امبراطور الحب
14-07-2022 - 05:52 pm
السلام عليكم ورحمة الله وبركاته
بصراحه انا خشيت هذا المنتدى وعجبني الترابط بين الاعضاء وحبهم خدمة بعضهم لبعض
علشان كذا انا طالبكم بالفزعه معي بترتيب شهر عسل مميز
وانا زواجي بعد العيد وابي اسافر للنمسا وسويسرا شهر عسل
وانا بصراحه عمري ماسافرت برا واللغه عندي من جنبها
ومدري الحين وش اسوي اروح لمكاتب السياحه واحجز من عندهم
ولو رحت لهم بحجز ابي انا اللي احدد الاماكن والفنادق مابيهم يحجزون لي بااماكن مدري وش وضعها
ابي اهل الخبره يفيدوني بالفنادق والمناطق وخط سير الرحله وابي اماكن تناسب للمعاريس
وبالنسبه للتنقل هل الافضل استاجر سياره او استخدم القطارات والتكاسي
واذا استاجرت سياره كيف اعرف اتنقل بين الاماكن السياحيه والمناطق
والتاشيره كيف وضعها هل فيه مكاتب تخلصها لي ولا لازم انا اللي اخلص اجرائتها
طالبكم تعطوني معلومات كامله وان شاء الله انكم ماتردوني خايب
واي واحد عنده اقتراحات واضافات تكفون يفيدني لاني ماعرف اي شي عن النمسا والاوضاع هناك
وصح نسيت بالنسبه للعبايه والنقاب هناك كيف الوضع فيه مضايقات ولا الوضع عادي
وشاكر لكم
