بسم الله الرحمن الرحيمالسلام عليكم ورحمة الله وبركاته
بداية الله يعطيكم جميعا العافية، لولا الله ثم هالمنتدى ما كان تشجعت أحجز وأسافر إلى ماليزيا
أطمع بأنكم تساعدوني بإجابتكم على أسألتي
أنا مسافرة باإذن الله مع أختي باجر على الخطوط الإماراتية
حاجزين من 7- إلى 18
البرنامج كالتالي :
ليلتين= سيلانجور سن واي
3 ليالي = ويستن لنقاوي
ليلتين=قولدن ساندز بينانغ
3 ليالي= تريدرز كوالا
الأسألة
(1)
أفضل الأماكن لزيارتها في سيلانجور؟
بعد ملاهي السن واي أي اثنين يستحقون الزيارة
بوترجايا\ آي سيتي\ الماينز ؟
وين أفضل مدينة ثلجية في ماليزيا؟ وكيف أنسق جدول سيلانجور؟
نوصل مطار كوالا الساعة 1 ونص الظهر يعني بيكون عندنا وقت بأول يوم
(2)
بالنسبة للطيران الداخلي إلى لنقاوي وبينانغ
هل أحجز تذاكرنا من الآن أو أنتظر إلى أن أتأكد من وقت خروجنا من الفندق بليلة قبلها؟
كم أدفع على شحن الحقائب؟
وهل تنصحون بالذهاب إلى بينانغ عن طريق العبارة؟
بالنسبة للأنشطة على الجزر، هل نقدر نستأجر مسبح خاص؟
الجتي سكي والبراشوت من وين بالضبط أحجزهم؟
وممكن أرقام تكاسي موثوقين نروح معاهم للمشاوير ؟
أتمنى لو أحد عنده خبرة يعلمنا شلون ننظم برنامج الجزر
أنا قرأت عن الرحلات لكن بودي أعرف أحط شنو مع شنو
(3)
هل تستحق جنتنغ الزيارة بعد إغلاق الملاهي الخارجية؟
مشاوير كوالا الداخلية كم تاخذ بالتاكسي؟
أحجز التكاسي من فندقي والا بتطلع غالية؟
بالنسبة للحدائق، أزورها بالجزر أو بكوالا؟
وأيضًا الشلالات هل تستحق الزيارة؟
كيف أخطط رحلتي لمنتجع أفاموسا وكم يكفيه من وقت؟
فيه محل اسمه بيت العود في كوالا أحد يعرف مكانه؟
هل شارع العرب أمين؟
المجمعات الي نقدر نزورها بهالوقت القصير ونلاقي فيها المميز؟
بالنسبة للمصروف، أنا ناوية أخلي كل شيء بالبطاقة
بس محتارة من أي ماكينة أسحب اذا احتجت مصرف؟
أعتذر على كثرة الأسئلة ويعطيكم العافية