الأخوة الكرام في العرب المسافرون .. أسعدتم أوقاتا ..
هذه مشاركتي الأولى فعليا .. و التي اتمنى ان تحوز على رضاكم ..
قبل مدة بسيطة تم افتتاح قهوة ( أوتاكوشي ) في مدينة الخبر .. في مجمع آل الشيخ المقابل لمركز لكزس ..
عرفت عن هذه القهوة عن طريق اخي الاصغر .. و لأنه يعرف مدى حبي و عشقي و ولعي بالكوكيز :36_3_3: نصحني بهذه القهوة ..
و لأني من عشاق كوكيز ( فدركرز ) و ( تشيليز ) و حتى ( أمريكانا ) أبو عشر حبات بريال .. قررت زيارة هذه القهوة من باب التغيير ..
في المرة الأولى .. زرت القهوة لوحدي من باب الإطلاع .. و دخلت إلى قسم العزاب .. و شفت عدد لا باس به من ( دوافير جامعة البترول )
و من العاملين .. كان هناك احد الشباب السعوديين و عامل فلبيني .. لما طلبت منه المنيو .. قال ما عندنا منيو .. كل منتوجاتنا تجدها معلقه هنا امامك ..
القائمة عادية تقريبا لكن لفت نظري ( موكا لاتيه بالتوت ) قلت الفكرة غريبة خلني اجربه .. الحقيقة كانت نكهته غريبة .. و لذيذة نوعا ما .. و استمعت فيها .. أما الكوكيز فكان شيء لا يوصف .. و من جد غطى على كل المطاعم و القهاوي اللي تقدم هذا البسكوت العجيب :36_1_11:
أما الزيارة الثانية و اللي راح تكون محور موضوعنا .. فهذه الصور تحكي أحداثها ..
1 مجمع آل الشيخ يبدو من بعيد .. و الذي تقع فيه قهوة اوتاكوشي ..
2 هنا يبدو مدخل القهوة .. العزاب من الباب الأيمن .. و العوائل من الباب الأيسر ..
3 ساعات العمل الرسمية للقهوة ..
4 اتجهنا إلى مدخل العوائل .. و فيه ملاحظتين .. فيها من الطرافة الغرابة الشيء الكثير .. أول شي يقولك ( إنتبه أنت على وشك دخول بيئة خالية من الدخان .. الهواء الذي ستستنشقة سيكون أنقى من المعتاد )
بصراحة ما فهمت قصدهم .. بس جايز يكونون حاطين اسطوانات اوكسجين أو منقيات هواء لجو اكثر نقاوة .. انا سمعت عن افتتاح قهاوي اوكسجين في الصين و الظاهر ان الفكرة وصلت عندنا .. ليش لا ..
الملاحظة الثانية .. ابتسمت يوم قريتها .. يقول ( لو سمحتوا .. لا تجيبون أكل من بره و تحرجوننا )
5 طاولات الجلوس .. شكلها غريب .. و تشاهدون على الطاولة الزرقاء زي الاكواب و فيها معجون ( صلصال ) في هاللحظة بالذات تذكرت ايام الروضة و التمهيدي و أبله بثينة في رياض الإيمان :282:
أيضا هناك الكتب المتنوعة ( تشوفونها بالزاوية اليمنى ) .. طبية و ثقافية و اجتماعية و حتى دينية .. ( و هذي فكرة جديدة و تطبق لأول مرة على مستوى المقاهي عندنا في المملكة حسب علمي ) .. فضلا عن الجرائد اليومية ..
6 بالجهة المقابلة لنا كان فيه كنب و كراسي صغيرة .. و خلفها سبورة .. مكتوب عليها حكم بالعربي و الانقليزي و بعض الاحاديث الشريفه .. و نكت .. شي غريب صح ؟
7 و هذا كان طلبنا .. قطعتين من الكوكيز .. :36_3_3: .. و عصير مانجو سبيشل ( طعمة غريب .. كانه منجا و حليب لكن نكهته مميزة .. و عصير كوكتيل كان اسمه ( ديوزا ) اذا ماني واهم .. بصراحة ما اعجبني كثير ..
في النهاية كانت الفاتورة 41 ريال ..
سامحوني على رداءة الصور لأنها كانت من كاميرا جوال ..
و انا بانتظار تعليقاتكم و استفساراتكم ..