1. هذا لو ناوي تسافر قريب


2. To 23 january


3. 2ليلة صافية


4. مجموع اسعار الفنادق للشخص 2300


5. التسوق والهدايا اقل واحد صرف 2500و تحسف ماجاب اكثر لان فيه اشيا خيال


6. نبدا من المطار


7. كوالا يوم واحد


8. يومين : لنكاوي


9. انصح صراحة بالسكن فيه


10. وكان كلامه غلط


11. طبعا الالعاب الرياضية في لنكاوي غالية بالتالي اللعب في بينانغ احسن


12. الى بينانغ 3 أيام


13. ، 2 النت فالغرفة معدوم لازم تطلع وتجلس بالممر كل اشوي


14. 3 الفطوور ابوو دوق سيء


15. مثلا افضل النظارات خذتها من بينانغ على 13 رنجت


16. الساعات كنت اخذ الوحدة ب 20 رنجت


17. اليوم الثالث

السلام عليكم والرحمة والبركات
بسم الله الرحمن الرحيم
اول شي اعتذر التقرير بسيط و عادي و مكتوب بسرعة دون فيسات و صورو تفصيل ممل , مختصر و مفيد .. اعتبر واحد يسولف قدامك
قبل كل شي هات ورقة و قلم او سجل في ملاحظات الجوال كل شي تشوفه مهم و هذا نصيحتي .. خصوصا اسماء الاشياء و اسعارالمشاوير والاشيا اللي ممكن تنخدع فيها

هذا لو ناوي تسافر قريب

والافضل تنسخ الموضوع او اللي عجبك من هالموضوع و غيره من المواضيع اللي قريتها بالنت في ملف وورد وتطبعه ويكون عندك اوراق تحتوي الجدول والاماكن السياحية والمطاعم والمشاوير والاسعار و تكون دليلك و مرشدك اثناء سفرك مو عيب

• الاماكن السياحية التي لن اتحدث عنها ليست سيئة ، الغالب اني لا اجد فيها متعب للشباب او احس انها ماتستاهل و ماتستهويني

ماليزيا 2014
0january

To 23 january

2ليلة صافية

4 شباب عالخطوط السيرلنكية ( اقل من عادية صحيح رخيصة لكن لو لقيت شي كويس اكثر ب ميتين او ثلاث لاتتردد وخذه على طول ) والبلوة الاكبر بالترانزيت في كولمبو .. مطار غبي وسيئ جلسنا فيه 3 ساعات الله لايعيدها بسس كل شي سيئ و ينرفز
التكلفة 7500 للشخص شاملة التذاكر والسكن والاكل و كل شي .. ماعدا الهدايا والتسوق حسبتها تختلف من شخص لآخر
التذكرة للشخص 1950

مجموع اسعار الفنادق للشخص 2300

التسوق والهدايا اقل واحد صرف 2500و تحسف ماجاب اكثر لان فيه اشيا خيال

الجو كان فالسعودية شتاء اما ماليزيا كعادة جوها الثابت الا اني لاحظت من روحتي السابقة ان في ماليزيا الصيف كان الجو الطف و اجمل وفيه امطار .. اما الشتاء مافي مطر ابدا .. بعكس كاميرون جوها فالشتاء كان ابرد واجمل وكله ضباب و رذاذ مطر
طبعا ما انصح الا ببدل شتوية عادية لجنتنغ و كاميرون.. مايحتاج بجامات ولا اي من هالمبالغة
الخطة
كوالا اول يوم للراحة
ثم الى لنكاوي يومين بالطائرة
ثم الى بينانغ 3 ايام بالباخرة الفيري
بالباص الى الكاميرون الساحرة العظيمة يومين
بالباص الى كوالا 4 ايام
احنا كشباب مانطول في ايمدينة لان بس بنروح اماكن محددة ومهمه وجميلة .. مانروح حدايق فراشات ولاتماسيح ولا قرود ولا معابد ولامتاحف ولا فواكه . الفواكه ممكن تروحها لو ودك تاكل
البداية

نبدا من المطار

يبدو انه الآن ماتحتاج تعبي الارواق والبيانات في المطار زي السابق وهذا ماحصل لي ..
لاوصلت مطاركوالا انزل اخر دور و اسأل عن الباصات ، لازحت بتلقى ثلاث شركات اسأل عن اللي يودونك لفندقك .. انا سألت عن اللي يودون شارع العرب او محطة بودورايا لانهم قرابمن الفندق ، التذكرة للشخص 18 رنقت يابلاش .. يوصلك الباص لمكان رئيسي قريب منمنطقتك او سكنك ثم ياخذك تاكسي يوديك لفندقك مجانا

كوالا يوم واحد

سكنا في رويال بنتانق .. ممتاز منناحية الموقع لان شارع العرب و محطة بودورايا والسوق الصيني يعتبرون قريبين جدا ..الخدمة والجودة والديكور والمستوى مقبول .. الفطور متوسط ، انصح به الشباب او ايشخص يبي فندق جيد ورخيص
ريحنا اول ماوصلنا وجلسنا عالنت ونزلنا صورة بالانستقرام و طمنا اهلنا واحبابنا .. يوم جا قريب المغرب خذنا تاكسي يودينا مدينة الاضواء (آي سيتي ) يودينا وينتظرنا و يرجعنا ب 150 ، لاحد يقبل بأكثر
المدينة جميلة بتصميمها و انوارها واذا دخلتها لاول وهله تظن انه مكان للاطفال لكن المكان كبير اشبه بالحي و متفرع ..فيه اشيا كثيرة للكبار منها 5d مشهد بتقنية 5d لمدة 10 دقايق ..مافيه اي شي مخل ومافيه اي انسان بالفلم .. وفيه رمي السهام و بيت الرعب وغيرهم
طبعا سعر التحويل في هالفترة 0.86تنقص يزيد اشوي الى 0.87 ، صرفو من الحلات اللي على شارع العرب ولا تصرفون من البنوك .. احسن محلين اللي يم مطعم الباشا و واحد بالزاوية اللي مقابل مطعم الباشاو جمبه محل مساج

يومين : لنكاوي

اليوم الثاني رحنا للمطار الدولي بالتاكسي نفسه اللي ودانا مدينة الاضواء (دايم في كل مدينة اول تاكسي ناخذه اذا ارتحنا له و سولفنا وياه ناخذ رقمه ونتفق معه على كل مشاويرنا بالمدينة ويجينا بالموعد و بهالطريقة يكون في مرونة في السعر .. ونصيحة اي تاكسي تركبونه سولفوا معه عن المدينة والاماكن و حياته وكل شي لاتسكتون .. بالطريقة ذي تستعطفه ولونسيت شي بالتاكسي راح يكون امين معك غالبا باذن الله
ايه كنت اقول رحنا المطار بالخطوطالماليزية الى لنكاوي 250 التذكرة للشخص ..
وصلنا وفيه كشك رئيسي تقوله فندقك ويحدد لك السعر وياخذك تاكسي يوديك والسعر معقول
لنكاوي طبعا يومين خذناها وانا اشوف تستاهل يومين الى ثلاث ايام.. مو اكثر من كذا
اهم شي في لنكاوي تاخذ فندق عالبحر يكون بطريقة الاكواخ او الشاليهات يعني على طول تحتك البحر مافي شاطئ و تراب
سكنا في شيراتون لنكاوي بيتش .. وكان فخم و رائع و ساحر و حبيت لنكاوي بسببه لان اطلالته جميلة و التمشي في اروقته >> و ركز لي على أروقته ازا بتريد .. ايه و رائع وفطوره ممتاز و مسبحه رهيب و طريقة الغرفة عجيبه و رومانسية

انصح صراحة بالسكن فيه

اتفقنا مع تاكسي تبع الفندق مسلم اسمه موسى و كانت جميع وياه وكنا نسولف دايم ونسأله عن كل شي بالبلد و كل مشاويرنا معه و يراعينا بالسعر و دايم نتأخر عليه ولا يزعل
اول يوم كان فيه وقت لان النهار طويل الى 7 ونص فقلنا بناخذ جولة و نروح بعض الاماكن.. الساعة ب 25 رنجت وهذا طبعا في بينانغ ولنكاوي وكاميرون .. رحنا التلفريك والشلالات وسبحنا فيها و كنا نبي نحجز الفيري لبينانغ الا ان شخص يعمل بالفندق قال مايصلح لازم الحجز قبل الرحلة بيوم .. اما يومين ماينفع

وكان كلامه غلط

اليوم الثاني رحنا نحجز الفيري وكان فيه رحلتين 2 الظهر و 5 العصر .. و قالوا لنا ان الرحلة اللي الساعة 2 فل من امس والمفروض تجون قبل يومين فاضطرينا ناخذ ابو الساعة 5عشان يصادفنا الغروب وناخذ كم صورة وكذا .. امحق
ثم رحنا المانقروف طبعا مايحتاج تحجز قبل بيوم .. تروح مكانهم و تشوف البكجات وتختار وتركب الطراد على طول
اخترنا البكج اللي تروح كهف الخفافيش و اطعام الاسماك و مشاهدة النسور و الذهاب عند مدري وش ثم تتغدا .. كان ب 350 البكج اذكركلنا .. طبعا الغدا من فلوسك تختار من السمك والربيان ويطبخون لك .. السمك خذوا مقلي و مشوي ممتاز ولا انصح بالربيان في وهذا و في كل شي ماعدا المطاعم العربية مثل مطعم الطربوش ربيانه المقلي ممتاز ..
البكجات اللي اغلى من كذا يضيف مكان واحد و يزيد السعر 100 رنجت وهو مكان هطق ولايستاهل

طبعا الالعاب الرياضية في لنكاوي غالية بالتالي اللعب في بينانغ احسن

الى بينانغ 3 أيام

اليوم اللي بعده جلسنا بالفندق الجميل ومسبحه الرائع واطلالاته و شاطئه و جلسنا ناخذ صور لما قرب وقت رحلة الفيري الى بينانغ .. ثم رحنا هناك وفيه حول محطة الفيري مجمع صغير وفيه محل بولو اسعاره زينه وحوله بعد تمثال الصقر مدري النسر و بحيرة و اشيا حلوة للتصوير ..
و اللي مراح يجيب كاميرا احترافيه بيتحسف قد شعر راسه .. جب كاميرة خويك اخوك ابعص اي شي
الفيري تجربة جميلة
وصلنا بينانغ والتكاسي تنتظرنا ورحنا فندقنا فلامنقو ، الفندق تغير قليلا للافضل بالديكور .. و عيوبه ثلاثة وهي 1المسبح صحيح كبير كمساحة لكن مافي عمق انا طولي متوسط يوصل لصدري

، 2 النت فالغرفة معدوم لازم تطلع وتجلس بالممر كل اشوي

3 الفطوور ابوو دوق سيء

اما الموقع مو مشكلة لان فيه باصات حمرا في بينانغ اسمها repaid تاخذك و توديك من و الى اهم واغلب الاماكن في بينانغ ب 1 رنجت ونص للنفر ، مثلا باتو فرنجي والمحطة اللي يمها ماك وفندق فلامنقو و مجمع قورني وغيرها ، في اي مكان اسأل عن اقرب محطة سيتوقف فيها الباص لاخذ الركاب وهي عبارة عن دكة كراسي تكون على رصيف الشارع في الجهتين للرايح والجاي
اول يوم ميت لان وصلنا الليل ومتأخرين .. جلسة عالنت ثم عشا و نفرفر شوي ..
اليوم الثاني جولة طبعا الساعة 25 رنجت , اغلب التكاسي معهم ورقة فيها الاماكن السياحية وانت تختار منها .. تروح هضبة بينانغ والشلالات ومحلات القهوة والشوكولاته وحديقة الفواكه (طبعا شغل معبد بوذا ومعبد الثعابين و حديقة الفراشات هالاشيا ماتمشي عندي )
ومن هالجولة تحجز لرحلة كاميرون ، مافيه غيرشركتين باصات يم بعض هم قل للتكسي انك تبي تحجز للكاميرون وهو يوديك
و اليوم الثالث خذنا الرحلة اللياسمها رحلة صيد ب 350 رنجت لاربعة اشخاص شاملة الغدا الباربكيو .. ياخذك في نص البحر و يعطيك خيوط صيد وتجلس ربع ساعة طبعا مراح تطلعون شي الا سمكة طول صبعك يمكن .. ثم يوديك شاطئ مدري شسمه و يسوون الباربكيو حقكم والصراحة عادي وتجلسون ساعتين تتمشون عالشاطئ فيه مرجيحة معلقة عالشجرة و فيه حبل زي حق طرزان تتسلى وتتعلق فيه و فيه ذاك السرير من الخيوط المعلق عالشجرة .. يعني الرحلة سيئة من ناحية الغدا لكن حلوة للصور والتمشي و رخيصة ، حقة لنكاوي اصرف الززبدة
و ماوقفنا بعد رحلة الصيد .. على طول للالعاب الرياضية اللي زاد سعرها عن قبل لكن كاسرناهم ورجعنا السعر القديم
براشوت 45 رنجت
دباب ربع ساعة ب 50
و هيك كلام
طبعا الليل في ماليزيا بشكل عام نقضيه عالنت بالغرفة و الطلعة للعشا والمجمعات والسوق الصيني وشارع العرب والتمشي(ماترك شي) اقصد الاماكن السياحية وكذا مافيش الديرة تسكن و تنام ، والافضل تنامون مبكر
مطاعم بينانغ الزينة اللي جربناها :المطعم الهندي اللي مقابل فلامنقو ، الهارد روك بعد البارك رويال مسافة عشر دقايق مشي ، مطعم لبنان ، ناندوز في مجمع قورني وباقي المطاعم العالمية
بالنسبة للسوق الصيني سمعوني زين
اللي في بينانغ احسن من كوالا .. ارخص و تنزيل الاسعار اسهل ، حقين كوالا جلفين و عصبيين ما ينزل السعر لان زباينهم واجد بعكس بينانغ مايخلونك لين ينزلون السعر للقاع

مثلا افضل النظارات خذتها من بينانغ على 13 رنجت

الساعات كنت اخذ الوحدة ب 20 رنجت

اما الوضع في كوالا معقد و صعب ،بالنسبة للجزم (الجواتي) (الكنادر)(الشوز) سواء للبدل او الثوب لاتشترون من السوق الصيني.. التايم سكويرر والاوتلت اللي بالدور الارضي في مجمع الفهرنهايت يغنون عنهم و اسعارهم رخيصةجداا بدون ماتكاسر
نهاية الكلام استغل كل سلعة تعجبك في السوق الصيني في بينانغ وخذها .. وروح كوالا شوف لو نقصك شي و لاشي وعجبك سعرهخذه
طيب خلصنا من بينانغ
كاميرون الجميلة يومين
ثم الى كاميرون بالباص .. الموعد 8الصباح كان ، يعني 7 انت طالع من السكن بالتالي لازم تكون مرتب مع تاكسي قبلها بيوم
الباص كراسيه مريحه ، الشخص 40 رنجت
خلوني اتكلم عن كاميرون
اجمل منطقة في ماليزيا بدون منازع طبيعة و جو رهيب و راحة نفسية والله منطقة تشرح الصدر و اللي ماراح كاميرون ماراح ماليزيا منطقة تكسر روتين الحر و الجزر والشواطئ
واتحدى شخص راح كاميرون و سكن فوق في الاكواتوريال حيث الضباب والرذاذ.. و راح المناطق الجميلة و يذمها
ليش احب الكاميرون ؟ بسبب الحياة الريفية البسيطة والطبيعية , للابتعاد عن صخب المدينة , لاني اعشق النخيل والاراضي الخضراء
عموما تبقى لكل واحد وجهة نظره و ذوقه ولاحد يزعل
اول يوم بعد ماتسكن فالاكواتوريال الجميل واللي موقعه يعطيه افضليه ساحقه عن غيره واللي جرب يسكن تحت و يسكن بالاكواتوريال بيفهم ، طبعا صار اسمه كوبثورن لكن مازال يسمى اكواتوريال
اول يوم تنزل تتمشى بالشوارع وتشوف المحلات الرهيبة القريبة من الفندق ويبيعون قطع الدجاج و زنجر و اشيا روعة و فواكه مهجنة مثلا تفاح بالجوافه و جوافه بالفراولة .. اشيا بسيطة وجميلة ورخيصة
اللوبي حق الاكواتوريال جميل .. لاجا الليل يشبون حطب و فيه بلياردو والعاب و من هالكلام ، و طبعا في محل يم الفندق سمه سنوكر سنتر للبلياردو ارخص من بلياردو الفندق ويفتح الى 2 الليل
مطعم الفندق ممتاز ولازم تستغلونه دايم يسوي بوفيه مفتوح و باربكيو بأسعار رخيصة 45 رنجت للشخص ، استغلوه
اليوم الثاني بتروح الاماكن الزينة في كاميرون و المفروض انك اتفقت مع تاكسي يوديك الاماكن اللي تبيها اول ماوصلت الكامرون بمحطة الباصات فيه زي الشركات غاليه اسحب عليهاا فيه يمها مركز للتكاسي اتفق مع واحد الساعة ب 25 رنجت
الاماكن اللي انصح فيها
حديقة زهرة اللافندر
ملاعب القولف
موسي فورست (غابة)
حديقة الفراولة
مزارع الشاي
جبل بيننق برينشانق ( هذا راح يزيد السعر لانه بعيد و طريقه وعر لكنه رهيب ) اذا كان الجو ضباب لاتروحونه لان مراح تشوفون اي شي ابد
الاماكن اللي ذكرتها جميلة و ممتعة و مميزة للتصوير ولاتضيعون وقتكم بمناحل العسل و هالاشيا الفاظية
فيه مطعم اسمه ماري براون جمب محطة الباصات و مركز التكاسي .. جميل و رخيص ، له فروع ثانية في جنتنغ و غيره بس حق كاميرون احسن واحد
بالباص الى كوالا والمفروض انكم حجزتوا للعودة اول ماوصلتوا كاميرون .. الشخص 30 رنجت
كوالا 4 ايام
اول يوم راحة و فرفرة بالسوق الصينيو جلسة عالنت و اتفقنا مع تاكسي يودينا اليوم الثاني السنواي لاقون ب 35 رنجت لاحظ !
اليوم الثاني رحنا السنواي لاجونالصباح طبعا هي تفتح 10 الصباح وتسكر 6 .. وتفتح كل الايام حتى الثلاثاء صارت تفتح ايضا و اضافوا لها بعض الالعاب
تفطر الصباح كويس قبل لاتروح عشان ماتجوع هناك .. و وجبتك الثانية تكون 6 الليل غدا عشى مرة وحدة
هي صح الملاهي كبيرة لكن تقدر تلفها كلها لواستغليت وقتك صح ولو رحتها في يوم غير السبت والاحد لان يكون زحمة .. انا رحت يوم الاثنين ، من زود ماهي فاظية بعض الالعاب بس انا وربعي نلعب لحالنا
"حاول تخلي يوم السبت والاحد يصادفون ايام كاميرون او بينانغ او لنكاوي أفضل"
الالعاب المائية فيها ليست كثيرة ،،والخطيرة و الممتعة للكبار تعد عالاصابع .. المتعة والخطورة تكمن في الالعاب الثانية وبعضها لازم تدفع فلوس مثل القفز من الجسر 130 رنجت ، الكرة اللي تطيرك بالسما 60 رنجت (فيه بكج اسمه كومبو تاخذ اللعبتين ب 150 .. و سباق الراليات 20رنجت و غيرها .. المهم عيشوها كلها ولا تفوت اي شي حلل كل دقيقة ولو شفت لفة صغيرة او داعوس ادخله بتلقى مكان جديد و العاب جديدة
لما خلصنا رحنا المجمع نتمشى ونتعشى.. وهو مجمع عادي ما انصح به ، فيه مطعم اسمه بابا جومب انصح فيه بقوة
طبعا اللي يقول ليه ماسكنتوا سلانقور ، اقول حرام اضيع يوم او يومين و هي مافيها غير الالعاب ، ازود ايام كوالا و اروحها صد رد احسن
يوم رجعنا حجزنا لجينتنغ باص و تلفريك من محطة بودورايا عشان اليوم اللي بعده

اليوم الثالث

جنتنغ .. الالعاب الخارجية مقفله صيانه يمكن 3 سنوات ، والداخلية حقين صغار ماعدا كم لعبة اروح هناك و ادفع و العب
مثل لعبة سكاي دايفنق وهي اللي تدخل غرفة ويجيك هوا قوي من تحت يطيرك و تصير معلق فالهوا تنزل وتصعد وكذا > اموت عالشرح.. طبعا هي صعبة شوي والمدرب راح يكون جنبك وراح يعطونك شهادة طيران لاخلصت .. هي زي القفزالهوائي لكن في غرفة ، سعرها 38 رنجت ولو كانت ب مية دفعت لان صراحة تستاهل
فيه محل نايك في الدور الاخير فوق يم البولينق رخيص مثل اسعار الاوتلت انصح فيه للي يبي اي شي رياضي سواء بنت اوولد
اليوم الرابع كان كله للتسوق .. الاوت لت اللي بالدور تحت الا ضي في مجمع الفهرنهايت .. ساعة ونص لانه محل واحد و كبير .. و التايم سكوير تقدرتروح له مشي من شارع العرب قريب .. تاخذ فيه 5 ساعات اقل شي لانه 14 دور يمكن .. كل دور عن ديرة و كل محل يقول انا ارخص و احلى ، طبعا الحريم مايكفيهم يومين فيه لانهم يدخلون كل محل اما الرجال كل دور يسير على محلين دور = طابق
النهاية والختام
العودة للوطن و كنا متفقين مع تاكسي احمر انوفا ياخذنا المطار ب 120 رنجت ، ماخذنا موتر صغير لان اغراضنا كثير شرينا البلد كلها
خلاصة التسوق : سوق بينانغ الصيني والاوت لت اللي تبع الفهرنهايت و التايم سكوير
مطعم حضرموت ممتاز ، اطلبوا منه مندي لحم بس ولا تفكرون بغيره من الطلبات .. النفراللحم ب 32

• مرة وقفنا تاكسي عشان يوصلنا فندقنا و خليناه يوقفنا بقالة وينتظرنا ، تركنا الكاميرا بالموتر ، انحاش فيها حسبي الله عليه ، كان سواق هندي و تاكسي احمر لكن ماحفظنا رقم الموتر فماحد قدريساعدنا ، و مشكلتنا ماسولفنا معه ولا خذنا وقت وياه عشان نستميل قلبه ونسولف ونمون عليه ، لذلك التاكسي الاحمر صحيح رخيص لكن البعض مو امين خصوصا ان كان صيني او هندي غير مسلم ، ف انتبهوا لاغراضكم ولاتامن اي احد وخل شنطتك وكامرتك وبوكك معك دايم

شعب ماليزيا من افضل و اطيب شعوب العالم .. لو تشك في شي او تبي تسأل عن شي مباشرة اسأل اي شخص ، دائما نسولف مع عمال الفندق والسيكورتيه والرسبشن والتكاسي ونسألهم عن كل شي ، صدقني لو تروح ماليزيا على وجهك وماتخش نت وتسأل هناك تمشي امورك زي الحلاوة

• اغلب الايام راح تضطر انك ماتتغدا بسبب طلعتك فالنهار بالتالي بتاكل نهاية العصر او المغرب وهذا شي جيد و يوفر لك .. يعني راح تاخذ لك شي خفيف في المكان اللي انت فيه من بقالة ولا كشك لان الغالب مراح تلاقي مطعم
• *نصيحة و وصية :خذ كتب باللغة الانجليزية من توعية الجاليات ، .. في كل مكان وكل فندق ومنطقة بتلقى استراليين او بريطانيين او امريكيين ،، و وزع هناك عطهم كتب والله انهم طيبين ويحبون القراءة بس قلهم هذي هدية this is a gift , عشان مايظنونك تبيع.. ماتدري مين يدخل الاسلام او تتصحح لديه صورة الاسلام المشوهه تخيل تكون سفرتك فيها عبادة ودعوة الى الله بهذه النية فيمشي لك الاجر حتى وانت نائم .. طبقها في كل سفراتك وانشرها بين الناس ارجوك