طلعت من طرابلس يوم 5 يناير على روما والرحله ساعه ونصف تقلع الساعه 4 مساء تصل روما الخامسه ونصف ترانزيت ساعه ثم باريس وتصل تقريبا العاشره ليلا وبعدها بساعه الخطوط الفرنسيه الى ريو الساعه اا ليلا.. لاكن حين وصلت الى روما المفاجئه ان مطار شارل دي قور مقفل ؟ ليه للعوامل الجويه الثلج. عطوني حجز فندق ليله لان تاني يوم الصبح هناك رحله الى الريو الساعه عاشره صباحا (الخطوط الفرنسيه لديها رحلتين باليوم الى ريو واحده الصبح واخرى باليلا وهدا ما يجعلها افضل خطوط تسافر عليها للبرازيل وتلاحظ داالك من الزحام الكثير على رحلاتها هناك من مختلف الجنسيات الاورييه)
عموما نمت بالفندق وصحوني بدري لان الرحله كانت الساعه السابعه صباحا الى باريس وتصل الى باريس العاشره وبعدها بساعه الى الريو .ركز معاي شوي هنا حيث اني عملت شغله لليوم انا حاير كيف عملتها عند خروجي من مطار طرابلس الساعه الرابعه مساء الى ثاني يوم فى مطار باريس لم ادخن الا سيجار واحد فقط كيف واصبر معاي شوي دخنت فى مطار روما اول ما وصلت فى مكان مخصص للتدخين وبعدها انشغلت الى منتصف الليل مع صالت البزنس كلاس وهم يشوفولي خط تاني لانهم كانو مو متاكدين ان مطار باريس راح يفتح تاني يوم الصبح وما تاكدو الا منتصف الليل دهبت منتصف الليل الى الهوتيل ومادخت كنت تعبان رحث نمت على طول لاصحى بدر تاني يوم ولما صحيت كانت الساعه 5-30 جهزت نفسى ونزلت قلت افطر وادخن واروح المطار المفاجاءه ان الباص واقف وملركب الركاب وينتظرون فى انا حث الفطور ما صار منه قولت عادي ادخن فى المطار بعد ما افطر وصلنا المطار لاقيتهم الركاب يركبون وما فى مجال برضو عادي ندخن فى الشارل دي قور مطار باريس والصدف ان مطار باريس ممنوع التدخين بالكامل حث لو كنت في الهواء الطلق تحث الطياره او المدرج واصلا ما فى وقت من طيارة الاليطاليا الى الايرفرنسعلى طول شن ها المشكل وراي 12 الساعه طيران من غير تدخين واصلا صاحي الصبح ومش مدخن ولا فاطر كيف الحل ويلى يدخن يعرف هالمشكل خصوصا انا استمتع بالرحلات الطويله على البزنس وعندى هى نصف اللرحله فكيف اركب وانا معصب ز وش سويت قولو ...........راجع

فى باريس قلت مافى حل ضروري من التدخين ولا ما اركب الطيار وشف القيت المؤدي الى الطائره طويل وملفوف قلت هدا المكان المناسب وفعلنا خليت نفسى تقريبا اخر واحد والسيجار جاهز وفى المنتصف ولعت وما هى الا خطوات واجد امامي افراد من مشغلى المطار فاطفاءت وعند اجتيازهم شفت باب الطائره وكانه ظبطتني الشرطه بجرم مشهود لا اوصف لكم حالى تنرفزت ودهب الى مظيف الطائره الواقف امام باب الطائره واخبرته ان انا ظروري ادخن فنظرا للى نظره ضحكت عليها كثير فيما بعد وكانت نضره غريبه تدل على غرابة الطلب وانا متاكد ان هالمظيف ما فى حد سال هالسؤال قبل المهم اشار اليا بركوب الطائر دون الجواب على سؤالي ..... تازم الموقف عندي ولازلت مصمم على التدخين جلست وكانت بصراحه الخطوط الفرنسيه رائعه مريحه جدا اقلعت الطائر مع العوات الى مطار ريو .....وعند استقرار الطائره وتقديم الفطور اكلنا وازداد شوقى للتدخين .....ز تقريبا علرفتو شن سويت...... اكيد على طول من غير تفكير الى الحمام عليا وعلى اعدائ دخنت وعدت الى المقعد ..... لاحظات وامن الطائر واقف على راسي وكاني بيني وبينه ثار ....... قلت له بصرحه انا غلطان واخبرت المضيف عند ركوب الطائره اني عاوز ادخن وقد اعذر من اندر وكلك عقل تصرف فاخبرني بان لديه الصلاحيه بان ينزل الطائر فى البرتغال وانزالى من الرحله ومن غير تعويض وحلرماني من الركوب على الخطوط الفرنسيه واحتمال مقاضاتي قانونيا........ ماتفرق معاي المهم دخنت وهو يشوف هدا فى عيوني المهم اعتدرت له وتعرفنا بعدها وعدت على خير ....
الرحله ماهي طويله على البزنس بل مريحه وصلت مطار ريو الساعه العاشره ليلا وجدت فى المطار صديقي شمسي ينتظرني هو ورودريقو و كارلوس اصدقاء شمسى وهم مدربين معاه وكانو بصراحه زي ما احنا انقول اولاد بلد جوهم مش طبيعي ماخلونا نحس بالغربه فى البرازيل ومعاهم رافائيل وميشيل واصدقائهم كنا نخرج بتلاث واربع سيارات ....... يتبع

ياشباب وين التشجيع راكم فشلتوني

متابع معك أخي عون الله والحمد لله على سلامتك ، و أتمنى منك إضافة الصور إن توفرت لديك

متابع لك من امس وشكرا للاشراف لنقل الموضوع الى مكانه المخصص

متابعين .. لا تبخل علينا بالصور

شكرا اخوتي الكرام على المرور ...............

اول يوم وصلت فيه لريو كنت متلهف لالقاء نظره على كوبا وهدا رمز كوباكابانا ركز .......... لانه فى سنة 87 عندما غادرة ريو تركت المدينه فى حالة فوضاء وازدحام وشئ عمري ماريته . على فكره السفره الاولى للريو كانت اول سفره لى بحياتى خارج ليبيا وكانت صدمه بكل معني الكلمه وتعبت منها كثير . قولي كيف . اقولك ما عاد عجبتني ولا مدينه خصوصا انو انا جوي برياضه والشاطئ (على فكره سفرتي الاولى كانت لغرض العلاج من اصابه تعرضت لها وانا العب كره على شاطئ البحر يعني حث احنا نلعب كوره على شط البحر من زمان ما هم بخير منا ), لاكن صديقى شمسي قال انو احنى ساكنين بعيد شوي على كوبا نخن رايحين باها , اوكي خلنا انشوف باها . على فكره شمسي مايهمه جو السياحه بيحب الشمس والبحر فقط لانه عايش بايرلاندا و هو يصيف مرتين بالسنه فى يناير فى ريو وفى اغسطس فى ليبيا . دهبنا للبيت شغل ممتاز عامله شمسي ماجر شقه ممتازه لينا احنا الاثنين على البحر حجرتين وصاله وحمام ومطبخ وبلكون فى باها بيلا. اجرناها شهر 1200 يورو وبصراحه عماره ممتازه ولي يعرف باها يعرف هالعماره اكيد لانها مشهوره ومكانها مميز العماره يلي جنبنا واخد فها روماريو دور كامل وهو الدور الاخير اظن الدور الخامس و العماره يلى بعدها واخد فيها رونالدو ايظا دور كامل والاخير متل روماريو هذه الاخبار عرفناها من كارلوس لان علاقاته كثير ممتازه وعرفنا على زيكو شوفناه على شط باها وزيكو عنده مدرسة ناشئين كبيره فى البرازيل وكارلوس كان من المؤسسين لها فهو مدرب ........ بصراحه البرازيل شكلها مختلف وانت برفقت ناس مثل كارلوس وميشال ورودريقو ورافئيل ......... واول يوم وصلت فيه لاقيت الشباب مستنين وعاملين حفل بربكيو عى شرفي ومتعبين حالهم وانا اصلا ما اكل لحم مو مدبوح اسلامي وموقفي بدا بايخ امام الشباب ............ فى حاجه جميله بالمبنى يلي كنت فيه وهو وجود صاله على سطح العماره مجهزه لحفلات البربكيو الشواء لاصحاب وسكان العماره فقط وما عليك الا ان تخبر الاستقبال بموعد الحقل وهم يجهزو كل اشئ ادا كانت مو محجوزه والبرازيلين على فكره مجنونين بحفلات البربكيو............ يتبع

سجلني متابع وبقوة بس نبغى صور بعدين الله يهديك احنا مالنا ومال الدخان هذا الموقع وضع للفائدة وليس للتفاخر في الدخان الله يعفيك منة ويعافي كل مبتلى

المشاركة الأصلية كتبت بواسطة المسافر عربي






كلامك والله مزبوط بس موقف حدث وحبيت احكيه ومو تفاخر والسفر كلو مواقف وتلقى نفسك تحكي من غير ما تدري ومشكور على المرور اخي بارك الله فيك على النصيحه دكرتني بالوالده......ز

طبعا ات قعدت بالبرازيل فى هالسفره 28 يوم وما اقدر احكي مثل الشباب عن كل يوم بالتفصيل لاكن ساحكي وين الامكان يلى رحت ليها ويلي تستحق الزياره..........
اول مكان انصح بزيارته هو مدينة بوزوس تبعد على ريو ساعتين باسياره وهى مدينه جميله جدا واغلب البرازيلين يروحون هناك فى العطلات اي ايام السبت والاحد وتلاحظ هدا ادا دهب لها فى يوم السبت ستكون الطريق مزدحمه جدا ..... هده المدينه تمتاز بشوارعها الضيقه ولها سنتر من اروع ما يكون على الاقدام سيرا محلات وساحه بوسط السنتر على الهواء يقام فيها الحفلات بجميع انواعها للصغار فى مابعد الظهر الى المغرب ثم السيرك قليلا ثم الحفلات . وهي مناسبه جدا للعائلات . وستلاحظ وجد عائلات برازيليه وعائلات سواح باطفالهم هناك وهي على البحر ولها شط غير طبيعي جميل جدا جدا وتقام عليه الحفلات فى اليل على الهواء فيمكنك ان تشاهد على الشاطئ فى بوزوس عدة حفلات فى وقت واحد .....دهبنا انا وشمسي ورودريقو وثلات شباب من ساو باولو اصدقاء رودريقو اول مره يقومو بزيارة ريو. اجرنا سياره صغيره اسبوع 200 دولار واتكلنا على الله .......... عند الوصول الى بوزوس طبعا الطريق جميل جدا ومناظر طبيعيه روعه وهو امن جدا المهم وصلنا بوزوس ولاحظت شئ جميل جدا فى سنتر المدينه وهو ان جميع سكان بوزوس فى السنتر المحيط الساحه التى حكيت عنها التى يقام فيها الاحتفالات ان هولاء السكان فاتحين بيوتهم للاجار بالغرفه واغلبهم بيوت تصميم قدم لاكن جميله جدا جدا ونظيفه وبسعر رخيص جد يعني انا سكنت ومعي المجموعه فى احد هذه البيوت فيه ثلات حجرات اخدناها الثلاته بمبلغ 30 يورو وعند السكن فى احد هده المنازل لاتحتاج الى اى وسيلة نقل المطاعم والمقاهى والمحلات والانديه الليليه كلها على بجانبك والبحر امامها مباشر . اقول ان سنتر مدينة بوزوس فى قمة الروعه والجمال وهو بلغتنا ملموم مظموم........ بقيت فى بوزوس اسبوع اجمل ايام الرحله ........... يتبع

الاخ القايد .. انت مدمن دخان وكادو ان ينزلونك فى البرتغال ... لان معاك صحبه هل تعتقد انها خطيره!!!