- (( كوالا - كاميرون - ولاية صباح - ترنقانوا ))..
السلام عليكم ورحمة الله وبركاته ..
اخواني الاعضاء والمشرفين والقائمين على المنتدى ..
انا عضو جديد معكم في هذا الصرح الشامخ .. وجزاكم الله الف خير على المعلومات .. اللي تفيدون اخوانكم فيها ..
بعون الله تم حجز رحله على الخطوط السعودية لي ولزوجتي ام لين وبنووتي لين عمرها 3 سنوات ونص .. على ماليزيا من المدينه الى كوالالمبور بيوم 18 سبتمبر والعوده 3 اكتوبر 2011 .. ولقيت تذاكر اسعارها روعه
للي ولزوجتي ب 1887 ريال وبنوتي ب 1444 ريال = 5218 ريال .. طبعا تذكره قابله للألغاء وليست على ال class V >>...
وعدد الايام الفعليه اللي ابغى اقضيها هناك 14 يوم .. من غير يوم العوده ..
المهم ابغى انسق معكم رحلتي اذا تسمحوون .. لاني رحت شهر عسل بماليزيا سنة 2006 .. وكان برنامجي :-
1-كوالا فندق تريدرز " هو اجمل فندق سكنته بماليزيا واعتقد على حسب علمي انه افتتح في ذيك السنه او قبلها بشوي " ليلتين ..
2- بينانق فندق هوليدي ان 2 ليالي " عادي جدا "
3- لنكاوي فندق لنكاوي لاقون 3 ليالي
4- سلانجور فندق الخيول الذهبيه " اللوبي حقه حلوو لكن الغرف ماكانت على قد سمعت الفندق اتوقعته احلى من كذا " 3 ليالي ومريت على جنتنق يوم كامل ..
5- شارع العرب فندق جي دبليو ماريوت 3 ليالي ..
وكانت والله اجمل ايام عمري قضيتها هناك في هذي الدوله ..
الحين ابغى اقلكم على الخطه المقترحه للأماكن اللي ابغى ازورها في هذه الرحله ..
(( كوالا - كاميرون - ولاية صباح - ترنقانوا ))..
1-ابغى فناق 4 نجوم او 3 نجوم وابغى اسعاره تكون معقووله من 400 ريال وتحت وشامل للأفطارخاصه في كوالا مثل فندق امبيانا مثلا .. واما باقي المناطق اعتقد اسعار الفنادق اقل من كوالا بكثير .. يعني يا اخواني ابغاها رحله اقتصاديه جدا ..
بإستثناء فندق تريدرز لان لي ذكريات حلوه معه ابغاه هو الفندق الغالي الوحيد اللي رايح اسكنه ..
2- طريقة ترتيب جدول الرحله .. واذا فيه شي ممكن ازيده او انقصه في الاماكن , غير لنكاوي وبينانق ..
3- سعر التذاكر الداخليه ..
4- التنقل للاماكن السياحيه عن طريق القطار اذا ممكن بكوالا .. لاني ما ابغى اخذ تكسي خاص بالساعه . اذا كنت حطول في المكان اللي انا حروح له ..
5- بالنسبه للتسوق وشراء الاشياء من ماليزيا حتكون خفيفه جدا , لاني انا رايح رحلت استجمام , وسياحه وتغيير جوا .. مو ناوي اشتري اشياء ومقاضي من هناك ..
بالنسبه للميزانيه حقت السكن والتنقلات والمصروفات , الى الان ما وضعتها وانا الان ابغا انسق برنامجي معكم .. وقلت لكم على الاشياء اللي ابغاها ..
واتمنى منكم انكم تفيدوني باللي تعرفونه .. ولكم جزيل الشكر والتقدير ..
اخوكم ابو لين
ليش ما احد رد علي موضوعي ........