حياكم الله
توصل 5 ولين تخلص من الجوازات 6
ادخل في الكوفيات اللي في المطار وتريق وريح ساعتين في الكوفي
واخذ تكسي الى لندن بتكون وصلت 10
اكيد بجانب السكن بتحصل محل تاخذ شريحة جوال ومطعم او كوفي
بالعربي مشي نفسك وهذا حال السفر
بالتوفيق

الله يعينك صراحة ... كان مفروض تأخذ بعين الاعتبار موعد الدخول للشقة وهو معروف يبدأ ساعة 2 في اغلب الأماكن ...

ممكن أخوي تقول لي عن سكنك هل هو شقه وين
محتاجه شقه من غرفتين نوم أو غرفه عادي حنا 4 وطفل
تكون في أجواد رود بدايته أو قبال الهايد بارك ولا الاكسسفورد ضروري وربي خايفه ولا لقيت الي الحين وإخواني الصغار ماخذتهم معي مين يفيدني مابيها أكثر من 2000 بوند بالأسبوع

ميس لندن
اعرف واحد كان عنده شقة مكونه من 3 غرف و صاله و حمامين و مكان ممتاز باجوار رود
و كان سعر الايجار لمده اسبوع 900 باوند لكن ليس مسموح ادراج رقم الشخص

ان شاء الله ماهي مشكلة
بسيطة ياخوي ولها ألف حل
زيادة على كلام مشرفنا فارس ، روح مكان السكن وحط أغراضك ، وأطلع بجولة حول مكان السكن وتعرف على المكان
ومش حالك بجولات خفيفة قريبة تستكشف من خلالها وتعرف الأماكن

عادي دايم تصير معنا في كل سفرة للندن
طيارة البريتش توصل لندن 6:30 الصباح ع بال ما نخلص الاجراءات صارت 7:30
و لين نطلع و نركب و نوصل الفندق صارت 9 الا شوي تقريباً
نحط شناطنا و نريح باللوبي عشر دقايق لشحن بطارياتنا الجسدية بعدين ننطلق للإفطار و استكشاف المنطقة و شراء شرائح الجوال
و نمر أي ماركت نأخذ مويا و الاحتياجات الاساسية
ما يمديك تخلص كل هالأشياء إلا الساعة صارت 1
و الفندق يدق عليك يقولكم وينكم تأخرتوا بعد
تروحون و ترجعون بالسلامة

بالمناسبة أخوي الهبوط في هيثرو بعد الساعة 6 الصباح ممنوع أي طائرة تهبط قبل 6
عشان راحة السكان الي ساكنين بجوار المطار .. تلف تلف ولا تبدأ بالهبوط تتابعاً إلا 6