خف خف
15-06-2022 - 06:54 am
بسم الله الرحمن الرحيم
السلام عليكم ورحمه الله وبركاته
اخواني انا صار لي كم يوم ادور في المنتدى وابي اسوي لي جدول وافتر مخي ماعرفت اسوي شي
انا متفقه مع زوجي نروح اوروبا لمده عشر ايام وان كثرنا 12 يوم ...
انا خاطري اروح زيلامسي...وابي اشوف الثلج ..وابي اتسوق في منطقه ميسماشلين في بلجيكا قريت عنها ان فيها تخفيضات 70 بالميه ع البضايع والماركات ...وابي اروح سويسرا ....وشايله فرنسا من بالي كلش
ماعرفت اسوي شي ماشاء ا لله تقارير كثيره انا ماحب اروح مدن الملاهي والمتاحف وهالسوالف انا ابي اروح مع زوجي فتره نقاهه وبدون اطفال نغير جو فابي اكثر شي ريلاكس وبحر وجبال ومناظر طبيعيه وثلوج ابي شي جديد بالعربي واهم شي السوق .....عاد منو بيساعدني وبيسوي لي جدول للرحله واذا ممكن استقر في منطقه وحده واروح للمناطق الثانيه برحلات في نفس اليوم ..ابي احد يساعدني بليز هالايام لان تدرون ماراح القى حجوزات بعدين وابي فنادق راقيه ونظيفه مثل الماريوت والهيلتوت والانتر وسامحوني على طلباتي الكثيره لاني معتبرتها رحله العمر تحياتي لكم
