بسم الله الرحمن الرحيم كل عام والجميع بخير
مثل ماأنا ذاكر بالعنوان هي زيارة كانت لعدة ايام وكان القصد من هالزيارة تغيير الجو
المرافقين زوجتي ام سلطان
ابنائي سلطان ويارا وديالا
التخطيط للرحلة : قبل الرحلة بيومين فقط جا في بالي ان اروح زيارة للاردن
ولم تكن هي لزيارة الاولى بل سبقها عدة سفرات تقريباً بالسنه من زيارة الى ثلاث زيارات
المدة بالبداية بما ان الرحلة كانت عن طريق البر فجعلتها مفتوحة متى ماجاء على البال الرجوع كان متاح في اي وقت ( وهذي ميزة الرحله لماتكون في سيارتك ولدولة مجاورة )
خط السير المدينة المنورة ( طريق العلا المختصر ) تبوك
وفي تقريري هذا راح اتبع اسلوب القصه القصيرة ومن غير تكلف
وقت الانطلاق كان تقريباً الساعة الثالثة صباحاً

الطريق يمكن اللي راح اتكلم عنه معروف للكثير ولكن حبيت اذكر تجربتي ليستفيد منها الكثير
وهو عند الخروج من المدينة الى طريق تبوك بإتجاه الشمال راح تمر في تقاطع غربي ( المليليح العين ) هذا هو الطريق المختصر للمتجه الى تبوك
من المعلوم ان المسافه من المدينة المنورة الى تبوك 700كم تقريباً
بينما مع هذا الطريق تكون المسافة 550كم تقريباً
السؤال
هل يستحق هذا الفرق سلوك هذا الطريق ؟
راح احاول اجيب على هذا السؤال بذكر الايجابيات والسلبيات لهذا الطريق
الايجابيات
هي اول شي اختصار المسافة
ثانياً من يحب الكشتات والتاريخ فأعتقد الطريق راح تمر من خلاله على سكة قطار الحجاز القديمه على طول الطريق
نجي للسلبيات
كثرة الابل ( الجمال ) السائبة والتي تسبب حوادث بإستمرار على هذا الطريق
خاصه من المدينة الى العلا
ضيق الطريق من العلا الى تبوك وكثرة المنعطفات التي للاسف لايوجد حتى تنبه بوجود منعطف خطير
عدم وجود خدمات تذكر على طريق العلا تبوك الا عند مرورك بقريتين فقط
اعتقد وضحت الإجابة على السؤال اللي طرحته بالبداية
نصيحتي
لاتتجاوز سرعة 100كيلومتر في هذا الطريق
نرجع الى تقريرنا
انا ذكرت ان كان الانطلاق الساعة ثلاث فجراً
وصلنا العلا ( مدائن صالح )

الجو كان جميل
لانه يميز هذه المدينة كثرة المزارع فيها والتي تلطف اجوائها خاصة بالصيف
بعد دخولك للعلا لوحات ارشاده هي التي تستدل فيها اذا اردت مواصلة الطريق الى تبوك ومنها للاردن
وهو طريق ( مدائن صالح ) فقط عليك ان تتبع هذه اللوحة الى ان تجد لوحة طريق تبوك
حاول اذا مررت هذا الطريق بتعبئة وقود السياره من داخل العلا لانك يمكن ماراح تلقى محطات في الطريق
انا انشغلت ولاتذكر الا بعد ماخرجت من العلا بس اعرف ان فيه محطة بهذا الطريق ( وكان المقصود مو تعبئة البنزين ) لان يبي لنا لوازم الطريق ماء واكل خاصه اذا معك اطفال
بس كنت اقول شكلها بتكون مقفله ويوم وصلنا ولله الحمد كانت فاتحه

واصلنا طريقنا الى ان وصلنا تقاطع العلا تبوك واللي للاسف غير موضح بصورة جيدة
وهذا بداية الطريق

وضيق الطريق ماخذ جووه

ومع ضيق الطريق تشوف الرمال في الطريق
خاصه هذي المنطقه اللي بصورة

وذكرت سابقاً كثرة المزارع في الطريق

وكمان الابل

والسرعه في هذا الطريق تهور بحد عينه

عاد انا مانيش متهور

والله غصب عني
وصلنا تبوك

وعلى طول طريق عمان
وصلنا الحدود وكانت شبه فاضيه مافيه زحمة
ماطولنا في الايجراءات
ودخلنا الاردن والطريق ذكرني بالطريق اللي فوق

الحمد لله بوادر الوصول هلت

الحمدلله وصلنا
بعد جهد

نسيت اقولكم عن الحجز للسكن
انا بالعادة بدون حجز لما اوصل فيه كم شقه سبق سكنت فيها امرها اول شي واذا لقيت فيها سكنت واذا مالقيت اجلس ادور لين القى
بس هالمرة مدري ايش صار معي جاتني فهلوه ( اللي يعرف ايش معناها ياليت يقول لي )
قلت بحجز عن طريق بوكينق
كان طلبي شقه لان الفنادق ماراح تكون مناسبة لعددنا
لقيت كم شقه بس كان طلبي كمان منطقه معينه مثل تلاع العلي
المهم لقيت وحجزت وانا
كان سعرها 70 دينار
حجزتها يوم واحد قلت اذا عجبتني امدد واذا ماعجبتني اطلع وادور غيرها
وصلنا للشقه على الاحداثيات

واترك لكم الصور
الحديقة الخارجيه ( ياولد ايش الشغل هذا )

وانا اقول ايش الابهه هذا يابوكينق مبيضها دايم
(عطهم صور الرسيبشن يالربيش
خلهم يشوفوا شغل بوكنيق )

( انا لدخلت وشفت جريدة على الطاوله اعرف ان الشغل ثقافه )

صراحة تمنيت ان معي زلاجات من شان اتزحلق على الرخام
بسم الله عليه

المهم
سلمنا على الشب اللي بالرسبشن
قلنا له اخبارك
عندنا حجز من بوكينق
شقه
واعطيه الورقه اللي حقة الحجز
والرجال ماقصر رحب فينا
اخذ الورقة وجاب الاله الحاسبة وجلس يطقطق فيها
قلت له مايحتاج طقطقه 70دينار
ههه
وبادلني الابتسامه
وكمل يطقطق
قال كم يوم
قلت اذا تخفض لنا عن 70دينار بناخذلنا كم يوم
قال احسب لك على الليله 95دينار
وانا
كيف
كم
طيب ليش
قال هذا حجزك ب70 دينار
بس فيها ضريبة وو
تطلع 95دينار
( احلا يابوكينق )
بيضتها
عاد انا تعبان ومافي حيل اشيل قشي ( معناها الاغراض )
بس عاد قلت في قلبي لو تموت ماتاخذ 95 دينار
قلت انا باخذ عندكم كم يوم زياده اذا حابين اجلس خفضوا لي السعر
وانا بطلع للشقه ونزلوا الاغراض
ولنا حديث اخر لاني تعبان
ماشفت الشقه قلت بروح ارتاح صار الضهر مدري العصر من التعب بس ابي اتمدد
منظر على المواقف والقزاز مغبر

وصلنا الشقه

وفتحنا الباب

الصاله
فيها تلفزيون بدون صوت ولا لون ومكيف مايشتغل الا بطلوع الروح
الشقه غرفتين طبعاً
هذي غرفه

بدون مكيف ( مروحه معلقه بس ) بزيلامسي جالسين
الغرفه الثانيه فيها مكيف
دورة المياه اعزكم الله ( شي مختلف ماراح تتوقعون )
المطبخ ( تبون الصدق استحيت انزل صورته بالمنتدى )
جلسنا انا وام سلطان والشله اللي معي نتشاور بالامر
نجلس ولا نطلع
( اتفقنا على التالي )
مفاصلتهم لان السعر مايسوى والشقه خايسه
ثانياً نطلع حالاً نروح نتغدا
ثالثاً بكره ان شاء الله مع شقة الضو ( الصبح يعني )
نشيل قشنى ( سبق ترجمتها فوق )ونطلع
بدلنا ملابسنا ويوم جينا نطلع والا جايني اللي بالرسبشن قال نحسب لك اليوم 80دينار بس من بكره
قلت لو تحسب لي 8دنانير ماجلست
طلعنا ندور لنا مكان نتغدا فيها
واكيد مالها الا منسف
وينك ياوصفي التل

وصلنا
https://travel.maktoob.com/vb/attachment.php?attachmentid=2927031&d=1377686787
منسف ياحبايبي ياهل المنسف

بردت حرت هالشقه في الاكل
ولايخلوا الاكل من المشاوي

الله الله على الجبس ، الجح ، البطيخ كل الاسماء تليق عليه
بس شكلي بعده بنام على باب المطعم
بالعافيه على
السؤال
مااسم هذا المطعم ؟
وبعد هالاكل مالها الا رجعه للشقه ونوم
والى هنا نصل الى نهاية تقريرنا لهذا اليوم
والحلقه القادمه راح اخذكم الى
هذا المكان