q8iy
02-01-2022 - 04:41 am
السلام عليكم
بختصار
رحلتي كانت الي ميونخ ونزلت ورحت بالقطار من ميونخ الي زلمسي مع تغيير محطة التكلفة علي الشخص درجة ثانيه لا تتجاوز 50 يورو اقل ما اذكر بالضبط
وصلت زلمسي وسألت عن فندق نيو بوست فندق ممتاز وسعره مناسب 50 دينار يعني 600 ريال الليله
موقعه قريب جدا جدا من السنتر ومن محطة الباصات كله مشي دقيقه واحده
وكان الروتين بالنهار نروح رحلات والعصاري نركب قوارب وسياكل وقهاوي وبالليل في السنتر
الرحلات التي ذهبت اليها كانت
الكهف الجليدي
الطائرة الشراعيه وكانت التذكرة للشخص 47 يورو ثلث ساعه فوق زلمسي جدا حلوه
جبال الثلج ذهبت اليها عن طريق محطة الباص والتذكرة رخيصه يمكن 8 يورو بالباص
والزحليقة الصيفيه عن طريق الباص رقمه 260 سعر التذكرة بعد شي بسيط
وذهبت الي الشلال رقم الباص 660 سعر التذكرة رمزي ودخوله رمزي
وركبت البراشوت
ومن بعدها ذهبت الي ميونخ بالقطار
للعلم لحد يصعد تكسي ترى نار غالي
والامور ترى كلها بسيطه وسهله
يعني اللي يبي يسافر زلمسي
اهم شي يعرف اسامي الاماكن السياحية بالانجليزي شسمها ويعرف ارقام الباصات اللي توصله لكل مكان سياحي
ويتوكل علي الله
لا يسأل اكثر من جذي لان هذا اهم شي اذا عرفت هذيل ترا امورك كلها تدبرت وبتستانس
وللأسف ما احد أشار إلى ذلك في المنتدى الله يهديكم