حياك الله حبيبنا
من الصعب المواصلة مباشرة إلى ( بينانغ ) لابد من الراحة أولآ في ( سلانجور ) أو البورت ديكسيون ..
وأرشح لك هذا الجدول لمدة ( 10 أيام ) :
يومين سلانجور ... فندق البيراميد
ثلاثة أيام لنكاوي ... فندق البلانجي بيتش
يومين بينانغ ... فندق الباي فيو بيتش
ثلاثة أيام كوالا ... فندق الدورسيت ريجنسي

• تكلفة هذه الفنادق بحدود ( 5200 ريال )
• المصروف اليومي تكفيك ( 5000 ريال ) لمدة 10 أيام بأذن الله

يعطييك الف عافيه عزيزي وافي ..
انا راح انزل على مطار كوالالمبور .. شرايك لو يكون الترتيب مثل هذا
ثلاثة أيام كوالا ... فندق الدورسيت ريجنسي
يومين سلانجور ... فندق البيراميد
ثلاثة أيام لنكاوي ... فندق البلانجي بيتش
يومين بينانغ ... فندق الباي فيو بيتش
و بالنسبه للمغامرات .. هل يوجد القفز من مكان مرتفع و لا برشوت؟؟ و شنو احسن مدن الالعاب؟؟

حبيب قلبي الغالي (OZIE )
لابد ( كوالا ) تكون أخر محطة ... لأن فيها المطار الدولي
صعب جدآ تجعل ( بينانغ ) أخر محطة ... لأنها بعيدة عن المطار الدولي ...
فالجدول الأسهل والأجمل ... هو الذي رشحته لك ( سلانجور - لنكاوي - بينانغ - كوالا )
وعلى فكرة ياصاحبي :
أجمل بداية من ( سلانجور ) التي تبعد عن المطار الدولي ( 35 دقيقة فقط ) وترتاح فيها أول يومين
والختام كما ذكرت لك في ( كوالا ) منها تتسوق وتكون قريب جدآ من المطار الدولي ..

يعطييك العافيه اخووي الوافي و الله ما قصرت
بس للتأكد قبل الحجز
شوف هذا الترتيب
يومين سلانجور ... فندق البيراميد تشيك ان تاريخ الى و هذا اسم الفندق
Sunway Pyramid Hotel @ Sunway Resort
ثلاثة أيام لنكاوي ... فندق البلانجي بيتش ( غيرته الى فندق ثاني) من الى و اسم الفندق
Awana Porto Malai Langkawi
يومين بينانغ ... فندق الباي فيو بيتش من الى و اسم الفندق
The Bayview Beach Resort
ثلاثة أيام كوالا ... فندق الدورسيت ريجنسي من الى و هذا اسم الفندق
Dorsett Regency Hotel Kuala Lumpur
ياليت تشوفها عدل شغلي؟؟ عشان خلاص اعتمد الحجز
شاكر لك جهوودك الجباره عزيزي

توزيعك ممتاز ياصاحبي
لكن عندي نقطة مهمة :
تأكد من تاريخ وصولك لماليزيا ( يوم 5 أو 6 ) لأنك راح تحجز أول يوم بهذا التاريخ

تأكدت اوصل على على خير
لاني طالع من استراليا ملبورن الى ماليزيا كوالا
مشكور عزيزي على المساعده

اخوي بالنسبه لوسائل التنقل بين هذي المدن كيف؟؟؟ هل راح احتاج طيران؟؟

اخوي تحتاج الطيران الداخلي في كل من :
1 من كوالا إلى لنكاوي
2 من لنكاوي إلى بينانق .. (تقدر تستخدم الباخرة)
3 من بينانق إلى كوالا .. (تقدر تستخدم الباص أو التاكسي)
وهذي الصورة للتوضيح .. مع الشكر للأخ المغادرون 2007