه عشان لمن اتصل على اداره بودل اقولهم ان الشخص المناسب في المكان المناسب جاهم وكلمهم وقاموا كلهم الا واحد منهم ارتفع صوته يقول انا جاي مع اختي تبغاني اروح واخليها هنا انت ما تستحي هذا اللي سمعناه انصرف السيكيورتي من عنده وخلاه هو والبنت اللي قاعده معاه والبنت اللي تسبح والباقين دخلوا العماره شوي راح السيكيورتي رجعوا كلهم ورجع السيكروتي وطلعهم ثاني انا بعد ما طلعوا اخواني اخذتهم ورحنا للشقه على امل ينتهي مسلسل توم وجيري على خير لاني خفت على السيكيورتي من الهمج الي كان يتعامل معهم . اخر مشكله كانت في مواقف الشيارات ليله العيد ويوم العيد ما كنا نواجه اي مشكله ندخل سيارتنا في اي وقت نجي بقيه الايام نوقفها على الشارع او امام الاستقبال . وفيه حاجه بس ما الومهم عليها وهي تغير التعامل من يوم الى يوم اخر .
ايجابيات :1- رجعت الى الرياض بعد قضاء 4 ليالي في منطقه من احلى واجمل وارقى مناطق المملكه .
2- مشاهده احتفاليه اهالي مدينه الدمام والالعاب الناريه رغم ان مروري من هناك كان بالصدفه لاني كنت متوجه لمطعم كوبر شندي .
3- الامن والامان في كل مكان واعجبني التواجد الامني في كل مكان يستدعي ذلك .
سلبيات :1- زحمه يا دنيا زحمه .
2- عرفت اني لو كان عددنا 20 لازم ما اطلع من فندق وليتني ما طلعت من رمادا .
3- لا تغتر بالاسم وتنسى المضمون .
تحياتي لكم اعذروني على الاسلوب في كتابة الموضوع
لاتخلو اي رحلة من السلبيات والايجابيات...والاول يفيدنا كثير لنتعلم منه للمرات الجاية..
المصداقية احيانا تكون مفقودة في العروض المطروحة..خصوصا مايعرض في النت..ولاننكر ان هناك فائدة تذكر تفيد الجميع مستقبلا..
يعتقد الكثير اذا جاء سائحا يضرب بالاخلاقيات عرض الحائط خصوصا في وطنه وان اختلفت المدن..بينما تجده يتقيد بالقوانين في بلاد اخرى..والناس اجناس..ومن وجهة نظري اذا لم يعجبني اي تصرف لا امانع في تبليغ الادارة او الأمن..حفاظا على خصوصية المكان واخلاقياتنا الاجتماعية..
والحمد لله اهم شي الانبساط واللمه مع الاهل والاقارب..اما الزحمة..حتى نحن يا اهل البلد في غير المواسم نعاني منها..
وفقك الله اخي الفاضل...