بسم الله الرحمن الرحيم
اللهم صل على محمد وعلى آله وصحبه أجمعين
ياأله يمكن تئولوا ليش إيمان عاملة موضوعين عن الشام هيك حنيت وأجا عبالي أكتب وانفتحت قريحتي عل الكتابة
دام ترابك ياشام
للأفراح عند النسوة الدمشقيات زغاريدها..وللزغاريد اسم في اللهجة
الشامية هو "الزلاغيط"، ومفردها "زلغوطة"... والزلغوطة ترديد
جماعي بأصوات نسائية مسبوقة بعبارة "أوها" وملحوقة ب "لي لي لي
لي ليش" وهي تقال بأصوات عالية وبنغمة واحدة لا تتغير... ومن
الزلاغيط المعروفة في دمشق:
أوْها بِبيتنا رمّانة أوها حامضة و لفّانة
أوها حَلَفْنا ما نقطعها أوها ليدخل عريسنا بالسلامة
لي لي لي لي ليش
أوها ديارنا كبيرة أوها ودَرَج الحمام فيها
أوها وأم العريس فرحانة أوها إن شاء الله ربي يهنّيها
لي لي لي لي ليش
أوها "فلان" يا واحد أوها "وفلانة" يا اتنين
أوها اللي ما يصلّي عالنبي أوها ليعدم العينتين
لي لي لي لي ليش
أوها عاللّعْلَعي اللّعْلَعي أوها يا صبايا تجمّعي
أوها يا ليل طول طول أوها ويا شمس لا تطلعي
لي لي لي لي ليش
أوها حَصَّنتك بياسين أوها ويا زهر البساتين
أوها يا مصحف صغير أوها على روس السلاطين
لي لي لي لي ليش
أوها شو هالنهار اللايق أوها وفرحتلنا الخلايق
أوها وطقت قلوب الأعادي أوها ولَمّن حقت الحقايق
لي لي لي لي ليش
أوها ويا جماعة كلكُن أوها وما نسينا فضلكُن
أوها واليوم عنّا أوها إنشاء الله بُكرة عندكُن
لي لي لي لي ليش
أوها يا ما قعدوا جنبي أوها ويا ما حرقوا قلبي
أوها وقالوا فلان ما بيتجوز أوها تجوّز وربي نصرني
لي لي لي لي ليش
أوها يا صحن حليب أوها وكل ما برد بيطيب
أوها نحنا أهلية أوها وما في حدا غريب
لي لي لي لي ليش
أوها العريس يا واحد أوها وعروسته يا اتنين
أوها يا خرزة زرقا أوها تردّ عنهن العين
لي لي لي لي ليش
أوها يا عريس لا تعبس أوها افريد هالبقجة والبس
أوها شواربك عروق الريحان أوها وسوالفها عروق النرجس
لي لي لي لي ليش
تستمر النسوة في إحياء فرحتهن.. فيغنّين ويطربن ويرقصن.. ولعل من
أكثر الأغاني الشعبية شيوعاً في مثل هذه المناسبة أغنية "اسم الله..
اسم الله يا زينة".. وفيها تغني معظم الحاضرات بأداء اللازمة:
اسم الله.. اسم الله يا زينة يا وردة جوّا الجنينة
زهر القرنفل يا عروسة يا ورد خيّم علينا
وتنفرد إحداهن بأداء مقاطع الأغنية. وكلما أدت مقطعاً، كررت الأخريات
اللازمة السابقة:
قومي العبي بحبل اللولو وافردي شعرك على طولو
خليهن يحكوا ويقولوا آه يا حلاوة يا شامية
قومي العبي بعرق المضعف وأنا لأجلك رح بضعف
ولو حلفوني عالمصحف ما بفوّت هواكِ يا زينة
قومي العبي بحلقاتك رايات البيض راياتك
الله يخلي لك حماتك آه يا حلاوة يا عسلية
قومي العبي بقميصك كل العرسان على كيسك
الله يخلي لك عريسك أبو عيون عسلي
كما توجد اغاني أخرى جميلة في مثل هذه المناسبة منها
عالصالحية ***
عالصالحية يا صالحة .. لا تقولوا لي وينك يا صالحة
ما غمضت عيوني من مبارحة .. لشوفة حبيبي أنا رايحة
جبلي و جبلي يا دادا جبلي .. حلق الالماس إنشا الله يلبقلي
حاكاني شي لا و الله .. زعلني شي لا والله .. و أنا لعندو رايحة
عالصالحية يا صالحة .. لا تقولوا لي وينك يا صالحة
ما غمضت عيوني من مبارحة .. لشوفة حبيبي أنا رايحة
جبلي و جبلي يا دادا جبلي روب الحرير إنشا الله يلبقلي
نسيني شي لا و الله .. لوعني شي لا و الله .. و أنا لعندو رايحة
عالصالحية يا صالحة .. لا تقولوا لي وينك يا صالحة
ما غمضت عيوني من مبارحة .. لشوفة حبيبي أنا رايحة
ليموني هالليموني ***
ليموني عالليموني شامي و الله
و أنا حبابي ظلموني يا دخيل الله
يا لابس الألماس قلبك قاسي
ما بدي وجع راسي خافي من الله
يا لابسة الزهري لا تنقهري
ما بنساكي طول عمري صدقيني و الله
شفتا بدق بعودها دخل وجودها
الورد مفتح بخدودها خافوا الله
يا شاكل النرجس قطفك يحرز
و عيونك سور بتغمز يا سلام و الله
ليموني عالليموني شامي و الله
و أنا حبابي ظلموني يا دخيل الله
دامت أفراحكم عامرة يارب
لكم فائق تقديري واحترامي
إيمان من الأشواق