الحمدلله على السلامه التخطيط الجيد هو اللي يخلي السفر مرتب
ان شاء الله تتعوض هذي الأخطاء في سفرات قريبه إن شاء الله
منتظرين
ومتابعين

وعليكم السلام ورحمة الله وبركاته في الانتظار إن شاء لله

الأخطاء شي طبيعي
بالعكس انتم نجحتم في سفرتكم لأنكم عرفتوا أخطائكم
ننتظر الباقي والله يعطيك العافيه

بالفعل مثل ما قال الأخ كوتي نجحتوا بسفرتكم لأن عرفتوا أخطائكم .. تتلافوها بالمرات القادمة ..
والحمدلله على سلامة الوصول
بأنتظار الصور

شكرا للردود والمتابعه
حمستوني
اولا صور فيينا
الفندق الدانوب هيلتون
الفندق جميل ويطل على نهر الدانوب اقمنا فيه ليله وحده

هاذي الصوره من شباك الغرفه

وهذا البط بنهر الدانوب

هاذي اظن دار الاوبرا

وهذا ياخذ فيك فره بمبلغ وقدره

وهاذي كنيسه بالسوق الكبير عندهم بس اسمه ما حفظته كله ماركات

والى هنا خلصنا فيينا .......

نجي هنا لسالزبورغ
الفندق : بريستول
فندق على طراز القصور الملكية طريقة ممراته وغرفه ..
كانوا رائعين جدا ومتعاونين ..
الفندق قريب من كل شي نمشي ونوصل لكل المحلات المهمه ..مطاعم اسواق محطة المترو ..الخ
هذا الفندق من برا

ممرات الفندق شوفوه كيف زي حق الافلام والمسلسلات ههه

هذا نهر السالزبورغ وفوق المدينه القديمه واضحه

وهذا سور عالنهر والعشاق يكتبون اساميهم على اقفال ويقفلونها بالشبك ويرمون المفتاح ههه
طبعا الشعب كل اساميهم هناك خ

هاذي حديقة الماربيل

طبعا كنا يوم نبي تنمشى وقلنا بنروح رحله وتوهقنا
اسم الرحله ذا سوند اوف ميوزيك
اثر هذا فيلم قديم صوروه بسالزبورغ والرحله كلها نروح للاماكن اللي صوروا فيها
فحسيت الوقت راح بدون فايده
لان كنت احسب الرحله للمدينه القديمه فوق
وهنا ننتهي من سالزبورغ
المدينه جميله وصغيره وسهل المشي فيها وفيها مطاعم شاورما عربيه ..اهم شي ههه

انتظوني مع الصور القادمه لزيلامسي

تسلمين يا ريم على هالتقرير الجميل بس احسج مختصرته وين صور اماكن تصوير الفيلم صوت الموسيقى جميل الفيلم جدا صورك روعه ونبي اكثر فندقكم حلووة اطلاته على النهر والثاني جمييل بس وين صور الغرفه علشان نشوف وسعها
كملي متابعين معاج يا ريما

ياليت لو تفصلين شوي بالتقرير
شكرا لك اختي
ووننتظر زيلامسي بطريقتك
الله يعطيك العافيه